Kishkindha Kanda, Sarga 35

तथा ब्रुवाणं सौमित्रिं प्रदीप्तमिव तेजसा। अब्रवील्लक्ष्मणं तारा ताराधिपनिभानना।।4.35.1।।

tathā bruvāṇaṃ saumitriṃ pradīptamiva tejasā| abravīllakṣmaṇaṃ tārā tārādhipanibhānanā

While Lakshmana, the son of Sumitra, was glowing like fire with his brilliance, thus spoke the moonfaced Tara:

नैवं लक्ष्मण वक्तव्यो नायं परुषमर्हति। हरीणामीश्वरश्श्रोतुं तव वक्त्राद्विशेषतः।।4.35.2।।

naivaṃ lakṣmaṇa vaktavyo nāyaṃ paruṣamarhati| harīṇāmīśvaraśśrotuṃ tava vaktrādviśeṣataḥ

'O Lakshmana you, in particular, should not speak to the king of vanaras in that manner. He does not deserve to hear from your mouth words which are harsh.

नैवाकृतज्ञस्सुग्रीवो न शठो नापि दारुणः। नैवानृतकथो वीर न जिह्मश्च कपीश्वरः।।4.35.3।।

naivākṛtajñassugrīvo na śaṭho nāpi dāruṇaḥ| naivānṛtakatho vīra na jihmaśca kapīśvaraḥ

'O hero Sugriva, king of monkeys, is not ungrateful or deceitful, He is neither crooked nor false.

उपकारं कृतं वीरो नाप्ययं विस्मृतः कपिः। रामेण वीर सुग्रीवो यदन्यैर्दुष्करं रणे।।4.35.4।।

upakāraṃ kṛtaṃ vīro nāpyayaṃ vismṛtaḥ kapiḥ| rāmeṇa vīra sugrīvo yadanyairduṣkaraṃ raṇe

'O hero this warrior Sugriva has not forgotten the help rendered by Rama in combat which was difficult (to win).

रामप्रसादात्कीर्तिञ्च कपिराज्यं च शाश्वतम्। प्राप्तवानिह सुग्रीवो रुमां मां च परन्तप ।।4.35.5।।

rāmaprasādātkīrtiñca kapirājyaṃ ca śāśvatam| prāptavāniha sugrīvo rumāṃ māṃ ca parantapa

'O scorcher of enemies it is by Rama's grace that Sugriva has attained fame, the kingdom of monkeys and Ruma and me.

सुदुःखं शयितः पूर्वं प्राप्येदं सुखमुत्तमम्। प्राप्तकालं न जानीते विश्वामित्रो यथा मुनिः।।4.35.6।।

suduḥkhaṃ śayitaḥ pūrvaṃ prāpyedaṃ sukhamuttamam| prāptakālaṃ na jānīte viśvāmitro yathā muniḥ

'Sleep did not come to him in deep distress in the past, and now that great happiness has come, he does not realize that it is time to act (search for Sita). He behaves like sage Viswamitra.

घृताच्यां किल संसक्तो दशवर्षाणि लक्ष्मण। अहोऽमन्यत धर्मात्मा विश्वामित्रो महामुनिः।।4.35.7।।

ghṛtācyāṃ kila saṃsakto daśavarṣāṇi lakṣmaṇa| aho'manyata dharmātmā viśvāmitro mahāmuniḥ

'O Lakshmana great sage Visvamitra was in union with an apsara Gritachi for ten years and felt it was just one day indeed

स हि प्राप्तं न जानीते कालं कालविदां वरः। विश्वामित्रो महातेजाः किं पुनर्यः पृथग्जनः।।4.35.8।।

sa hi prāptaṃ na jānīte kālaṃ kālavidāṃ varaḥ| viśvāmitro mahātejāḥ kiṃ punaryaḥ pṛthagjanaḥ

'If the brilliant and the most distinguished of those who knew the value of time did not realise the passing of time, what can be said of an ordinary person?

देहधर्मं गतस्यास्य परिश्रान्तस्य लक्ष्मण। अवितृप्तस्य कामेषु कामं क्षन्तुमिहार्हसि।।4.35.9।।

dehadharmaṃ gatasyāsya pariśrāntasya lakṣmaṇa| avitṛptasya kāmeṣu kāmaṃ kṣantumihārhasi

'O Lakshmana you should pardon him since he is not yet satisfied, though tired, with the struggle for the fulfilment of his sensual pleasures.

न च रोषवशं तात गन्तुमर्हसि लक्ष्मण। निश्चयार्थमविज्ञाय सहसा प्राकृतो यथा।।4.35.10।।

na ca roṣavaśaṃ tāta gantumarhasi lakṣmaṇa| niścayārthamavijñāya sahasā prākṛto yathā

'O dear Lakshmana not knowing the true intention of Sugriva, it is not proper for you to be rashly angry like an ordinary man.

सत्त्वयुक्ता हि पुरुषास्त्वद्विधाः पुरुषर्षभ। अविमृश्य न रोषस्य सहसा यान्ति वश्यताम्।।4.35.11।।

sattvayuktā hi puruṣāstvadvidhāḥ puruṣarṣabha| avimṛśya na roṣasya sahasā yānti vaśyatām

'O bull among men men with right vision like you do not become angry instantly without right thinking.

प्रसादये त्वां धर्मज्ञ सुग्रीवार्थे समाहिता। महान्रोषसमुत्पन्न स्संरम्भस्त्यज्यतामयम्।।4.35.12।।

prasādaye tvāṃ dharmajña sugrīvārthe samāhitā| mahānroṣasamutpanna ssaṃrambhastyajyatāmayam

'O Lakshmana, knower of dharma, give up your agitation arising out of great anger. Be composed for the sake of Sugriva.

रुमां मां कपि राज्यं च धनधान्यवसूनि च। रामप्रियार्थं सुग्रीवस्त्यजेदिति मतिर्मम।।4.35.13।।

rumāṃ māṃ kapi rājyaṃ ca dhanadhānyavasūni ca| rāmapriyārthaṃ sugrīvastyajediti matirmama

'I feel Sugriva should (is prepared to) renounce the monkeykingdom, wealth, grains and other treasures and even Ruma and me for the pleasure of Rama.

समानेष्यति सुग्रीव स्सीतया सह राघवम्। शशाङ्कमिव रोहिण्या निहत्वा रावणं रणे।।4.35.14।।

samāneṣyati sugrīva ssītayā saha rāghavam| śaśāṅkamiva rohiṇyā nihatvā rāvaṇaṃ raṇe

'Killing Ravana in war, Sugriva will restore Sita soon to Rama.Rama will join Sita like Moon joins Rohini.

शतकोटिसहस्राणि लङ्कायां किल राक्षसाः। आयुतानि च षट्त्रिंशत्सहस्राणि शतानि च।।4.35.15।।

śatakoṭisahasrāṇi laṅkāyāṃ kila rākṣasāḥ| āyutāni ca ṣaṭtriṃśatsahasrāṇi śatāni ca

'The number of demons in Lanka is reported to be a hundred thousand crore, three lakh, ninetynine thousand and six hundred. (Note: Indian tradition has numbers up to eighteen digits. One hundred thousand crores is equal to a 'mahapadma' which has thirteen digits. The number described here is 1000000399600.)

अहत्वा तांश्च दुर्धर्षान्राक्षसान्कामरूपिणः। न शक्यो रावणो हन्तुं येन सा मैथिली हृता।।4.35.16।।

ahatvā tāṃśca durdharṣānrākṣasānkāmarūpiṇaḥ| na śakyo rāvaṇo hantuṃ yena sā maithilī hṛtā

'It is not possible to kill Ravana who has stolen Sita without killing those unassailable demons who can assume any form at their will.

ते न शक्या रणे हन्तुमसहायेन लक्ष्मण। रावणः क्रूरकर्मा च सुग्रीवेण विशेषतः।।4.35.17।।

te na śakyā raṇe hantumasahāyena lakṣmaṇa| rāvaṇaḥ krūrakarmā ca sugrīveṇa viśeṣataḥ

'O Lakshmana moreover it is not possible for Sugriva alone to kill the wicked Ravana without the help of the monkeys.

एवमाख्यातवान्वाली स ह्यभिज्ञो हरीश्वरः। आगमस्तु न मे व्यक्तश्श्रवात्तस्माद्ब्रवीम्यहम्।।4.35.18।।

evamākhyātavānvālī sa hyabhijño harīśvaraḥ| āgamastu na me vyaktaśśravāttasmādbravīmyaham

Vali, the wellinformed lord of the monkeys, has given an account of the demons. The source of the account is not known to me.Therefore I am speaking from what I have heard.

त्वत्सहायनिमित्तं वै प्रेषिता हरिपुङ्गवाः। आनेतुं वानरान्युद्धे सुबहून्हरियूधपान्।।4.35.19।।

tvatsahāyanimittaṃ vai preṣitā haripuṅgavāḥ| ānetuṃ vānarānyuddhe subahūnhariyūdhapān

'Monkey chiefs have been sent to bring multitudes of monkey leaders to help you in the battle.

तांश्च प्रतीक्षमाणोऽयं विक्रान्तात्सुमहाबलान्। राघवस्यार्थसिध्यर्थं न निर्याति हरीश्वरः।।4.35.20।।

tāṃśca pratīkṣamāṇo'yaṃ vikrāntātsumahābalān| rāghavasyārthasidhyarthaṃ na niryāti harīśvaraḥ

'Sugriva is awaiting the arrival of the powerful and strong vanaras without whose help he cannot accomplish Rama's task.Therefore he has not yet started (the search).

कृता तु संस्था सौमित्रे सुग्रीवेण पुरा यथा। अद्य तैर्वानरैस्सर्वैरागन्तव्यं महाबलैः।।4.35.21।।

kṛtā tu saṃsthā saumitre sugrīveṇa purā yathā| adya tairvānaraissarvairāgantavyaṃ mahābalaiḥ

'O Lakshmana since Sugriva has already promulgated an ordinance to all the mighty vanaras, they should be all arriving by now.

ऋक्षकोटिसहस्राणि गोलाङ्गूलशतानि च। अद्य त्वामुपयास्यन्ति जहि कोपमरिन्दम। कोट्योऽनेकास्तु काकुत्स्थ कपीनां दीप्ततेजसाम्।।4.35.22।।

ṛkṣakoṭisahasrāṇi golāṅgūlaśatāni ca| adya tvāmupayāsyanti jahi kopamarindama| koṭyo'nekāstu kākutstha kapīnāṃ dīptatejasām

Give up your anger, O subduer of foes; today, Kakutstha, thousands of crores of bears, hundreds of golangulas, and many crores of fiery-spirited monkeys will come to attend on you.

तव हि मुखमिदं निरीक्ष्य कोपात् क्षतजनिभे नयने निरीक्षमाणाः। हरिवरवनिता न यान्ति शान्तिं प्रथमभयस्य हि शङ्कितास्तु सर्वाः।।4.35.23।।

tava hi mukhamidaṃ nirīkṣya kopāt kṣatajanibhe nayane nirīkṣamāṇāḥ| harivaravanitā na yānti śāntiṃ prathamabhayasya hi śaṅkitāstu sarvāḥ

'Looking at your angry countenance with bloodred eyes, the wives of the foremost of monkeys are frightened by the possibility of similar danger of the past (of Vali's death) and do not find peace of mind.' इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे पञ्चत्रिंशस्सर्गः।। Thus ends the thirtyfifth sarga in Kishkindakanda of the first epic, the Holy Ramayana composed by sage Valmiki.