Uttara Kanda, Sarga 8

हन्यमाने बले तस्मिन्पद्मनाभेन पृष्ठतः । माल्वान्सन्निवृत्तो ऽथ वेलामेत्य इवार्णवः ।। 7.8.1 ।।

hanyamāne bale tasminpadmanābhena pṛṣṭhataḥ | mālvānsannivṛtto 'tha velāmetya ivārṇavaḥ || 7.8.1 ||

When his army was being struck from behind by Padmanabha, Malvan then turned back, like the ocean reaching its shore.

संरक्तनयनः कोपाच्चलन्मौलिर्निशाचरः । पद्मनाभमिदं प्राह वचनं पुरुषोत्तमम् ।। 7.8.2 ।।

saṃraktanayanaḥ kopāccalanmaulirniśācaraḥ | padmanābhamidaṃ prāha vacanaṃ puruṣottamam || 7.8.2 ||

With bloodshot eyes from anger and a trembling crown, the demon spoke these words to Padmanabha, the best of men.

नारायण न जानीषे क्षात्रधर्मं पुरातनम् । अयुद्धमनसो भीतानस्मान्हंसि यथेतरः ।। 7.8.3 ।।

nārāyaṇa na jānīṣe kṣātradharmaṃ purātanam | ayuddhamanaso bhītānasmānhaṃsi yathetaraḥ || 7.8.3 ||

O Narayana, you do not know the ancient duty of a warrior, as you kill us, who are frightened and not intent on fighting, like a common person.

पराङ्मुखवधं पापं यः करोत्यसुरेतरः । स हन्ता न गतः स्वर्गं लभते पुण्यकर्मणाम् ।। 7.8.4 ।।

parāṅmukhavadhaṃ pāpaṃ yaḥ karotyasuretaraḥ | sa hantā na gataḥ svargaṃ labhate puṇyakarmaṇām || 7.8.4 ||

Whoever, not being a demon, commits the sin of killing those who have turned their back, that killer does not attain the heaven of those who perform meritorious deeds.

युद्धश्रद्धा ऽथवा ते ऽस्ति शङ्खचक्रगदाधर । 4अहं स्थितो ऽस्मि पश्यामि बलं दर्शय यत्तव ।। 7.8.5 ।।

yuddhaśraddhā 'thavā te 'sti śaṅkhacakragadādhara | 4ahaṃ sthito 'smi paśyāmi balaṃ darśaya yattava || 7.8.5 ||

Or if you have a desire for battle, O holder of conch, discus, and mace, I am standing here; show me the strength that is yours.

माल्यवन्तं स्थितं दृष्ट्वा माल्यवन्तमिवाचलम् । उवाच राक्षसेन्द्रं तं देवराजानुजो बली ।। 7.8.6 ।।

mālyavantaṃ sthitaṃ dṛṣṭvā mālyavantamivācalam | uvāca rākṣasendraṃ taṃ devarājānujo balī || 7.8.6 ||

The powerful younger brother of Indra, seeing Malyavan standing like an immovable mountain, spoke to that king of Rakshasas.

युष्मत्तो भयभीतानां देवानां वै मया ऽभयम् । राक्षसोत्सादनं दत्तं तदेतदनुपाल्यते ।। 7.8.7 ।।

yuṣmatto bhayabhītānāṃ devānāṃ vai mayā 'bhayam | rākṣasotsādanaṃ dattaṃ tadetadanupālyate || 7.8.7 ||

I indeed granted protection and the destruction of Rakshasas to the gods who were terrified of you, and that promise is now being fulfilled.

प्राणैरपि प्रियं कार्यं देवानां हि सदा मया । सो ऽहं वो निहनिष्यामि रसातलगतानपि ।। 7.8.8 ।।

prāṇairapi priyaṃ kāryaṃ devānāṃ hi sadā mayā | so 'haṃ vo nihaniṣyāmi rasātalagatānapi || 7.8.8 ||

Indeed, the welfare of the gods is dearer to me than my own life, and therefore I will kill you all, even if you hide in the lowest netherworld.

देवदेवं ब्रुवाणं तं रक्ताम्बुरुहलोचनम् । शक्त्या बिभेद सङ्क्रुद्धो राक्षसेन्द्रो भुजान्तरे ।। 7.8.9 ।।

devadevaṃ bruvāṇaṃ taṃ raktāmburuhalocanam | śaktyā bibheda saṅkruddho rākṣasendro bhujāntare || 7.8.9 ||

The greatly enraged king of Rakshasas pierced the chest of the god of gods, whose eyes were like red lotuses, with a spear as he was speaking.

माल्यवद्भुजनिर्मुक्ता शक्तिर्घण्टाकृतस्वना । हरेरुरसि बभ्राज मेघस्थेव शतह्रदा ।। 7.8.10 ।।

mālyavadbhujanirmuktā śaktirghaṇṭākṛtasvanā | harerurasi babhrāja meghastheva śatahradā || 7.8.10 ||

The spear, released from Malyavan's arm with a bell-like sound, shone on Hari's chest like a flash of lightning in a cloud.

ततस्तामेव चोत्कृष्य शक्तिं शक्तिधरप्रियः । माल्यवन्तं समुद्दिश्य चिक्षेपाम्बुरुहेक्षणः ।। 7.8.11 ।।

tatastāmeva cotkṛṣya śaktiṃ śaktidharapriyaḥ | mālyavantaṃ samuddiśya cikṣepāmburuhekṣaṇaḥ || 7.8.11 ||

Then, the lotus-eyed Vishnu, dear to the wielder of Shakti, drew out that very spear and hurled it, aiming at Malyavan.

स्कन्दोत्सृष्टेव सा शक्तिर्गोविन्दकरनिस्सृता । काङ्क्षन्ती राक्षसं प्रायान्माहेन्द्रीवाञ्जनाचलम् ।। 7.8.12 ।।

skandotsṛṣṭeva sā śaktirgovindakaranissṛtā | kāṅkṣantī rākṣasaṃ prāyānmāhendrīvāñjanācalam || 7.8.12 ||

That spear, released from Govinda's hand, flew towards the demon as if thrown by Skanda, desiring to strike, just as Indra's thunderbolt strikes the Anjana mountain.

सा तस्योरसि विस्तीर्णे हारभारा ऽवभासिते । अपतद्राक्षसेन्द्रस्य गिरिकूट इवाशनिः ।। 7.8.13 ।।

sā tasyorasi vistīrṇe hārabhārā 'vabhāsite | apatadrākṣasendrasya girikūṭa ivāśaniḥ || 7.8.13 ||

That spear fell upon the broad chest of the king of demons, which was shining with many necklaces, just as a thunderbolt strikes a mountain peak.

तया भिन्नतनुत्राणः प्राविशद्विपुलं तमः । माल्यवान्पुनराश्वस्तस्तस्थौ गिरिरिवाचलः ।। 7.8.14 ।।

tayā bhinnatanutrāṇaḥ prāviśadvipulaṃ tamaḥ | mālyavānpunarāśvastastasthau giririvācalaḥ || 7.8.14 ||

With his armor shattered by that spear, Malyavan fell into deep unconsciousness, but then regained consciousness and stood unmoving like a mountain.

ततः कार्ष्णायसं शूलं कण्टकैर्बहुभिर्वतम् । प्रगृह्याभ्यहनद्देवं स्तनयोरन्तरे दृढम् ।। 7.8.15 ।।

tataḥ kārṣṇāyasaṃ śūlaṃ kaṇṭakairbahubhirvatam | pragṛhyābhyahanaddevaṃ stanayorantare dṛḍham || 7.8.15 ||

Then, seizing a black iron spear covered with many spikes, Malyavan firmly struck the god between his breasts.

तथैव रणरक्तस्तु मुष्टिना वासवानुजम् । ताडयित्वा धनुर्मात्रमपक्रान्तो निशाचरः ।। 7.8.16 ।।

tathaiva raṇaraktastu muṣṭinā vāsavānujam | tāḍayitvā dhanurmātramapakrānto niśācaraḥ || 7.8.16 ||

The demon, eager for battle, struck Vishnu (Upendra) with his fist and then retreated a bow's length.

ततो ऽम्बरे महाञ्छब्दः साधुसाध्विति चोदितः । आहत्य राक्षसो विष्णुं गरुडं चाप्यताडयत् ।। 7.8.17 ।।

tato 'mbare mahāñchabdaḥ sādhusādhviti coditaḥ | āhatya rākṣaso viṣṇuṃ garuḍaṃ cāpyatāḍayat || 7.8.17 ||

Then a great cry of "well done, well done" arose in the sky as the demon, having struck Vishnu, also struck Garuda.

वैनतेयस्ततः क्रुद्धः पक्षवातेन राक्षसम् । व्यपोहद्बलवान्वायुः शुष्कपर्णचयं यथा ।। 7.8.18 ।।

vainateyastataḥ kruddhaḥ pakṣavātena rākṣasam | vyapohadbalavānvāyuḥ śuṣkaparṇacayaṃ yathā || 7.8.18 ||

Enraged, Garuda then blew away the demon with the powerful wind from his wings, just as a strong wind scatters a heap of dry leaves.

द्विजेन्द्रपक्षवातेन द्रावितं दृश्य पूर्वजम् । सुमाली स्वबलैः सार्धं लङ्कामभिमुखो ययौ ।। 7.8.19 ।।

dvijendrapakṣavātena drāvitaṃ dṛśya pūrvajam | sumālī svabalaiḥ sārdhaṃ laṅkāmabhimukho yayau || 7.8.19 ||

Seeing his elder brother (Malyavan) driven away by the wind from Garuda's wings, Sumali, along with his own forces, headed towards Lanka.

पक्षवातबलोद्धूतो माल्यवानपि राक्षसः । स्वबलेन समागम्य ययौ लङ्कां ह्रिया वृतः ।। 7.8.20 ।।

pakṣavātabaloddhūto mālyavānapi rākṣasaḥ | svabalena samāgamya yayau laṅkāṃ hriyā vṛtaḥ || 7.8.20 ||

Malyavan, the demon who was tossed up by the force of the wing-wind, also rejoined his forces and went towards Lanka, overcome with shame.

एवं ते राक्षसा तेन हरिणा कमलेक्षण । बहुशः संयुगे भग्ना हतप्रवरनायकाः ।। 7.8.21 ।।

evaṃ te rākṣasā tena hariṇā kamalekṣaṇa | bahuśaḥ saṃyuge bhagnā hatapravaranāyakāḥ || 7.8.21 ||

O lotus-eyed one, those Rākṣasas were repeatedly defeated in battle by that Hari (Vishnu), having their chief leaders slain.

अशक्नुवन्तस्ते विष्णुं प्रतियोद्धुं भयार्दिताः । त्यक्त्वा लङ्कां गता वस्तुं पातालं सहपत्नयः ।। 7.8.22 ।।

aśaknuvantaste viṣṇuṃ pratiyoddhuṃ bhayārditāḥ | tyaktvā laṅkāṃ gatā vastuṃ pātālaṃ sahapatnayaḥ || 7.8.22 ||

Being unable to fight against Vishnu and afflicted by fear, they abandoned Lanka and went to dwell in Pātāla along with their wives.

सुमालिनं समासाद्य राक्षसं रघुसत्तम । स्थिताः प्रख्यातवीर्यास्ते वंशे सालकटङ्कटे ।। 7.8.23 ।।

sumālinaṃ samāsādya rākṣasaṃ raghusattama | sthitāḥ prakhyātavīryāste vaṃśe sālakaṭaṅkaṭe || 7.8.23 ||

O best of Raghu's lineage, those Rākṣasas, renowned for their valor, joined the Rākṣasa Sumālin and settled in the lineage of Sālakaṭaṅkaṭa.

ये त्वया निहतास्ते तु पौलस्त्या नाम राक्षसाः । सुमाली माल्यवान्माली ये च तेषां पुरःसराः ।।

ye tvayā nihatāste tu paulastyā nāma rākṣasāḥ | sumālī mālyavānmālī ye ca teṣāṃ puraḥsarāḥ ||

The Rākṣasas of the Pulastya lineage whom you killed, O Rama, include Sumālī, Mālyavān, Mālī, and their other leaders.

सर्वे तेभ्यो महाभागा रावणाद्बलवत्तराः ।। 7.8.24 ।।

sarve tebhyo mahābhāgā rāvaṇādbalavattarāḥ || 7.8.24 ||

O highly fortunate one, all of them were more powerful than Rāvaṇa.

न चान्यो राक्षसान्हन्ता सुरारीन्देवकण्टकान् । ऋते नारायणं देवं शङ्खचक्रगदाधरम् ।। 7.8.25 ।।

na cānyo rākṣasānhantā surārīndevakaṇṭakān | ṛte nārāyaṇaṃ devaṃ śaṅkhacakragadādharam || 7.8.25 ||

No one else can kill the Rākṣasas, who are enemies and tormentors of the gods, except for the god Nārāyaṇa, who holds the conch, discus, and mace.

भवान्नारायणो देवश्चतुर्बाहुः सनातनः । राक्षसान्हन्तुमुत्पन्नो ह्यजेयः प्रभुरव्ययः ।। 7.8.26 ।।

bhavānnārāyaṇo devaścaturbāhuḥ sanātanaḥ | rākṣasānhantumutpanno hyajeyaḥ prabhuravyayaḥ || 7.8.26 ||

You are indeed the eternal, four-armed god Nārāyaṇa, manifested to kill the Rākṣasas, and you are the unconquerable, imperishable lord.

नष्टधर्मव्यवस्थाता काले काले प्रजाकरः । उत्पद्यते दस्युवधे शरणागतवत्सलः ।। 7.8.27 ।।

naṣṭadharmavyavasthātā kāle kāle prajākaraḥ | utpadyate dasyuvadhe śaraṇāgatavatsalaḥ || 7.8.27 ||

He, who is affectionate towards those who seek refuge, manifests from time to time to re-establish the lost order of Dharma, protect beings, and destroy villains.

एषा मया तव नराधिप राक्षसानामुत्पत्तिरद्य कथिता सकला यथावत् । भूयो निबोध रघुसत्तम रावणस्य जन्मप्रभावमतुलं ससुतस्य सर्वम् ।। 7.8.28 ।।

eṣā mayā tava narādhipa rākṣasānāmutpattiradya kathitā sakalā yathāvat | bhūyo nibodha raghusattama rāvaṇasya janmaprabhāvamatulaṃ sasutasya sarvam || 7.8.28 ||

O King of men, I have today narrated to you the complete and proper origin of the Rākṣasas; now, O best of Raghu's lineage, listen further to the entire incomparable power and birth of Rāvaṇa along with his sons.

चिरात्सुमाली व्यचरद्रसातलं स राक्षसो विष्णुभयार्दितस्तदा । पुत्रैश्च पौत्रैश्च समन्वितो बली ततस्तु लङ्कामवसद्धनेश्वरः ।। 7.8.29 ।।

cirātsumālī vyacaradrasātalaṃ sa rākṣaso viṣṇubhayārditastadā | putraiśca pautraiśca samanvito balī tatastu laṅkāmavasaddhaneśvaraḥ || 7.8.29 ||

For a long time, that powerful Rākṣasa Sumālī, tormented by fear of Viṣṇu, wandered in Rasātala accompanied by his sons and grandsons, while the lord of wealth (Kubera) then resided in Laṅkā. इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे ऽष्टमः सर्गः ।। 8 ।। Thus ends the eighth sarga of Uttara Kanda of the holy Ramayana the first epic composed by sage Valmiki.