Uttara Kanda, Sarga 7

नारायणगिरिं ते तु गर्जन्तो राक्षसाम्बुदाः । ववर्षुः शरवर्षेण वर्षेणेवाद्रिमम्बुदाः ।। 7.7.1 ।।

nārāyaṇagiriṃ te tu garjanto rākṣasāmbudāḥ | vavarṣuḥ śaravarṣeṇa varṣeṇevādrimambudāḥ || 7.7.1 ||

Those roaring demon-clouds, like actual clouds showering rain upon a mountain, indeed showered a rain of arrows upon the mountain-like Narayana (Vishnu/Rama).

श्यामावदातस्तैर्विष्णुर्नीलैर्नक्तञ्चरोत्तमैः । वृतो ऽञ्जनगिरीवासीत् वर्षमाणैः पयोधरैः ।। 7.7.2 ।।

śyāmāvadātastairviṣṇurnīlairnaktañcarottamaiḥ | vṛto 'ñjanagirīvāsīt varṣamāṇaiḥ payodharaiḥ || 7.7.2 ||

The dark-complexioned and radiant Vishnu, surrounded by those blue, best of night-wanderers, became like a collyrium mountain being showered upon by clouds.

शलभा इव केदारं मशका इव पर्वतम् । यथामृतघटं दंशा मकरा इव चार्णवम् ।। 7.7.3 ।।

śalabhā iva kedāraṃ maśakā iva parvatam | yathāmṛtaghaṭaṃ daṃśā makarā iva cārṇavam || 7.7.3 ||

Just as locusts swarm a field, mosquitoes a mountain, flies a pot of nectar, and crocodiles the ocean, so too did the arrows approach Hari.

तथा रक्षोधनुर्मुक्ता वज्रानिलमनोजवाः । हरिं विशन्ति स्म शरा लोका इव विपर्यये ।। 7.7.4 ।।

tathā rakṣodhanurmuktā vajrānilamanojavāḥ | hariṃ viśanti sma śarā lokā iva viparyaye || 7.7.4 ||

Similarly, arrows released from the bows of demons, possessing the speed of lightning, wind, and mind, entered Hari, just as all beings merge into the supreme at the time of cosmic dissolution.

स्यन्दनैः स्यन्दनगता गजैश्च गजपृष्ठगाः । अश्वारोहास्तथाश्वैश्च पादाताश्चाम्बरे स्थिताः ।। 7.7.5 ।।

syandanaiḥ syandanagatā gajaiśca gajapṛṣṭhagāḥ | aśvārohāstathāśvaiśca pādātāścāmbare sthitāḥ || 7.7.5 ||

Those who rode in chariots, those on elephant-backs, horse-riders with their horses, and foot-soldiers, all were positioned in the sky.

राक्षसेन्द्रा गिरिनिभाः शरैः शक्त्यृष्टितोमरैः । निरुछ्वासं हरिं चक्रुः प्राणायामा इव द्विजम् ।। 7.7.6 ।।

rākṣasendrā girinibhāḥ śaraiḥ śaktyṛṣṭitomaraiḥ | niruchvāsaṃ hariṃ cakruḥ prāṇāyāmā iva dvijam || 7.7.6 ||

The mountain-like demon lords, using arrows, spears, lances, and javelins, rendered Hari breathless, just as breath control exercises make a brahmin breathless.

निशाचरैस्ताड्यमानो मीनैरिव महोदधिः । शार्ङ्गमायम्य दुर्धर्षो राक्षसेभ्यो ऽसृजच्छरान् ।। 7.7.7 ।।

niśācaraistāḍyamāno mīnairiva mahodadhiḥ | śārṅgamāyamya durdharṣo rākṣasebhyo 'sṛjaccharān || 7.7.7 ||

Being tormented by the night-wanderers like the great ocean by fish, the unconquerable one drew his Sharnga bow and discharged arrows at the demons.

शरैः पूर्णायतोत्सृष्टैर्वज्रवक्त्रैर्मनोजवैः । चिच्छेद विष्णुर्निशितैः शतशो ऽथ सहस्रशः ।। 7.7.8 ।।

śaraiḥ pūrṇāyatotsṛṣṭairvajravaktrairmanojavaiḥ | ciccheda viṣṇurniśitaiḥ śataśo 'tha sahasraśaḥ || 7.7.8 ||

With sharp arrows, fully drawn and released, having thunderbolt-like points and swift as thought, Vishnu cut them down by hundreds and then by thousands.

विद्राव्य शरवर्षेण वर्षा वायुरिवोत्थितम् । पाञ्चजन्यं महाशङ्खं प्रदध्मौ पुरुषोत्तमः ।। 7.7.9 ।।

vidrāvya śaravarṣeṇa varṣā vāyurivotthitam | pāñcajanyaṃ mahāśaṅkhaṃ pradadhmau puruṣottamaḥ || 7.7.9 ||

Having dispersed the rain of arrows with his own arrows, just as wind disperses rain, the best among men blew his great conch, Panchajanya.

सो ऽम्बुजो हरिणा ध्मातः सर्वप्राणेन शङ्खराट् । ररास भीमनिर्हादस्त्रैलोक्यं व्यथयन्निव ।। 7.7.10 ।।

so 'mbujo hariṇā dhmātaḥ sarvaprāṇena śaṅkharāṭ | rarāsa bhīmanirhādastrailokyaṃ vyathayanniva || 7.7.10 ||

That water-born king of conches, blown by Hari with all his might, roared with a terrible sound, as if terrifying the three worlds.

शङ्खराजरवः सो ऽथ त्रासयामास राक्षसान् । मृगराज इवारण्ये समदानिव कुञ्जरान् ।। 7.7.11 ।।

śaṅkharājaravaḥ so 'tha trāsayāmāsa rākṣasān | mṛgarāja ivāraṇye samadāniva kuñjarān || 7.7.11 ||

Then, the sound of the king of conches terrified the Rākṣasas, just as a lion in the forest frightens maddened elephants.

न शेकुरश्वाः संस्थातुं विमदाः कुञ्जराभवन् । स्यन्दनेभ्यश्च्युता वीराः शङ्खरावितदुर्बलाः ।। 7.7.12 ।।

na śekuraśvāḥ saṃsthātuṃ vimadāḥ kuñjarābhavan | syandanebhyaścyutā vīrāḥ śaṅkharāvitadurbalāḥ || 7.7.12 ||

The horses were unable to stand still, the elephants lost their ichor and strength, and warriors, weakened by the conch's sound, fell from their chariots.

शार्ङ्गचापविनिर्मुक्ता वज्रतुल्याननाः शराः । विदार्य तानि रक्षांसि सुपुङ्खा विविशुः क्षितिम् ।। 7.7.13 ।।

śārṅgacāpavinirmuktā vajratulyānanāḥ śarāḥ | vidārya tāni rakṣāṃsi supuṅkhā viviśuḥ kṣitim || 7.7.13 ||

Arrows released from the Śārṅga bow, with points like thunderbolts, tore through those Rākṣasas and, with their well-feathered shafts, penetrated the earth.

भिद्यमानाः शरैः सङ्ख्ये नारायणकरच्युतैः । निपेतू राक्षसा भूमौ शैला वज्रहता इव ।। 7.7.14 ।।

bhidyamānāḥ śaraiḥ saṅkhye nārāyaṇakaracyutaiḥ | nipetū rākṣasā bhūmau śailā vajrahatā iva || 7.7.14 ||

Being pierced by arrows released from Nārāyaṇa's hand in battle, the Rākṣasas fell to the ground like mountains struck by a thunderbolt.

व्रणानि परगात्रेभ्यो विष्णुचक्रकृतानि वै । असृक्क्षरन्ति धाराभिः स्वर्णधारा इवाचलाः ।। 7.7.15 ।।

vraṇāni paragātrebhyo viṣṇucakrakṛtāni vai | asṛkkṣaranti dhārābhiḥ svarṇadhārā ivācalāḥ || 7.7.15 ||

From the enemies' bodies, wounds made by Viṣṇu's discus indeed streamed blood in torrents, resembling mountains from which streams of gold flow.

शङ्खराजरवश्चापि शार्ङ्गचापरस्वस्तथा । राक्षसानां रवांश्चापि ग्रसते वैष्णवो रवः ।। 7.7.16 ।।

śaṅkharājaravaścāpi śārṅgacāparasvastathā | rākṣasānāṃ ravāṃścāpi grasate vaiṣṇavo ravaḥ || 7.7.16 ||

The sound of Viṣṇu's conch and the twang of his Śārṅga bow completely overpower and swallow the roars of the Rākṣasas.

तेषां शिरोधरान्धूताञ्छरध्वजधनूंषि च । रथान्पताकास्तूणीरांश्चिच्छेद स हरिः शरैः ।। 7.7.17 ।।

teṣāṃ śirodharāndhūtāñcharadhvajadhanūṃṣi ca | rathānpatākāstūṇīrāṃściccheda sa hariḥ śaraiḥ || 7.7.17 ||

Hari, with his arrows, severed their necks, and cut down their arrows, banners, bows, chariots, flags, and quivers.

सूर्यादिव करा घोरा ऊर्मयः सागरादिव । पर्वतादिव नागेन्द्रा धारौघा इव चाम्बुदात् ।। 7.7.18 ।।

sūryādiva karā ghorā ūrmayaḥ sāgarādiva | parvatādiva nāgendrā dhāraughā iva cāmbudāt || 7.7.18 ||

Just as terrible rays emanate from the sun, waves from the ocean, great elephants from mountains, and torrents of rain from a cloud, so too did arrows emerge.

तथा शार्ङ्गविनिर्मुक्ताः शरा नारायणेरिताः । निर्धावन्तीषवस्तूर्णं शतशोथ सहस्रशः ।। 7.7.19 ।।

tathā śārṅgavinirmuktāḥ śarā nārāyaṇeritāḥ | nirdhāvantīṣavastūrṇaṃ śataśotha sahasraśaḥ || 7.7.19 ||

Similarly, arrows released from the Śārṅga bow and propelled by Nārāyaṇa rushed forth swiftly by hundreds and thousands.

शरभेण यथा सिंहाः सिंहेन द्विरदा यथा । द्विरदेन यथा व्याघ्रा व्याघ्रेण द्वीपिनो यथा ।। 7.7.20 ।।

śarabheṇa yathā siṃhāḥ siṃhena dviradā yathā | dviradena yathā vyāghrā vyāghreṇa dvīpino yathā || 7.7.20 ||

Just as lions are overcome by a Śarabha, elephants by a lion, tigers by an elephant, and leopards by a tiger, so too were the Rākṣasas overwhelmed.

द्वीपिनेव यथा श्वानः शुना मार्जारका यथा । मार्जारेण यथा सर्पाः सर्पेण च यथा ऽ ऽखवः ।। 7.7.21 ।।

dvīpineva yathā śvānaḥ śunā mārjārakā yathā | mārjāreṇa yathā sarpāḥ sarpeṇa ca yathā ' 'khavaḥ || 7.7.21 ||

Just as dogs are afraid of a leopard, cats of a dog, snakes of a cat, and mice of a snake, so too were the rakshasas.

तथा ते राक्षसाः सर्वे विष्णुना प्रभविष्णुना । द्रवन्ति द्राविताश्चन्ये शायिताश्च महीतले ।। 7.7.22 ।।

tathā te rākṣasāḥ sarve viṣṇunā prabhaviṣṇunā | dravanti drāvitāścanye śāyitāśca mahītale || 7.7.22 ||

Similarly, all those rakshasas fled from the all-powerful Vishnu, while others were put to flight or laid dead on the ground.

राक्षसानां सहस्राणि निहत्य मधुसूदनः । वारिजं पूरयामास तोयदं सुरराडिव ।। 7.7.23 ।।

rākṣasānāṃ sahasrāṇi nihatya madhusūdanaḥ | vārijaṃ pūrayāmāsa toyadaṃ surarāḍiva || 7.7.23 ||

Having slain thousands of rakshasas, Madhusudana blew his conch, just as the king of gods (Indra) causes a cloud to thunder.

नारायणशरत्रस्तं शङ्खनादसुविह्वलम् । ययौ लङ्कामभिमुखं प्रभग्नं राक्षसं बलम् ।। 7.7.24 ।।

nārāyaṇaśaratrastaṃ śaṅkhanādasuvihvalam | yayau laṅkāmabhimukhaṃ prabhagnaṃ rākṣasaṃ balam || 7.7.24 ||

The routed rakshasa army, terrified by Narayana's arrows and greatly bewildered by the sound of his conch, fled towards Lanka.

प्रभग्ने राक्षसबले नारायणशराहते । सुमाली शरवर्षेण निववार रणे हरिम् ।। 7.7.25 ।।

prabhagne rākṣasabale nārāyaṇaśarāhate | sumālī śaravarṣeṇa nivavāra raṇe harim || 7.7.25 ||

When the rakshasa army was routed and struck by Narayana's arrows, Sumali, in battle, obstructed Hari with a shower of arrows.

स तु तं छादयामास नीहार इव भास्करम् । राक्षसाः सत्त्वसम्पन्नाः पुनर्धैर्यं समादधुः ।। 7.7.26 ।।

sa tu taṃ chādayāmāsa nīhāra iva bhāskaram | rākṣasāḥ sattvasampannāḥ punardhairyaṃ samādadhuḥ || 7.7.26 ||

He covered him like mist covers the sun, and the Rakshasas, filled with courage, regained their composure.

अथ सो ऽभ्यपतद्रोषाद्राक्षसो बलदर्पितः । महानादं प्रकुर्वाणो राक्षसाञ्जीवयन्निव ।। 7.7.27 ।।

atha so 'bhyapatadroṣādrākṣaso baladarpitaḥ | mahānādaṃ prakurvāṇo rākṣasāñjīvayanniva || 7.7.27 ||

Then, that Rakshasa, proud of his strength, rushed forward in anger, making a great roar as if to revive the other Rakshasas.

उत्क्षिप्य लम्बाभरणं धुन्वन्करमिव द्विपः । ररास राक्षसो हर्षात्सतडित्तोयदो यथा ।। 7.7.28 ।।

utkṣipya lambābharaṇaṃ dhunvankaramiva dvipaḥ | rarāsa rākṣaso harṣātsataḍittoyado yathā || 7.7.28 ||

Lifting his long ornaments and shaking them like an elephant shakes its trunk, the Rakshasa roared with joy, just like a thunderous cloud.

सुमालेर्नर्दतस्तस्य शिरो ज्वलितकुण्डलम् । चिच्छेद यन्तुरश्वाश्च भ्रान्तास्तस्य तु रक्षसः ।। 7.7.29 ।।

sumālernardatastasya śiro jvalitakuṇḍalam | ciccheda yanturaśvāśca bhrāntāstasya tu rakṣasaḥ || 7.7.29 ||

(He) cut off the head of the roaring Sumali, which was adorned with shining earrings, and the horses of that Rakshasa's charioteer became bewildered.

तैरश्वैर्भ्राम्यते भ्रान्तैः सुमाली राक्षसेश्वरः । इन्द्रियाश्वैः परिभ्रान्तैर्धृतिहीनो यथा नरः ।। 7.7.30 ।।

tairaśvairbhrāmyate bhrāntaiḥ sumālī rākṣaseśvaraḥ | indriyāśvaiḥ paribhrāntairdhṛtihīno yathā naraḥ || 7.7.30 ||

Sumali, the lord of Rakshasas, was whirled around by those bewildered horses, just as a man devoid of steadfastness is bewildered by the horses of his senses.

ततो विष्णुं महाबाहुं प्रपतन्तं रणाजिरे । हृते सुमालेरश्वैश्च रथे विष्णुरथं प्रति ।। 7.7.31 ।।

tato viṣṇuṃ mahābāhuṃ prapatantaṃ raṇājire | hṛte sumāleraśvaiśca rathe viṣṇurathaṃ prati || 7.7.31 ||

Then, as Vishnu's chariot was carried away by Sumali's horses, the mighty-armed Vishnu was seen falling down in the battlefield.

माली चाभ्यद्रवद्युक्तः प्रगृह्य सशरं धनुः । मालेर्धनुश्च्युता बाणाः कार्तस्वरविभूषिताः । विविशुर्हरिमासाद्य क्रौञ्चं पत्ररथा इव ।। 7.7.32 ।।

mālī cābhyadravadyuktaḥ pragṛhya saśaraṃ dhanuḥ | mālerdhanuścyutā bāṇāḥ kārtasvaravibhūṣitāḥ | viviśurharimāsādya krauñcaṃ patrarathā iva || 7.7.32 ||

Mali, ready and holding his bow with arrows, rushed towards Vishnu, and the gold-adorned arrows released from his bow pierced Vishnu, just as birds enter the Krauncha mountain.

अर्द्यमानः शरैः सो ऽथ मालिमुक्तैः सहस्रशः । चुक्षुभे न रणे विष्णुर्जितेन्द्रिय इवाधिभिः ।। 7.7.33 ।।

ardyamānaḥ śaraiḥ so 'tha mālimuktaiḥ sahasraśaḥ | cukṣubhe na raṇe viṣṇurjitendriya ivādhibhiḥ || 7.7.33 ||

Though tormented by thousands of arrows released by Mali, Vishnu remained unagitated in battle, like a person who has controlled his senses is unaffected by mental anxieties.

अथ मौर्वीस्वनं कृत्वा भगवान्भूतभावनः । मालिनं प्रति बाणौघान्ससर्जारिनिषूदनः ।। 7.7.34 ।।

atha maurvīsvanaṃ kṛtvā bhagavānbhūtabhāvanaḥ | mālinaṃ prati bāṇaughānsasarjāriniṣūdanaḥ || 7.7.34 ||

Then, the divine creator of beings and destroyer of enemies, making the twang of his bowstring, released showers of arrows towards Mali.

ते मालिदेहमासाद्य वज्रविद्युत्प्रभाः शराः । पिबन्ति रुधिरं तस्य नागा इव सुधारसम् ।। 7.7.35 ।।

te mālidehamāsādya vajravidyutprabhāḥ śarāḥ | pibanti rudhiraṃ tasya nāgā iva sudhārasam || 7.7.35 ||

Those arrows, shining like thunderbolts and lightning, reached Mali's body and drank his blood as if serpents were drinking nectar.

मालिनं विमुखं कृत्वा शङ्खचक्रगदाधरः । मालिमौलिं ध्वजं चापं वाजिनश्चाप्यपातयत् ।। 7.7.36 ।।

mālinaṃ vimukhaṃ kṛtvā śaṅkhacakragadādharaḥ | mālimauliṃ dhvajaṃ cāpaṃ vājinaścāpyapātayat || 7.7.36 ||

The wielder of the conch, discus, and mace turned Mali away and then struck down Mali's crown, banner, bow, and horses.

विरथस्तु गदां गृह्य माली नक्तञ्चरोत्तमः । आपुप्लुवे गदापाणिर्गिर्यग्रादिव केसरी ।। 7.7.37 ।।

virathastu gadāṃ gṛhya mālī naktañcarottamaḥ | āpupluve gadāpāṇirgiryagrādiva kesarī || 7.7.37 ||

But Mali, the foremost among night-roaming demons, having lost his chariot, took up his mace and, mace in hand, sprang forward like a lion from a mountain peak.

गदया गरुडेशानमीशानमिव चान्तकः । ललाटदेशे ऽभ्यहनद्वज्रेणेन्द्रो यथा ऽचलम् ।। 7.7.38 ।।

gadayā garuḍeśānamīśānamiva cāntakaḥ | lalāṭadeśe 'bhyahanadvajreṇendro yathā 'calam || 7.7.38 ||

With his mace, Mali struck the lord of Garuda on the forehead, just as Yama strikes Shiva, or as Indra strikes a mountain with his thunderbolt.

गदयाभिहतस्तेन मालिना गरुडो भृशम् । रणात्पराङ्मुखं देवं कृतवान्वेदनातुरः ।। 7.7.39 ।।

gadayābhihatastena mālinā garuḍo bhṛśam | raṇātparāṅmukhaṃ devaṃ kṛtavānvedanāturaḥ || 7.7.39 ||

Severely struck by Mali's mace, Garuda, distressed by the pain, caused the god (Vishnu) to turn away from the battle.

पराङ्मुखे कृते देवे मालिना गरुडेन वै । उदतिष्ठन्महाञ्छब्दो रक्षसामभिनर्दताम् ।। 7.7.40 ।।

parāṅmukhe kṛte deve mālinā garuḍena vai | udatiṣṭhanmahāñchabdo rakṣasāmabhinardatām || 7.7.40 ||

When the god was indeed made to turn away by Mali (through Garuda), a great roaring sound arose from the exultant demons.

रक्षसां रवतां रावं श्रुत्वा हरिहयानुजः ।। 7.7.41 ।।

rakṣasāṃ ravatāṃ rāvaṃ śrutvā harihayānujaḥ || 7.7.41 ||

Having heard the roaring sound of the Rākṣasas, Vishnu, the younger brother of Indra, reacted.

तिर्यगास्थाय सङ्क्रुद्धः पक्षीशे भगवान्हरिः । पराङ्मुखो ऽप्युत्ससर्ज मालेश्चक्रं जिघांसया ।। 7.7.42 ।।

tiryagāsthāya saṅkruddhaḥ pakṣīśe bhagavānhariḥ | parāṅmukho 'pyutsasarja māleścakraṃ jighāṃsayā || 7.7.42 ||

The divine Hari, greatly enraged, stood sideways on Garuda and, even while facing away, released his discus at Māli with the intention of killing him.

तत्सूर्यमण्डलाभासं स्वभासा भासयन्नभः । कालचक्रनिभं चक्रं मालेः शीर्षमपातयत् ।। 7.7.43 ।।

tatsūryamaṇḍalābhāsaṃ svabhāsā bhāsayannabhaḥ | kālacakranibhaṃ cakraṃ māleḥ śīrṣamapātayat || 7.7.43 ||

That discus, resembling the sun's orb and illuminating the sky with its own brilliance, and appearing like the wheel of time, severed Māli's head.

तच्छिरो राक्षसेन्द्रस्य चक्रोत्कृत्तं बिभीषणम् । पपात रुधिरोद्गारि पुरा राहुशिरो यथा ।। 7.7.44 ।।

tacchiro rākṣasendrasya cakrotkṛttaṃ bibhīṣaṇam | papāta rudhirodgāri purā rāhuśiro yathā || 7.7.44 ||

That terrifying head of the king of Rākṣasas, severed by the discus and gushing blood, fell just as Rāhu's head had fallen in ancient times.

ततः सुरैः संसहृष्टैः सर्वप्राणसमीरितः । सिंहनादरवोन्मुक्तः साधु देवेतिवादिभिः ।। 7.7.45 ।।

tataḥ suraiḥ saṃsahṛṣṭaiḥ sarvaprāṇasamīritaḥ | siṃhanādaravonmuktaḥ sādhu devetivādibhiḥ || 7.7.45 ||

Then, the greatly delighted gods, exclaiming "Well done, O God!", uttered a mighty roar with all their might.

मालिनं निहतं दृष्ट्वा सुमाली माल्यवानपि । सबलौ शोकसन्तप्तौ लङ्कामेव प्रधावितौ ।। 7.7.46 ।।

mālinaṃ nihataṃ dṛṣṭvā sumālī mālyavānapi | sabalau śokasantaptau laṅkāmeva pradhāvitau || 7.7.46 ||

Seeing Malina slain, Sumali and Malyavan, along with their armies, were overcome with grief and fled back to Lanka.

गरुडस्तु समाश्वस्तः सन्निवृत्य यथा पुरा । राक्षसान्द्रावयामास पक्षवातेन कोपितः ।। 7.7.47 ।।

garuḍastu samāśvastaḥ sannivṛtya yathā purā | rākṣasāndrāvayāmāsa pakṣavātena kopitaḥ || 7.7.47 ||

Garuda, having recovered and returned as before, angrily chased away the Rakshasas with the powerful wind generated by his wings.

चक्रकृत्तास्यकमला गदासञ्चूर्णितोरसः । लाङ्गलग्लपितग्रीवा मुसलैर्भिन्नमस्तकाः ।। 7.7.48 ।।

cakrakṛttāsyakamalā gadāsañcūrṇitorasaḥ | lāṅgalaglapitagrīvā musalairbhinnamastakāḥ || 7.7.48 ||

The Rakshasas had their lotus-like faces severed by the discus, their chests crushed by maces, their necks destroyed by ploughs, and their heads shattered by pestles.

केचिच्चैवासिना छिन्नास्तथान्ये शरपीडिताः । निपेतुरम्बरात्तूर्णं राक्षसाः सागराम्भसि ।। 7.7.49 ।।

keciccaivāsinā chinnāstathānye śarapīḍitāḥ | nipeturambarāttūrṇaṃ rākṣasāḥ sāgarāmbhasi || 7.7.49 ||

Some Rakshasas were cut down by swords, others were wounded by arrows, and all of them swiftly fell from the sky into the ocean's waters.

नारायणो बाणवराशनीभिर्विदारयामास धनुर्विमुक्तैः । नक्तञ्चरान्मुक्तविधूतकेशान्यथा ऽशनीभिः सतडिन्महाभ्राः ।। 7.7.50 ।।

nārāyaṇo bāṇavarāśanībhirvidārayāmāsa dhanurvimuktaiḥ | naktañcarānmuktavidhūtakeśānyathā 'śanībhiḥ sataḍinmahābhrāḥ || 7.7.50 ||

Narayana, with excellent arrows released from his bow like thunderbolts, tore apart the night-wandering Rakshasas whose hair was loose and disheveled, just as thunderbolts tear apart great clouds accompanied by lightning.

भिन्नातपत्रं पतमानमस्त्रं शरैरपध्वस्तविनीतवेषम् । विनिस्सृतान्त्रं भयलोलनेत्रं बलं तदुन्मत्ततरं बभूव ।। 7.7.51 ।।

bhinnātapatraṃ patamānamastraṃ śarairapadhvastavinītaveṣam | vinissṛtāntraṃ bhayalolanetraṃ balaṃ tadunmattataraṃ babhūva || 7.7.51 ||

The army became utterly frenzied, with their royal canopies shattered, weapons dropping, proper attire torn by arrows, intestines spilling out, and eyes wide with terror.

सिंहार्दितानामिव कुञ्जराणां निशाचराणां सह कुञ्जराणाम् । रवाश्च वेगाश्च समं बभूवुः पुराणसिंहेन विमर्दितानाम् ।। 7.7.52 ।।

siṃhārditānāmiva kuñjarāṇāṃ niśācarāṇāṃ saha kuñjarāṇām | ravāśca vegāśca samaṃ babhūvuḥ purāṇasiṃhena vimarditānām || 7.7.52 ||

The roars and frantic movements of the Rakshasas and their elephants, tormented by the ancient lion, were like those of elephants distressed by a lion.

ते वार्यमाणा हरिबाणजालैः सबाणजालानि समुत्सृजन्तः । धावन्ति नक्तञ्चरकालमेघा वायुप्रभिन्ना इव कालमेघाः ।। 7.7.53 ।।

te vāryamāṇā haribāṇajālaiḥ sabāṇajālāni samutsṛjantaḥ | dhāvanti naktañcarakālameghā vāyuprabhinnā iva kālameghāḥ || 7.7.53 ||

Those Rakshasas, like dark clouds, were repelled by the showers of arrows from the Vanaras, and abandoning their own arrows, they fled like storm clouds scattered by the wind.

चक्रपहारैर्विनिकृत्तशीर्षाः सञ्चूर्णिताङ्गाश्च गदाप्रहारैः । अभिप्रहारैर्द्विविधा विभिन्नाः पतन्ति शैला इव राक्षसेन्द्राः ।। 7.7.54 ।।

cakrapahārairvinikṛttaśīrṣāḥ sañcūrṇitāṅgāśca gadāprahāraiḥ | abhiprahārairdvividhā vibhinnāḥ patanti śailā iva rākṣasendrāḥ || 7.7.54 ||

The chief Rakshasas, with their heads severed by discus blows, limbs crushed by mace blows, and bodies split in two by various attacks, fell like mountains.

विलम्बमानैर्मणिहारकुण्डलैर्निशाचरैर्नीलबलाहकोपमैः । निपात्यमानैर्ददृशे निरन्तरं निपात्यमानैरिव नीलपर्वतैः ।। 7.7.55 ।।

vilambamānairmaṇihārakuṇḍalairniśācarairnīlabalāhakopamaiḥ | nipātyamānairdadṛśe nirantaraṃ nipātyamānairiva nīlaparvataiḥ || 7.7.55 ||

The falling Rakshasas, who resembled dark blue clouds and wore dangling jewel necklaces and earrings, were continuously seen falling like blue mountains being struck down. इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे सप्तमः सर्गः ।। 7 ।। Thus ends the seventh sarga of Uttara Kanda of the holy Ramayana the first epic composed by sage Valmiki.