Sundara Kanda, Sarga 33

सोऽवतीर्य द्रुमात्तस्माद्विद्रुमप्रतिमाननः। विनीतवेषः कृपणः प्रणिपत्योपसृत्य च।।5.33.1।। तामब्रवीन्महातेजा हनूमान्मारुतात्मजः। शिरस्यञ्जलिमाधाय सीतां मधुरया गिरा।।5.33.2।।

so'vatīrya drumāttasmādvidrumapratimānanaḥ| vinītaveṣaḥ kṛpaṇaḥ praṇipatyopasṛtya ca tāmabravīnmahātejā hanūmānmārutātmajaḥ| śirasyañjalimādhāya sītāṃ madhurayā girā

Hanuman, son of the Windgod whose face shone like coral, dressed in a sober manner climbed down the tree, went close to Sita, offered salutations with his palms on his head and spoke in sweet words:

सोऽवतीर्य द्रुमात्तस्माद्विद्रुमप्रतिमाननः। विनीतवेषः कृपणः प्रणिपत्योपसृत्य च।।5.33.1।। तामब्रवीन्महातेजा हनूमान्मारुतात्मजः। शिरस्यञ्जलिमाधाय सीतां मधुरया गिरा।।5.33.2।।

so'vatīrya drumāttasmādvidrumapratimānanaḥ| vinītaveṣaḥ kṛpaṇaḥ praṇipatyopasṛtya ca tāmabravīnmahātejā hanūmānmārutātmajaḥ| śirasyañjalimādhāya sītāṃ madhurayā girā

Hanuman, son of the Windgod whose face shone like coral, dressed in a sober manner climbed down the tree, went close to Sita, offered salutations with his palms on his head and spoke in sweet words:

का नु पद्मपलाशाक्षि क्लिष्टकौशेयवासिनि। द्रुमस्य शाखामालम्ब्य तिष्ठसि त्वमनिन्दिते।।5.33.3।।

kā nu padmapalāśākṣi kliṣṭakauśeyavāsini| drumasya śākhāmālambya tiṣṭhasi tvamanindite

"O blameless lady with eyes like lotus petals, in crumpled silk, holding a branch, and standing, who are you?

किमर्थम् तव नेत्राभ्यां वारि स्रवति शोकजम्। पुण्डरीकपलाशाभ्यां विप्रकीर्णमिवोदकम्।।5.33.4।।

kimartham tava netrābhyāṃ vāri sravati śokajam| puṇḍarīkapalāśābhyāṃ viprakīrṇamivodakam

"Why are tears of grief flowing from your eyes like water trickling down a pair of petals of white lotuses?

सुराणामसुराणां वा नागगन्धर्वरक्षसाम्। यक्षाणां किन्नराणां वा का त्वं भवसि शोभने।।5.33.5।।

surāṇāmasurāṇāṃ vā nāgagandharvarakṣasām| yakṣāṇāṃ kinnarāṇāṃ vā kā tvaṃ bhavasi śobhane

"O noble lady, are you a goddess or a demoness, a naga, a gandharva, a rakshasa, a yaksha or a kinnera?

का त्वं भवसि रुद्राणां मरुतां वा वरानने। वसूनां हि वरारोहे देवता प्रतिभासि मे।।5.33.6।।

kā tvaṃ bhavasi rudrāṇāṃ marutāṃ vā varānane| vasūnāṃ hi varārohe devatā pratibhāsi me

"O beautiful lady Do you belong to the race of Rudras, or Marutas, or Vasus?. O noble lady, you appear a goddess to me.

कि नु चन्द्रमसा हीना पतिता विबुधालयात्। रोहिणी ज्योतिषां श्रेष्ठा श्रेष्ठसर्वगुणान्विता।।5.33.7।।

ki nu candramasā hīnā patitā vibudhālayāt| rohiṇī jyotiṣāṃ śreṣṭhā śreṣṭhasarvaguṇānvitā

"are you Rohini, embellished with best virtues among the constellations? Have you come down from the abode of the luminaries separated from the Moon, her lord?

का त्वं भवसि कल्याणि त्वमनिन्दितलोचने। कोपाद्वा यदि वा मोहाद्भर्तारमसितेक्षणे।।5.33.8।। वसिष्ठं कोपयित्वा त्वं नासि कल्याण्यरुन्धती।

kā tvaṃ bhavasi kalyāṇi tvamaninditalocane| kopādvā yadi vā mohādbhartāramasitekṣaṇe vasiṣṭhaṃ kopayitvā tvaṃ nāsi kalyāṇyarundhatī|

"O lady of lovely black eyes who are you? Have you by any chance offended your husband out of anger or out of delusion? Are you the auspicious Arundhati dislodged for making your lord Vasistha angry?

को नु पुत्रः पिता भ्राता भर्ता वा ते सुमध्यमे।।5.33.9।। अस्माल्लोकादमुं लोकं गतं त्वमनुशोचसि।

ko nu putraḥ pitā bhrātā bhartā vā te sumadhyame asmāllokādamuṃ lokaṃ gataṃ tvamanuśocasi|

"O woman of beautiful waist from which world have you come here? For whom are you worrying? Who is your son, father, brother or husband? Are you worrying about some one dead?.

रोदनादतिनिश्श्वासाद्भूमिसंस्पर्शनादपि।।5.33.10।। न त्वां देवीमहं मन्ये राज्ञ स्सर्वज्ञावधारणात्।

rodanādatiniśśvāsādbhūmisaṃsparśanādapi na tvāṃ devīmahaṃ manye rājña ssarvajñāvadhāraṇāt|

"From your weeping, your sighing and your touching the earth (gods do not touch the earth) and your signs of sovereignty, I do not think you are a goddess (meaning otherwise she posessed divine grace).

व्यञ्जनानि च ते यानि लक्षणानि च लक्षये।।5.33.11।। महिषी भूमिपालस्य राजकन्या च मे मता।

vyañjanāni ca te yāni lakṣaṇāni ca lakṣaye mahiṣī bhūmipālasya rājakanyā ca me matā|

"On the basis of your royal signs and other qualities I infer that you are the daughter of a king or his consort.

रावणेन जनस्थानाद्बलादपदहृता यदि।।5.33.12।। सीता त्वमसि भद्रं ते तन्ममाचक्ष्व पृच्छतः।

rāvaṇena janasthānādbalādapadahṛtā yadi sītā tvamasi bhadraṃ te tanmamācakṣva pṛcchataḥ|

"If you are Sita, who was forcefully borne away by Ravana from Janasthana you may kindly reveal to me freely. May god bless you.

यथा हि तव वै दैन्यं रूपं चाप्यतिमानुषम्।।5.33.13।। तपसा चान्वितो वेषस्त्वं राममहिषी ध्रुवम्।

yathā hi tava vai dainyaṃ rūpaṃ cāpyatimānuṣam tapasā cānvito veṣastvaṃ rāmamahiṣī dhruvam|

"Indeed your plight, the superhuman beauty and your robes marked with asceticism, surely tell me that you are Rama's queen."

सा तस्य वचनं श्रुत्वा रामकीर्तनहर्षिता।।5.33.14।। उवाच वाक्यं वैदेही हनुमन्तं द्रुमाश्रितम्।

sā tasya vacanaṃ śrutvā rāmakīrtanaharṣitā uvāca vākyaṃ vaidehī hanumantaṃ drumāśritam|

Happy to have heard words of praise of Rama, Vaidehi spoke this to Hanuman, who got up the tree:

पृथिव्यां राजसिंहानां मुख्यस्य विदितात्मनः।।5.33.15।। स्नुषा दशरथस्याहं शत्रुसैन्यप्रतापिनः।

pṛthivyāṃ rājasiṃhānāṃ mukhyasya viditātmanaḥ snuṣā daśarathasyāhaṃ śatrusainyapratāpinaḥ|

"I am daughterinlaw of king Dasaratha, knower of the self, the foremost among kings on earth and a slayer of enemy army.

दुहिता जनकस्याहं वैदेहस्य महात्मनः।।5.33.16।। सीतेति नाम नाम्नाऽहं भार्या रामस्य धीमतः।

duhitā janakasyāhaṃ vaidehasya mahātmanaḥ sīteti nāma nāmnā'haṃ bhāryā rāmasya dhīmataḥ|

"I am daughter of the great soul, Janaka, king of Videha, known as Sita. I am the wife of that sagacious Rama.

समा द्वादश तत्राहं राघवस्य निवेशने।।5.33.17।। भुञ्जाना मानुषान्भोगान्सर्वकामसमृद्धिनी।

samā dvādaśa tatrāhaṃ rāghavasya niveśane bhuñjānā mānuṣānbhogānsarvakāmasamṛddhinī|

"I enjoyed worldly pleasures in abundance for twelve years at Rama's abode.

तत्र त्रयोदशे वर्षे राज्येनेक्ष्वाकुनन्दनम्।।5.33.18।। अभिषेचयितुं राजा सोपाध्यायः प्रचक्रमे।

tatra trayodaśe varṣe rājyenekṣvākunandanam abhiṣecayituṃ rājā sopādhyāyaḥ pracakrame|

"Then in the thirteenth year king Dasaratha along with the royal preceptor arranged to coronate Rama, delight of the Ikshvaku family, in the kingdom.

तस्मिन्सम्भ्रियमाणे तु राघवस्याभिषेचने।।5.33.19।। कैकयी नाम भर्तारं देवी वचनमब्रवीत्।

tasminsambhriyamāṇe tu rāghavasyābhiṣecane kaikayī nāma bhartāraṃ devī vacanamabravīt|

"While preparations for the coronation were on, queen Kaikeyi said to her husband:

न पिबेयं न खादेयं प्रत्यहं मम भोजनम्।।5.33.20।। एष मे जीवितस्यान्तो रामो यद्यभिषिच्यते।

na pibeyaṃ na khādeyaṃ pratyahaṃ mama bhojanam eṣa me jīvitasyānto rāmo yadyabhiṣicyate|

'I shall not drink or eat food, if Rama is coronated. I shall end my life this moment.

यत्तदुक्तं त्वया वाक्यं प्रीत्या नृपतिसत्तम।।5.33.21।। तच्छेन्न वितथं कार्यं वनं गच्छतु राघवः।

yattaduktaṃ tvayā vākyaṃ prītyā nṛpatisattama tacchenna vitathaṃ kāryaṃ vanaṃ gacchatu rāghavaḥ|

'O Dasaratha, the foremost among kings if the promise lovingly made by you earlier is not going to be false, Rama should go to the forest'.

स राजा सत्यवाग्देव्या वरदानमनुस्मरन्।।5.33.22।। मुमोह वचनं श्रुत्वा कैकेय्याः क्रूरमप्रियम्।

sa rājā satyavāgdevyā varadānamanusmaran mumoha vacanaṃ śrutvā kaikeyyāḥ krūramapriyam|

"Remembering the boons the ever truthful king had granted to Kaikeyi, he fainted after hearing her cruel and harsh words.

ततस्तु स्थविरो राजा सत्ये धर्मे व्यवस्थितः।।5.33.23।। ज्येष्ठं यशस्विनं पुत्रं रुदन्राज्यमयाचत।

tatastu sthaviro rājā satye dharme vyavasthitaḥ jyeṣṭhaṃ yaśasvinaṃ putraṃ rudanrājyamayācata|

"The aged king who held on to truthfulness and righteousness begged his famed eldest son Rama to return the kingdom.

स पितुर्वचनं श्रीमानभिषेकात्परं प्रियम्।।5.33.24।। मनसा पूर्वमासाद्य वाचा प्रतिगृहीतवान्।

sa piturvacanaṃ śrīmānabhiṣekātparaṃ priyam manasā pūrvamāsādya vācā pratigṛhītavān|

"The illustrious Rama who valued his father's word more than sovereignty, bowed to the command of the father.

दद्यान्न प्रतिगृह्णीयान्न ब्रूयात्किञ्चिदप्रियम्।।5.33.25।। अपि जीवितहेतोर्वा रामस्सत्यपराक्रमः।

dadyānna pratigṛhṇīyānna brūyātkiñcidapriyam api jīvitahetorvā rāmassatyaparākramaḥ|

"Rama, whose strength was his truthfulness, gave whatever others sought but would not accept anything in return. He would not speak a harsh word.

स विहायोत्तरीयाणि महार्हाणि महायशाः।।5.33.26।। विसृज्य मनसा राज्यं जनन्यै मां समादिशत्।

sa vihāyottarīyāṇi mahārhāṇi mahāyaśāḥ visṛjya manasā rājyaṃ jananyai māṃ samādiśat|

"Having given up the kingdom voluntarily, Rama, a highly renowned king cast off his luxurious upper garments and asked me to take care of his mother.

साहं तस्याग्रतस्तूर्णं प्रस्थिता वनचारिणी।।5.33.27।। न हि मे तेन हीनाया वासस्स्वर्गेऽपि रोचते।

sāhaṃ tasyāgratastūrṇaṃ prasthitā vanacāriṇī na hi me tena hīnāyā vāsassvarge'pi rocate|

"I, however resolved to live in the forest, marched ahead of him quickly as I did not prefer even heaven without him.

प्रागेव तु महाभागस्सौमित्रिर्मित्रनन्दनः।।5.33.28।। पूर्वजस्यानुयात्रार्थे द्रुमचीरैरलङ्कृतः।

prāgeva tu mahābhāgassaumitrirmitranandanaḥ pūrvajasyānuyātrārthe drumacīrairalaṅkṛtaḥ|

Already the noble Saumitri, delight of his friends, clad in bark garments, had set out to follow his elder brother.

ते वयं भर्तुरादेशं बहुमान्य दृढव्रताः।।5.33.29।। प्रविष्टास्स्म पुरादृष्टं वनं गम्भीरदर्शनम्।

te vayaṃ bharturādeśaṃ bahumānya dṛḍhavratāḥ praviṣṭāssma purādṛṣṭaṃ vanaṃ gambhīradarśanam|

"Respecting the king's order and determined firmly, we entered the impenetrable forest.

वसतो दण्डकारण्ये तस्याहममितौजसः।।5.33.30।। रक्षसाऽपहृता भार्या रावणेन दुरात्मना।

vasato daṇḍakāraṇye tasyāhamamitaujasaḥ rakṣasā'pahṛtā bhāryā rāvaṇena durātmanā|

"While the most valiant Rama was living in the Dandaka forest, I, his wife was borne away by the evilminded Ravana.

द्वौ मासौ तेन मे कालो जीवितानुग्रहः कृतः।।5.33.31।। ऊर्ध्वं द्वाभ्यां तु मासाभ्यां ततस्तक्ष्यामि जीवितम्।

dvau māsau tena me kālo jīvitānugrahaḥ kṛtaḥ ūrdhvaṃ dvābhyāṃ tu māsābhyāṃ tatastakṣyāmi jīvitam|

"He has allowed me two months time to live. After two months I will have to give up my life." इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे त्रयस्त्रिंशस्सर्गः।। Thus ends the thirtythird sarga of Sundarakanda of the holy Ramayana, the first epic composed by sage Valmiki.