Sundara Kanda, Sarga 36

भूय एव महातेजा हनूमान्पवनात्मजः। अब्रवीत्प्रश्रितं वाक्यं सीताप्रत्ययकारणात्।।5.36.1।।

bhūya eva mahātejā hanūmānpavanātmajaḥ| abravītpraśritaṃ vākyaṃ sītāpratyayakāraṇāt

Mighty Hanuman, the son of the Windgod again spoke to Sita humbly to inspire confidence in her.

वानरोऽहं महाभागे दूतो रामस्य धीमतः। रामनामाङ्कितं चेदं पश्य देव्यङ्गुलीयकम्।।5.36.2।।

vānaro'haṃ mahābhāge dūto rāmasya dhīmataḥ| rāmanāmāṅkitaṃ cedaṃ paśya devyaṅgulīyakam

"O noble lady I am a vanara, an envoy of learned Rama. You see this ring with Rama's name inscribed on it, O godlike lady

प्रत्ययार्थं तवाऽनीतं तेन दत्तं महात्मना। समाश्वसिहि भद्रं ते क्षीणदुःखफला ह्यसि।।5.36.3।।

pratyayārthaṃ tavā'nītaṃ tena dattaṃ mahātmanā| samāśvasihi bhadraṃ te kṣīṇaduḥkhaphalā hyasi

"Be calm. Be blessed. Your sorrows have come to an end. This (the ring) is given by the great self, Rama, to make you trust me.

गृहीत्वा प्रेक्षमाणा सा भर्तुः करविभूषणम्। भर्तारमिव सम्प्राप्ता जानकी मुदिताऽभवत्।।5.36.4।।

gṛhītvā prekṣamāṇā sā bhartuḥ karavibhūṣaṇam| bhartāramiva samprāptā jānakī muditā'bhavat

She received the ornament that adorned her husband's hand and gazed at it and felt delighted as though her husband had arrived.

चारु तद्वदनं तस्यास्ताम्रशुक्लायतेक्षणम्। अशोभत विशालाक्ष्या राहुमुक्त इवोडुराट्।।5.36.5।।

cāru tadvadanaṃ tasyāstāmraśuklāyatekṣaṇam| aśobhata viśālākṣyā rāhumukta ivoḍurāṭ

Her beautiful countenance with large white eyes with a reddish tinge in the corners shone like the Moon released from Rahu.

ततस्सा ह्रीमती बाला भर्तृसन्देशहर्षिता। परितुष्टा प्रियं कृत्वा प्रशशंस महाकपिम्।।5.36.6।।

tatassā hrīmatī bālā bhartṛsandeśaharṣitā| parituṣṭā priyaṃ kṛtvā praśaśaṃsa mahākapim

Young Sita felt delighted about her husband's news and blushed. By praising him for his action, she pleased the great monkey.

विक्रान्तस्त्वं समर्थस्त्वं प्राज्ञस्त्वं वानरोत्तम। येनेदं राक्षसपदं त्वयैकेन प्रधर्षितम्।।5.36.7।।

vikrāntastvaṃ samarthastvaṃ prājñastvaṃ vānarottama| yenedaṃ rākṣasapadaṃ tvayaikena pradharṣitam

"O foremost among the vanaras you have trespassed the abodes of demons all alone. You are mighty and capable and wise.

शतयोजनविस्तीर्ण स्सागरो मकरालयः। विक्रमश्लाघनीयेन क्रमता गोष्पदीकृतः।।5.36.8।।

śatayojanavistīrṇa ssāgaro makarālayaḥ| vikramaślāghanīyena kramatā goṣpadīkṛtaḥ

"You with your admirable prowess have reduced this ocean which is an abode of crocodiles stretching over a hundred yojanas to a cow's hoof mark.

न हि त्वां प्राकृतं मन्ये वानरं वानरर्षभ। यस्य ते नास्ति सन्त्रासो रावणान्नापि सम्भ्रमः।।5.36.9।।

na hi tvāṃ prākṛtaṃ manye vānaraṃ vānararṣabha| yasya te nāsti santrāso rāvaṇānnāpi sambhramaḥ

"I do not think you are an ordinary monkey. You have no fear or excitement about Ravana. You are a bull among vanaras.

अर्हसे च कपिश्रेष्ठ मया समभिभाषितुम्। यद्यसि प्रेषितस्तेन रामेण विदितात्मना।।5.36.10।।

arhase ca kapiśreṣṭha mayā samabhibhāṣitum| yadyasi preṣitastena rāmeṇa viditātmanā

"O best of monkeys As you have been sent by Rama, the knower of the self, it is proper for me to converse with you.

प्रेषयिष्यति दुर्धर्षो रामो न ह्यपरीक्षितम्। पराक्रममविज्ञाय मत्सकाशं विशेषतः।।5.36.11।।

preṣayiṣyati durdharṣo rāmo na hyaparīkṣitam| parākramamavijñāya matsakāśaṃ viśeṣataḥ

"The formidable Rama will not send any one specially to me without testing him or knowing his valour.

दिष्ट्या च कुशली रामो धर्मात्मा सत्यसङ्गरः। लक्ष्मणश्च महातेजास्सुमित्रानन्दवर्धनः।।5.36.12।।

diṣṭyā ca kuśalī rāmo dharmātmā satyasaṅgaraḥ| lakṣmaṇaśca mahātejāssumitrānandavardhanaḥ

"To my luck, righteous Rama who abides in truth and glorious Lakshmana who enhances the joy of Sumitra are keeping well.

कुशली यदि काकुत्स्थः किं नु सागरमेखलाम्। महीं दहति कोपेन युगान्ताग्निरिवोत्थितः।।5.36.13।।

kuśalī yadi kākutsthaḥ kiṃ nu sāgaramekhalām| mahīṃ dahati kopena yugāntāgnirivotthitaḥ

"Indeed if Kakutstha is well wherefore does he not burn the oceangirdled earth in his rage as (the earth is burnt) at the time of dissolution of the era?

अथवा शक्तिमन्तौ तौ सुराणामपि निग्रहे। ममैव तु न दुःखानामस्ति मन्ये विपर्ययः।।5.36.14।।

athavā śaktimantau tau surāṇāmapi nigrahe| mamaiva tu na duḥkhānāmasti manye viparyayaḥ

"Both of them are capable of subduing even the gods. I think the reversal of my fate is reason for their inaction.

कच्चिन्न व्यथितो रामः कच्चिन्न परितप्यते। उत्तराणि च कार्याणि कुरुते पुरुषोत्तमः।।5.36.15।।

kaccinna vyathito rāmaḥ kaccinna paritapyate| uttarāṇi ca kāryāṇi kurute puruṣottamaḥ

"Is Rama the greatest among men not depressed? Does he not feel helpless? He is (perhaps) taking necessary steps (for my recovery).

कच्चिन्न दीन स्सम्भ्रान्तः कार्येषु न च मुह्यति। कच्चित्पुरुषकार्याणि कुरुते नृपतेस्सुतः।।5.36.16।।

kaccinna dīna ssambhrāntaḥ kāryeṣu na ca muhyati| kaccitpuruṣakāryāṇi kurute nṛpatessutaḥ

"I suppose prince Rama is not too depressed or perplexed to attend to his work. He will (perhaps) be doing the duties expected of a manly person.

द्विविधं त्रिविधोपायमुपायमपि सेवते। विजिगीषुस्सुहृत्कच्चिन्मित्रेषु च परन्तपः।।5.36.17।।

dvividhaṃ trividhopāyamupāyamapi sevate| vijigīṣussuhṛtkaccinmitreṣu ca parantapaḥ

"Tell me if Rama, scorcher of enemies, desirous of victory is following a two-fold policy (confrontation and conciliation) A tough enemy cannot be defeated by following this method. A three-fold strategy has to be adopted in this case (confrontation, conciliation and creation of dissension among his foes) to be victorious. I hope he is well-disposed to his friends and has a good team!

कच्चिन्मित्राणि लभते मित्रैश्चाप्यभिगम्यते। कच्चित्कल्याणमित्त्रश्च मित्रत्त्रैश्चापि पुरस्कृतः।।5.36.18।।

kaccinmitrāṇi labhate mitraiścāpyabhigamyate| kaccitkalyāṇamittraśca mitrattraiścāpi puraskṛtaḥ

"I hope he is making new friends, who desire his friendship. Hopefully, Rama is well honoured by his allies.

कच्चिदाशास्ति देवानां प्रसादं पार्थिवात्मजः। कच्चित्पुरुषकारं च दैवं च प्रतिपद्यते।।5.36.19।।

kaccidāśāsti devānāṃ prasādaṃ pārthivātmajaḥ| kaccitpuruṣakāraṃ ca daivaṃ ca pratipadyate

"Does the prince ever seek the blessings of gods or fall back upon personal effort as well as providence?

कच्चिन्न विगतस्नेहः प्रवासान्मयि राघवः। कच्चिन्मां व्यसनादस्मान्मोक्षयिष्यति वानर।।5.36.20।।

kaccinna vigatasnehaḥ pravāsānmayi rāghavaḥ| kaccinmāṃ vyasanādasmānmokṣayiṣyati vānara

"I hope Rama is not devoid of love towards me by my separation. O Vanara, hope he will liberate me from this misery.

सुखानामुचितो नित्यमसुखानामनौचितः। दुःखमुत्तरमासाद्य कच्चिद्रामो न सीदति।।5.36.21।।

sukhānāmucito nityamasukhānāmanaucitaḥ| duḥkhamuttaramāsādya kaccidrāmo na sīdati

"I hope Rama who deserves happiness and not suffering has not become depressed now , having experienced a spate of sorrows.

कौसल्यायास्तथा कच्चित्सुमित्रायास्तथैव च। अभीक्ष्णं श्रूयते कच्चित्कुशलं भरतस्य च।।5.36.22।।

kausalyāyāstathā kaccitsumitrāyāstathaiva ca| abhīkṣṇaṃ śrūyate kaccitkuśalaṃ bharatasya ca

"I hope he regularly receives news about the welfare of Kausalya, Sumitra and Bharata.

मन्निमित्तेन मानार्हः कच्चिच्छोकेन राघवः। कच्चिन्नान्यमना रामः कच्चिन्मां तारयिष्यति।।5.36.23।।

mannimittena mānārhaḥ kaccicchokena rāghavaḥ| kaccinnānyamanā rāmaḥ kaccinmāṃ tārayiṣyati

"I hope respectable Rama is not too absentminded for being immersed in sorrow on my account. Hope he will save me.

कच्चिदक्षौहिणीं भीमां भरतो भ्रातृवत्सलः। ध्वजिनीं मन्त्रिभिर्गुप्तां प्रेषयिष्यति मत्कृते।।5.36.24।।

kaccidakṣauhiṇīṃ bhīmāṃ bharato bhrātṛvatsalaḥ| dhvajinīṃ mantribhirguptāṃ preṣayiṣyati matkṛte

"Will Bharata, the devoted brother, send his formidable army of one akshavhini protected by ministers for my cause? I trust he will. (Akshauhini 109350 foot soldiers 65610 horse soldiers 21860 elephants soldiers on chariot)

वानराधिपतिश्शीमान्सुग्रीवः कच्चिदेष्यति। मत्कृते हरिभिर्वीरैर्वृतो दन्तनखायुधैः।।5.36.25।।

vānarādhipatiśśīmānsugrīvaḥ kaccideṣyati| matkṛte haribhirvīrairvṛto dantanakhāyudhaiḥ

"I trust that the illustrious Sugriva surrounded by valiant vanaras who use their teeth and nails as weapons will reach this place.

कच्चिच्छ लक्ष्मणश्शूरस्सुमित्रानन्दवर्धनः। अस्त्रविच्छरजालेन राक्षसान्विधमिष्यति।।5.36.26।।

kacciccha lakṣmaṇaśśūrassumitrānandavardhanaḥ| astraviccharajālena rākṣasānvidhamiṣyati

"Hope heroic Lakshmana, enhancer of the joy of Sumitra, who has mastered the use of weapons will blow away the demons through a network of arrows.

रौद्रेण कच्चिदस्त्रेण ज्वलता निहतं रणे। द्रक्ष्याम्यल्पेन कालेन रावणं ससुहृज्जनम्।।5.36.27।।

raudreṇa kaccidastreṇa jvalatā nihataṃ raṇe| drakṣyāmyalpena kālena rāvaṇaṃ sasuhṛjjanam

"Can I hope to see Ravana and his relatives slain in the battle by fiery weapons in a short time?

कच्चिन्न तद्धेमसमानवर्णं तस्याननं पद्मसमानगन्धि। मया विना शुष्यति शोकदीनं जलक्षये पद्ममिवातपेन।।5.36.28।।

kaccinna taddhemasamānavarṇaṃ tasyānanaṃ padmasamānagandhi| mayā vinā śuṣyati śokadīnaṃ jalakṣaye padmamivātapena

"Hope, Rama's moonlike face without me with its golden complexion and lotus fragrance must not have been pale and withered with tears like the lotus in a pond scorched by the heat.

धर्मापदेशात्त्यजतश्च राज्यं मां चाप्यरण्यं नयतः पदातिम्। नासीद्व्यथा यस्य न भीर्न शोकः कच्चित्स धैर्यं हृदये करोति।।5.36.29।।

dharmāpadeśāttyajataśca rājyaṃ māṃ cāpyaraṇyaṃ nayataḥ padātim| nāsīdvyathā yasya na bhīrna śokaḥ kaccitsa dhairyaṃ hṛdaye karoti

"Rama has given up sovereignty for the sake of establishing righteousness and led me into the forest on foot.He had not then felt any fear, anxiety or grief at heart.Rama showed patience, instead. Hope he retains them.

न चास्य माता न पिता च नान्यः स्नेहाद्विशिष्टोऽस्ति मया समो वा। तावत्त्वहं दूत जिजीविषेयं यावत्प्रवृत्तिं शृणुयां प्रियस्य।।5.36.30।।

na cāsya mātā na pitā ca nānyaḥ snehādviśiṣṭo'sti mayā samo vā| tāvattvahaṃ dūta jijīviṣeyaṃ yāvatpravṛttiṃ śṛṇuyāṃ priyasya

"His love for me is superior to his love for his father, mother or any one else. O messenger, I wish to survive till I hear any news from my dear lord."

इतीव देवी वचनं महार्थं तं वानरेन्द्रं मधुरार्थमुक्त्वा। श्रोतुं पुनस्तस्य वचोऽभिरामं रामार्थयुक्तं विरराम रामा।।5.36.31।।

itīva devī vacanaṃ mahārthaṃ taṃ vānarendraṃ madhurārthamuktvā| śrotuṃ punastasya vaco'bhirāmaṃ rāmārthayuktaṃ virarāma rāmā

The godlike lady, having spoken to the vanara leader in a very meaningful and sweet manner about her beloved Rama, she remained silent, waiting to hear Hanuman's attractive words of description of Rama once again.

सीताया वचनं श्रुत्वा मारुतिर्भीमविक्रमः। शिरस्यञ्जलिमाधाय वाक्यमुत्तरमब्रवीत्।।5.36.32।।

sītāyā vacanaṃ śrutvā mārutirbhīmavikramaḥ| śirasyañjalimādhāya vākyamuttaramabravīt

Having heard Sita, Hanuman endowed with fearsome power placed his folded hands on his head and said this:

न त्वामिहस्थां जानीते रामः कमललोचने। तेन त्वां नानयत्याशु शचीमिव पुरन्दरः।।5.36.33।।

na tvāmihasthāṃ jānīte rāmaḥ kamalalocane| tena tvāṃ nānayatyāśu śacīmiva purandaraḥ

"O lotuseyed one Rama knows not that you are here. Therefore he has not taken you away immediately as did Indra to rescue his wife Sachi.

श्रुत्वैव तु वचो मह्यं क्षिप्रमेष्यति राघवः। चमूं प्रकर्षन्महतीं हर्यृक्षगणसङ्कुलाम्।।5.36.34।।

śrutvaiva tu vaco mahyaṃ kṣiprameṣyati rāghavaḥ| camūṃ prakarṣanmahatīṃ haryṛkṣagaṇasaṅkulām

"As soon as he hears your words from me, Rama will reach (here), leading a huge army of powerful troops of vanaras and bears.

विष्टम्भयित्वा बाणौघैरक्षोभ्यं वरुणालयम्। करिष्यति पुरीं लङ्कां काकुत्स्थः शान्तराक्षसाम्।।5.36.35।।

viṣṭambhayitvā bāṇaughairakṣobhyaṃ varuṇālayam| kariṣyati purīṃ laṅkāṃ kākutsthaḥ śāntarākṣasām

"Kakutstha Rama will still the imperturbable abode of Varuna (ocean) by the torrent of his arrows and rid the city of Lanka of all the demons.

तत्र यद्यन्तरा मृत्युर्यदि देवास्सहासुराः। स्थास्यन्ति पथि रामस्य स तानपि वधिष्यति।।5.36.36।।

tatra yadyantarā mṛtyuryadi devāssahāsurāḥ| sthāsyanti pathi rāmasya sa tānapi vadhiṣyati

"Thereafter, whoever comes Rama's way, be it gods or demons or even death or any one else he will destroy them.

तवादर्शनजेनार्ये शोकेन स परिप्लुतः। न शर्म लभते रामस्सिंहार्दित इव द्विपः।।5.36.37।।

tavādarśanajenārye śokena sa pariplutaḥ| na śarma labhate rāmassiṃhārdita iva dvipaḥ

"O noble lady not being able to see you, Rama is immersed in an ocean of sorrow, he has no solace like an elephant tormented by a lion.

मलयेन च विन्ध्येन मेरुणा मन्दरेण च। दर्दुरेण च ते देवि शपे मूलफलेन च।।5.36.38।। यथा सुनयनं वल्गु बिम्बोष्ठं चारु कुण्डलम् । मुखं द्रक्ष्यसि रामस्य पूर्णचन्द्रमिवोदितम्।।5.36.39।।

malayena ca vindhyena meruṇā mandareṇa ca| dardureṇa ca te devi śape mūlaphalena ca yathā sunayanaṃ valgu bimboṣṭhaṃ cāru kuṇḍalam | mukhaṃ drakṣyasi rāmasya pūrṇacandramivoditam

"O Sita I swear in the name of mountains like Malaya, Vindhya, Meru, and Dardura (the abodes of monkeys and bears) and by the roots and fruits as well (which are the food of vanaras). you will soon behold Rama with beautiful eyes, red lips like bimba fruit, lovely earrings and a countenance resembling the full moon.

मलयेन च विन्ध्येन मेरुणा मन्दरेण च। दर्दुरेण च ते देवि शपे मूलफलेन च।।5.36.38।। यथा सुनयनं वल्गु बिम्बोष्ठं चारु कुण्डलम् । मुखं द्रक्ष्यसि रामस्य पूर्णचन्द्रमिवोदितम्।।5.36.39।।

malayena ca vindhyena meruṇā mandareṇa ca| dardureṇa ca te devi śape mūlaphalena ca yathā sunayanaṃ valgu bimboṣṭhaṃ cāru kuṇḍalam | mukhaṃ drakṣyasi rāmasya pūrṇacandramivoditam

"O Sita I swear in the name of mountains like Malaya, Vindhya, Meru, and Dardura (the abodes of monkeys and bears) and by the roots and fruits as well (which are the food of vanaras). you will soon behold Rama with beautiful eyes, red lips like bimba fruit, lovely earrings and a countenance resembling the full moon.

क्षिप्रं द्रक्ष्यसि वैदेहि रामं प्रस्रवणे गिरौ। शतक्रतुमिवासीनं नागराजस्य मूर्धनि।।5.36.40।।

kṣipraṃ drakṣyasi vaidehi rāmaṃ prasravaṇe girau| śatakratumivāsīnaṃ nāgarājasya mūrdhani

"O Vaidehi, you will soon see Rama seated on the Prasravana mountain just as Indra (who performed a hundred sacrifices) seated on the back of the king of elephants.

न मांसं राघवो भुङक्ते न चाऽपि मधु सेवते। वन्यं सुविहितं नित्यं भक्तमश्नाति पञ्चमम्।।5.36.41।।

na māṃsaṃ rāghavo bhuṅakte na cā'pi madhu sevate| vanyaṃ suvihitaṃ nityaṃ bhaktamaśnāti pañcamam

"Rama is not eating meat, nor drinking wine. He takes only the one fifth of a meal (sanctioned for an ascetic) available in the forest.

नैव दंशान्न मशकान्न कीटान्न सरीसृपान्। राघवोऽपनयेद्गात्रात्त्वद्गतेनान्तरात्मना।।5.36.42।।

naiva daṃśānna maśakānna kīṭānna sarīsṛpān| rāghavo'panayedgātrāttvadgatenāntarātmanā

"Since you left, Rama has been always thinking sincerely of you, no longer drives away flies or mosquitoes nor insects or serpents from his body (his mind entirely fixed on you).

नित्यं ध्यानपरो रामो नित्यं शोकपरायणः। नान्यच्चिन्तयते किञ्चित्स तु कामवशं गतः।।5.36.43।।

nityaṃ dhyānaparo rāmo nityaṃ śokaparāyaṇaḥ| nānyaccintayate kiñcitsa tu kāmavaśaṃ gataḥ

"Rama is always lost in thought. He is totally given to grief. Absorbed in love for you, he thinks of none else৷৷

अनिद्रस्सततं रामस्सुप्तोऽपि च नरोत्तमः। सीतेति मधुरां वाणीं व्याहरन्प्रतिबुध्यते।।5.36.44।।

anidrassatataṃ rāmassupto'pi ca narottamaḥ| sīteti madhurāṃ vāṇīṃ vyāharanpratibudhyate

"Rama, the best of men never goes to sleep and even if he drops off to sleep he mutters 'Sita, Sita' in a sweet voice in his sleep.

दृष्ट्वा फलं वा पुष्पं वा यद्वाऽन्यत्सुमनोहरम्। बहुशो हा प्रियेत्येवं श्वसंस्त्वामभिभाषते।।5.36.45।।

dṛṣṭvā phalaṃ vā puṣpaṃ vā yadvā'nyatsumanoharam| bahuśo hā priyetyevaṃ śvasaṃstvāmabhibhāṣate

"Sighing deeply whenever Rama sees a fruit or a flower or any such delightful thing, he remembers you and calls you out again and again, saying, 'alas, my darling '

स देवि नित्यं परितप्यमान स्त्वामेव सीतेत्यभिभाषमाणः। धृतव्रतो राजसुतो महात्मा तवैव लाभाय कृतप्रयत्नः।।5.36.46।।

sa devi nityaṃ paritapyamāna stvāmeva sītetyabhibhāṣamāṇaḥ| dhṛtavrato rājasuto mahātmā tavaiva lābhāya kṛtaprayatnaḥ

"O divine lady prince Rama is ceaselessly suffering. He keeps talking to you in air. The determined Rama is only thinking of your recovery ".

सा रामसङ्कीर्तनवीतशोका रामस्य शोकेन समानशोका। शरन्मुखे साम्बुदशेषचन्द्रा निशेव वैदेहसुता बभूव।।5.36.47।।

sā rāmasaṅkīrtanavītaśokā rāmasya śokena samānaśokā| śaranmukhe sāmbudaśeṣacandrā niśeva vaidehasutā babhūva

Her sorrow was mitigated by references made by Hanuman about Rama.She felt equally sad when she heard about Rama's agony. The princess from Videha appeared like a night at the advent of autumn, with the Moon looking partly muffled by clouds and partly bright. इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे षट्त्रिंशस्सर्गः।। Thus ends the thirtysixth sarga of Sundarakanda of the holy Ramayana, the first epic composed by sage Valmiki.