Sundara Kanda, Sarga 64

सुग्रीवेणैवमुक्तस्तु हृष्टो दधिमुखः कपिः। राघवं लक्ष्मणं चैव सुग्रीवं चाभ्यवादयत्।।5.64.1।।

sugrīveṇaivamuktastu hṛṣṭo dadhimukhaḥ kapiḥ| rāghavaṃ lakṣmaṇaṃ caiva sugrīvaṃ cābhyavādayat

Pleased with Sugriva's command (to send forth Angada and Hanuman) Dadhimukha offered salutations to Sugriva, Rama and Lakshmana.

स प्रणम्य च सुग्रीवं राघवौ च महाबलौ। वानरैः सहितः शूरैर्दिवमेवोत्पपात ह।।5.64.2।।

sa praṇamya ca sugrīvaṃ rāghavau ca mahābalau| vānaraiḥ sahitaḥ śūrairdivamevotpapāta ha

Dadhimukha offered his obeisance to Sugriva and the mighty Rama and Lakshmana and rose up to the sky followed by the vanaras.

स यथैवाऽगतः पूर्वं तथैव त्वरितं गतः। निपत्य गगनाद्भूमौतद्वनं प्रविवेश ह।।5.64.3।। स प्रविष्टो मधुवनं ददर्श हरियूथपान्। विमदानुत्थितान्सर्वान् मेहमानान्मधूदकम्।।5.64.4।।

sa yathaivā'gataḥ pūrvaṃ tathaiva tvaritaṃ gataḥ| nipatya gaganādbhūmautadvanaṃ praviveśa ha sa praviṣṭo madhuvanaṃ dadarśa hariyūthapān| vimadānutthitānsarvān mehamānānmadhūdakam

Descending into Madhuvanam, Dadhimukha saw all the monkey troops free from intoxication (of honeywine).

स यथैवाऽगतः पूर्वं तथैव त्वरितं गतः। निपत्य गगनाद्भूमौतद्वनं प्रविवेश ह।।5.64.3।। स प्रविष्टो मधुवनं ददर्श हरियूथपान्। विमदानुत्थितान्सर्वान् मेहमानान्मधूदकम्।।5.64.4।।

sa yathaivā'gataḥ pūrvaṃ tathaiva tvaritaṃ gataḥ| nipatya gaganādbhūmautadvanaṃ praviveśa ha sa praviṣṭo madhuvanaṃ dadarśa hariyūthapān| vimadānutthitānsarvān mehamānānmadhūdakam

Descending into Madhuvanam, Dadhimukha saw all the monkey troops free from intoxication (of honeywine).

स तानुपागमद्वीरो बद्ध्वा करपुटाञ्जलिम्। उवाच वचनं श्लक्ष्णमिदं हृष्टवदङ्गदम्।।5.64.5।।

sa tānupāgamadvīro baddhvā karapuṭāñjalim| uvāca vacanaṃ ślakṣṇamidaṃ hṛṣṭavadaṅgadam

Heroic Dadhimukha went to Angada, holding his cupped palms reverentially and spoke these conciliatory words with joy:

सौम्य रोषो न कर्तव्यो यदेतत्परिवारितम्। अज्ञानाद्रक्षिभिः क्रोधाद्भवन्तः प्रतिषेधिताः।।5.64.6।।

saumya roṣo na kartavyo yadetatparivāritam| ajñānādrakṣibhiḥ krodhādbhavantaḥ pratiṣedhitāḥ

"O handsome one, do not react harshly at these guards who have obstructed your companions out of ignorance and fury.

युवराजस्त्वमीशश्च वनस्यास्य महाबल। मौर्ख्यात्पूर्वं कृतो दोषस्तं भवान् क्षन्तुमर्हति।।5.64.7।।

yuvarājastvamīśaśca vanasyāsya mahābala| maurkhyātpūrvaṃ kṛto doṣastaṃ bhavān kṣantumarhati

"O mighty Angada you are heir apparent and also king. Out of foolishness I obstructed you. You ought to pardon me this mistake.

आख्यातं हि मया गत्वा पितृव्यस्य तवानघ। इहोपयातं सर्वेषामेतेषां वनचारिणाम्।।5.64.8।।

ākhyātaṃ hi mayā gatvā pitṛvyasya tavānagha| ihopayātaṃ sarveṣāmeteṣāṃ vanacāriṇām

"O blameless prince I have already told your father's elder brother and all the forestdwellers about your arrival here.

स त्वदागमनं श्रुत्वा सहैभिर्हरियूथपैः। प्रहृष्टो न तु रुष्टोऽसौ वनं श्रुत्वा प्रधर्षितम्।।5.64.9।।

sa tvadāgamanaṃ śrutvā sahaibhirhariyūthapaiḥ| prahṛṣṭo na tu ruṣṭo'sau vanaṃ śrutvā pradharṣitam

"He was not angry at your destruction of the garden. On the other hand, he was very glad to hear about your arrival.

प्रहृष्टो मां पितृव्यस्ते सुग्रीवो वानरेश्वरः। शीघ्रं प्रेषय सर्वांस्तानिति होवाच पार्थिवः।।5.64.10।।

prahṛṣṭo māṃ pitṛvyaste sugrīvo vānareśvaraḥ| śīghraṃ preṣaya sarvāṃstāniti hovāca pārthivaḥ

"Your father's brother, Sugriva, the lord of vanaras felt very glad and indeed asked me to send you quickly."

श्रुत्वा दधिमुखस्येदं वचनं श्लक्ष्णमङ्गदः। अब्रवीत्तान् हरिश्रेष्ठो वाक्यं वाक्यविशारदः।।5.64.11।।

śrutvā dadhimukhasyedaṃ vacanaṃ ślakṣṇamaṅgadaḥ| abravīttān hariśreṣṭho vākyaṃ vākyaviśāradaḥ

At these good words from Dadhimukha, Angada, the monkey leader, an eloquent speaker said this:.

शङ्के श्रुतोऽयं वृत्तान्तो रामेण हरियूथपाः। तत्क्षमं नेह नः स्थातुं कृते कार्ये परन्तपाः।।5.64.12।।

śaṅke śruto'yaṃ vṛttānto rāmeṇa hariyūthapāḥ| tatkṣamaṃ neha naḥ sthātuṃ kṛte kārye parantapāḥ

"O scorcher of enemies I presume Rama has already heard the news of our arrival on accomplishment of the task. Hence it is not proper for us to tarry here.

पीत्वा मधु यथाकामं विश्रान्ता वनचारिणः। किं शेषं गमनं तत्र सुग्रीवो यत्र मे गुरुः।।5.64.13।।

pītvā madhu yathākāmaṃ viśrāntā vanacāriṇaḥ| kiṃ śeṣaṃ gamanaṃ tatra sugrīvo yatra me guruḥ

"The vanaras of the forest have taken rest after drinking as much honey as they desired. What is left here to do? We have to go wherever Sugriva is."

सर्वे यथा मां वक्ष्यन्ति समेत्य हरियूथपाः। तथास्मि कर्ता कर्तव्ये भवद्भिः परवानहम्।।5.64.14।।

sarve yathā māṃ vakṣyanti sametya hariyūthapāḥ| tathāsmi kartā kartavye bhavadbhiḥ paravānaham

Angada said to the vanara troops assembled, "Tell me what we have to do. I shall act as you wish.

नाज्ञापयितुमीशोऽहं युवराजोऽस्मि यद्यपि। अयुक्तं कृतकर्माणो यूयं धर्षयितुं मया।।5.64.15।।

nājñāpayitumīśo'haṃ yuvarājo'smi yadyapi| ayuktaṃ kṛtakarmāṇo yūyaṃ dharṣayituṃ mayā

"Even though I am heir apparent, it is not proper for me to order you.You have accomplished the purpose and to command you is not befitting on my part."

ब्रुवतश्चाङ्गदस्यैवं श्रुत्वा वचनमव्ययम्। प्रहृष्टमनसो वाक्यमिदमूचुर्वनौकसः।।5.64.16।।

bruvataścāṅgadasyaivaṃ śrutvā vacanamavyayam| prahṛṣṭamanaso vākyamidamūcurvanaukasaḥ

On hearing Angada's valuable words said in that way, the vanaras repled:

एवं वक्ष्यति को राजन् प्रभुस्सन्वानरर्षभ। ऐश्वर्यमदमत्तो हि सर्वोऽहमिति मन्यते।।5.64.17।।

evaṃ vakṣyati ko rājan prabhussanvānararṣabha| aiśvaryamadamatto hi sarvo'hamiti manyate

"O king O bull among monkeys we think you are an exception to those to whom prosperity brings arrogance.

तव चेदं सुसदृशं वाक्यं नान्यस्य कस्यचित्। सन्नतिर्हि तवाख्याति भविष्यच्छुभयोग्यताम्।।5.64.18।।

tava cedaṃ susadṛśaṃ vākyaṃ nānyasya kasyacit| sannatirhi tavākhyāti bhaviṣyacchubhayogyatām

"You alone could speak such words. Your humility speaks of your fitness for a bright future.

सर्वे वयमपि प्राप्तास्तत्र गन्तुं कृतक्षणाः। स यत्र हरिवीराणां सुग्रीवः पतिरव्ययः।।5.64.19।।

sarve vayamapi prāptāstatra gantuṃ kṛtakṣaṇāḥ| sa yatra harivīrāṇāṃ sugrīvaḥ patiravyayaḥ

All of us have come here, ready to set out at any moment for wherever Sugriva, the immortal lord of the vanara heroes, may be.

त्वया ह्यनुक्तैर्हरिभिर्नैव शक्यं पदात्पदम्। क्वचिद्गन्तुं हरिश्रेष्ठ ब्रूमः सत्यमिदं तु ते।।5.64.20।।

tvayā hyanuktairharibhirnaiva śakyaṃ padātpadam| kvacidgantuṃ hariśreṣṭha brūmaḥ satyamidaṃ tu te

"O Angada the best of vanaras without your command none will find it possible to put forward even a single step."

एवं तु वदतां तेषामङ्गदः प्रत्युवाच ह। बाढं गच्छाम इत्युक्त्वा खमुत्पेतुर्महाबलाः।।5.64.21।।

evaṃ tu vadatāṃ teṣāmaṅgadaḥ pratyuvāca ha| bāḍhaṃ gacchāma ityuktvā khamutpeturmahābalāḥ

Thus addressed by all the vanaras, Angada said 'Well, let us go'. Then the powerful vanaras rose up the sky.

उत्पतन्तमनूत्पेतु स्सर्वे ते हरियूथपाः। कृत्वाकाशं निराकाशं यन्त्रोत्क्षिप्ता इवाचलाः।।5.64.22।।

utpatantamanūtpetu ssarve te hariyūthapāḥ| kṛtvākāśaṃ nirākāśaṃ yantrotkṣiptā ivācalāḥ

All the vanara troops sprang up into the air as though there was no sky, like stones shattered by machines from the mountains rise up.

तेऽम्बरं सहसोत्पत्य वेगवन्तः प्लवङ्गमाः। विनदन्तो महानादं घना वातेरिता यथा।।5.64.23।।

te'mbaraṃ sahasotpatya vegavantaḥ plavaṅgamāḥ| vinadanto mahānādaṃ ghanā vāteritā yathā

The swift monkeys roared aloud as though they went up the sky like thundering clouds driven by the wind.

अङ्गदे ह्यननुप्राप्ते सुग्रीवो वानराधिपः। उवाच शोकोपहतं रामं कमललोचनम्।।5.64.24।।

aṅgade hyananuprāpte sugrīvo vānarādhipaḥ| uvāca śokopahataṃ rāmaṃ kamalalocanam

Seeing the griefstricken, lotuseyed Rama, the lord of the vanaras Sugriva said this before the arrival of Angada:

समाश्वसिहि भद्रं ते दृष्टा देवी न संशयः। नागन्तुमिह शक्यं तैरतीते समये हि नः।।5.64.25।।

samāśvasihi bhadraṃ te dṛṣṭā devī na saṃśayaḥ| nāgantumiha śakyaṃ tairatīte samaye hi naḥ

"Trust me, Rama. Be blessed. The vanaras have seen the divine lady. There is no doubt. It is not possible for them to come here after exceeding the time limit (in their search for Sita).

न मत्सकाशमागच्छेत्कृत्ये हि विनिपातिते। युवराजो महाबाहुः प्लवतां प्रवरोऽङ्गदः।।5.64.26।।

na matsakāśamāgacchetkṛtye hi vinipātite| yuvarājo mahābāhuḥ plavatāṃ pravaro'ṅgadaḥ

"My heir apparent, the strongarmed Angada, and the best of the monkeys is endowed with virtues. He would not come near me if his mission had failed.

यद्यप्यकृतकृत्यानामीदृश स्स्यादुपक्रमः। भवेत्स दीनवदनो भ्रान्तविप्लुतमानसः।।5.64.27।।

yadyapyakṛtakṛtyānāmīdṛśa ssyādupakramaḥ| bhavetsa dīnavadano bhrāntaviplutamānasaḥ

"In case the vanaras have returned without accomplishing the task, Angada would have assumed a pathetic face, perplexed and unsteady in mind.

पितृपैतामहं चैतत्पूर्वकैरभिरक्षितम्। न मे मधुवनं हन्यादहृष्टः प्लवगेश्वरः।।5.64.28।। कौसल्यासुप्रजा राम समाश्वसिहि सुव्रत।

pitṛpaitāmahaṃ caitatpūrvakairabhirakṣitam| na me madhuvanaṃ hanyādahṛṣṭaḥ plavageśvaraḥ kausalyāsuprajā rāma samāśvasihi suvrata|

"If Angada, lord of the vanaras had not been happy, he would not have destroyed the Madhuvanam of my father's and my grandfather's time. O Rama, follower of righteous practices, Kausalya has an excellent son in you. Trust me.

दृष्टा देवी न सन्देहो न चान्येन हनूमता।।5.64.29।। न ह्यन्यः कर्मणो हेतुस्साधनेऽस्य हनूमतः।

dṛṣṭā devī na sandeho na cānyena hanūmatā na hyanyaḥ karmaṇo hetussādhane'sya hanūmataḥ|

"Hanuman is the one who has accomplished this task. Who else can? No doubt, he has seen Sita.

हनूमति हि सिद्धिश्च मतिश्च मतिसत्तमः।।5.64.30।। व्यवसायश्च वीर्यं च सूर्ये तेज इव ध्रुवम्।

hanūmati hi siddhiśca matiśca matisattamaḥ vyavasāyaśca vīryaṃ ca sūrye teja iva dhruvam|

"O Rama, the best among the wise just like the luminosity that abides in the Sun, capacity to succeed, energy, intelligence, even courage and steadfastness reside in Hanuman.

जाम्बवान्यत्र नेता स्यादङ्गदश्च बलेश्वरः। हनुमांश्चाप्यधिष्ठाता न तस्य गतिरन्यथा।।5.64.31।।

jāmbavānyatra netā syādaṅgadaśca baleśvaraḥ| hanumāṃścāpyadhiṣṭhātā na tasya gatiranyathā

"Where Jambavan is the leader, Angada the commander of the army and Hanuman the guiding force, the end result will not be otherwise.

मा भूश्चिन्तासमायुक्तस्सम्प्रत्यमितविक्रमः।।5.64.32।। ततः किलकिलाशब्दं शुश्रावासन्नमम्बरे। हनुमत्कर्मदृप्तानां नार्धतां काननौकसाम्।।5.64.33।। किष्किन्धामुपयातानां सिद्धिं कथयतामिव।

mā bhūścintāsamāyuktassampratyamitavikramaḥ tataḥ kilakilāśabdaṃ śuśrāvāsannamambare| hanumatkarmadṛptānāṃ nārdhatāṃ kānanaukasām kiṣkindhāmupayātānāṃ siddhiṃ kathayatāmiva|

"You are extremely valiant and it is unbecoming of you to be anxious at this time Rama. Just then chatterings of the monkeys were heard from the sky as they roared in pride talking of Hanuman's achievement. Having successfully completed the errand, they have arrived at Kishkinda.

मा भूश्चिन्तासमायुक्तस्सम्प्रत्यमितविक्रमः।।5.64.32।। ततः किलकिलाशब्दं शुश्रावासन्नमम्बरे। हनुमत्कर्मदृप्तानां नार्धतां काननौकसाम्।।5.64.33।। किष्किन्धामुपयातानां सिद्धिं कथयतामिव।

mā bhūścintāsamāyuktassampratyamitavikramaḥ tataḥ kilakilāśabdaṃ śuśrāvāsannamambare| hanumatkarmadṛptānāṃ nārdhatāṃ kānanaukasām kiṣkindhāmupayātānāṃ siddhiṃ kathayatāmiva|

"You are extremely valiant and it is unbecoming of you to be anxious at this time Rama. Just then chatterings of the monkeys were heard from the sky as they roared in pride talking of Hanuman's achievement. Having successfully completed the errand, they have arrived at Kishkinda.

ततश्श्रुत्वा निनादं तं कपीनां कपिसत्तमः।।5.64.34।। आयताञ्चितलाङ्गूलस्सोऽभवद्धृष्टमानसः।

tataśśrutvā ninādaṃ taṃ kapīnāṃ kapisattamaḥ āyatāñcitalāṅgūlasso'bhavaddhṛṣṭamānasaḥ|

The great Sugriva heard the roar of the monkeys and was extremely happy. He kept raising and shaking his long tail in joy.

आजग्मुस्तेऽपि हरयो रामदर्शनकांक्षिणः।।5.64.35।। अङ्गदं पुरतः कृत्वा हनूमन्तं च वानरम्।

ājagmuste'pi harayo rāmadarśanakāṃkṣiṇaḥ aṅgadaṃ purataḥ kṛtvā hanūmantaṃ ca vānaram|

The joyful monkeys with Angada and Hanuman leading them descended with eagerness to have a close look at Rama.

तेऽङ्गदप्रमुखा वीराः प्रहृष्ठाश्च मुदान्विताः।।5.64.36।। निपेतुर्हरिराजस्य समीपे राघवस्य च।

te'ṅgadapramukhā vīrāḥ prahṛṣṭhāśca mudānvitāḥ nipeturharirājasya samīpe rāghavasya ca|

Angada the chief along with the heroic monkeys very joyfully and exuberantly descended close to Sugriva, the king of monkeys and Rama.

हनुमांश्च महाबाहुः प्रणम्य शिरसा ततः।।5.64.37।। नियतामक्षतां देवीं राघवाय न्यवेदयत्।

hanumāṃśca mahābāhuḥ praṇamya śirasā tataḥ niyatāmakṣatāṃ devīṃ rāghavāya nyavedayat|

Then the strongarmed Hanuman with his head bowed down offered salutations and reported, 'Divine lady Sita with her constant devotion to Sri Rama is sound in body'.

दृष्टा देवीति हनुमद्वदनादमृतोपमम्।।5.64.38।। आकर्ण्य वचनं रामो हर्षमाप सलक्ष्मणः।

dṛṣṭā devīti hanumadvadanādamṛtopamam ākarṇya vacanaṃ rāmo harṣamāpa salakṣmaṇaḥ|

On hearing the nectarlike words from Hanuman that Sita was found, Rama and Lakshmana were delighted.

निश्चितार्थं ततस्तस्मिन् सुग्रीवं पवनात्मजे।।5.64.39।। लक्ष्मणः प्रीतिमान् प्रीतं बहुमानादवैक्षत।

niścitārthaṃ tatastasmin sugrīvaṃ pavanātmaje lakṣmaṇaḥ prītimān prītaṃ bahumānādavaikṣata|

Sugriva and Lakshmana glanced at Hanuman respectfully with affection thinking surely Hanuman alone has succeeded.