Kishkindha Kanda, Sarga 32

अङ्गदस्य वचश्श्रुत्वा सुग्रीवस्सचिवैस्सह। लक्ष्मणं कुपितं श्रुत्वा मुमोचासनमात्मवान्4.32.1।।

aṅgadasya vacaśśrutvā sugrīvassacivaissaha| lakṣmaṇaṃ kupitaṃ śrutvā mumocāsanamātmavān4.32.1||

On hearing about Lakshmana's anger from Angada, prudent Sugriva consulted his counsellors.

सचिवानब्रवीद्वाक्यं निश्चित्य गुरुलाघवम्। मन्त्रज्ञान्मन्त्रकुशलो मन्त्रेषु परिनिष्ठितान्4.32.2।।

sacivānabravīdvākyaṃ niścitya gurulāghavam| mantrajñānmantrakuśalo mantreṣu pariniṣṭhitān4.32.2||

Sugriva, being skilled in secret assessment of matters, considering the merits and demerits, spoke to his council of ministers capable of intelligent counselling:

न मे दुर्व्याहृतं किञ्चिन्नापि मे दुरनुष्ठितम्। लक्ष्मणो राघवभ्राता क्रुद्धः किमिति चिन्तये4.32.3।।

na me durvyāhṛtaṃ kiñcinnāpi me duranuṣṭhitam| lakṣmaṇo rāghavabhrātā kruddhaḥ kimiti cintaye4.32.3||

'Indeed I have not uttered any harsh word or done anything wrong. I, therefore, wonder why Rama's brother, Lakshmana is angry with me?

असुहृद्भिर्ममामित्रैर्नित्यमन्तरदर्शिभिः। मम दोषानसम्भूतान् श्रावितो राघवानुजः4.32.4।।

asuhṛdbhirmamāmitrairnityamantaradarśibhiḥ| mama doṣānasambhūtān śrāvito rāghavānujaḥ4.32.4||

'Some enemies, who are always searching for imaginary faults of mine might have poisoned Lakshmana's ears.

अत्र तावद्यथाबुद्धि सर्वैरेव यथाविधि। भावस्य निश्चयस्तावद्विज्ञेयो निपुणं शनैः4.32.5।।

atra tāvadyathābuddhi sarvaireva yathāvidhi| bhāvasya niścayastāvadvijñeyo nipuṇaṃ śanaiḥ4.32.5||

'In the meanwhile, (right now) all of you should think quietly and try to know the reason (for Lakshmana's anger), using your intellect and expertise logically and decide( the course of action).

न खल्वस्ति मम त्रासो लक्ष्मणान्नापि राघवात्। मित्रं त्वस्थानकुपितं जनयत्येव सम्भ्रमम्4.32.6।।

na khalvasti mama trāso lakṣmaṇānnāpi rāghavāt| mitraṃ tvasthānakupitaṃ janayatyeva sambhramam4.32.6||

'I have no fear either from Lakshmana or from Rama. However, when a friend is enraged without reason, it creates misgivings.

सर्वथा सुकरं मित्रं दुष्करं परिपालनम्। अनित्यत्वाच्छ चित्तानां प्रीतिरल्पेपि भिद्यते4.32.7।।

sarvathā sukaraṃ mitraṃ duṣkaraṃ paripālanam| anityatvāccha cittānāṃ prītiralpepi bhidyate4.32.7||

'It is easy to earn a friend but keeping the friendship sustained is difficult. Due to fickleness of mind friendship gets broken even on flimsy grounds.

अतो निमित्तं त्रस्तोहं रामेण तु महात्मना। यन्मयोपकृतं शक्यं प्रतिकर्तुं न तन्मया4.32.8।।

ato nimittaṃ trastohaṃ rāmeṇa tu mahātmanā| yanmayopakṛtaṃ śakyaṃ pratikartuṃ na tanmayā4.32.8||

'Therefore, I am apprehensive of Rama. I am not able to repay the help he has rendered to me'.

सुग्रीवेणैवमुक्तस्तु हनुमान्हरिपुङ्गवः। उवाच स्वेन तर्केण मध्ये वानरमन्त्रिणाम्4.32.9।।

sugrīveṇaivamuktastu hanumānharipuṅgavaḥ| uvāca svena tarkeṇa madhye vānaramantriṇām4.32.9||

When Sugriva spoke thus, Hanuman the great monkey, submitted in the presnce of the monkeyministers, applying his own logic:

सर्वथा नैतदाश्चर्यं यस्त्वं हरिगणेश्वर। न विस्मरसि सुस्निग्धमुपकार कृतं शुभम्4.32.10।।

sarvathā naitadāścaryaṃ yastvaṃ harigaṇeśvara| na vismarasi susnigdhamupakāra kṛtaṃ śubham4.32.10||

'It is not at all a matter of surprise, O king of vanara clan, that you forgot the good service rendered to you with utmost sense of friendship.

राघवेण तु वीरेण भयमुत्सृज्य दूरतः। त्वत्प्रियार्थं हतो वाली शक्रतुल्यपराक्रमः4.32.11।।

rāghaveṇa tu vīreṇa bhayamutsṛjya dūrataḥ| tvatpriyārthaṃ hato vālī śakratulyaparākramaḥ4.32.11||

'To remove your fear and to please you, the great hero Rama has killed Vali, an equal to Indra in valour.

सर्वथा प्रणयात्कृद्धो राघवो नात्र संशयः। भ्रातरं सम्प्रहितवान्लक्ष्मणं लक्ष्मिवर्धनम्4.32.12।।

sarvathā praṇayātkṛddho rāghavo nātra saṃśayaḥ| bhrātaraṃ samprahitavānlakṣmaṇaṃ lakṣmivardhanam4.32.12||

'Rama's anger is purely out of love for you. He has sent Lakshmana, a bestower of prosperity to you. There is no doubt about it.

त्वं प्रमत्तो न जानीषे कालं कालविदां वर। फुल्लसप्तच्छदश्यामा प्रवृत्ता तु शरच्छिवा4.32.13।।

tvaṃ pramatto na jānīṣe kālaṃ kālavidāṃ vara| phullasaptacchadaśyāmā pravṛttā tu śaracchivā4.32.13||

'You knows best the passage of time (changing seasons). But you are not aware out of inattention that the auspicious autumn has set in, making the garden lush green with blossoms of Saptachada flowers.

निर्मलग्रहनक्षत्रा द्यौः प्रनष्टवलाहका। प्रसन्नाश्च दिशस्सर्वास्सरितश्च सरांसि च4.32.14।।

nirmalagrahanakṣatrā dyauḥ pranaṣṭavalāhakā| prasannāśca diśassarvāssaritaśca sarāṃsi ca4.32.14||

'The sky from which the dark clouds have completely disappeared is illumined with planets and stars. The rivers and tanks as well as all directions are pleasant.

प्राप्तमुद्योगकालं तु नावैषि हरिपुङ्गव। त्वं प्रमत्त इति व्यक्तं लक्ष्मणोऽयमिहागतः4.32.15।।

prāptamudyogakālaṃ tu nāvaiṣi haripuṅgava| tvaṃ pramatta iti vyaktaṃ lakṣmaṇo'yamihāgataḥ4.32.15||

'O chief of monkeys it is time for military expeditions. Since you are intoxicated you are not aware of this, Lakshmana has come here evidently for this.

आर्तस्य हृतदारस्य पुरुषं पुरुषान्तरात्। वचनं मर्षणीयं ते राघवस्य महात्मनः4.32.16।।

ārtasya hṛtadārasya puruṣaṃ puruṣāntarāt| vacanaṃ marṣaṇīyaṃ te rāghavasya mahātmanaḥ4.32.16||

'The message sent by a man who is in distress, and is deprived of his wife should be accepted even if they are harsh since he is a great self (who has rendered you help).

कृतापराधस्य हि ते नान्यत्पश्याम्यहं क्षमम्। अन्तरेणाञ्जलिं बद्ध्वा लक्ष्मणस्य प्रसादनात्4.32.17।।

kṛtāparādhasya hi te nānyatpaśyāmyahaṃ kṣamam| antareṇāñjaliṃ baddhvā lakṣmaṇasya prasādanāt4.32.17||

'In these circumstances the best way is seeking apology from Lakshmana with folded hands. I do not see any way other than this.

नियुक्तैर्मन्त्रिभिर्वाच्यो ह्यवश्यं पार्थिवो हितम्। अत एव भयं त्यक्त्वा ब्रवीम्यवधृतं वचः4.32.18।।

niyuktairmantribhirvācyo hyavaśyaṃ pārthivo hitam| ata eva bhayaṃ tyaktvā bravīmyavadhṛtaṃ vacaḥ4.32.18||

'The counsellors and ministers appointed by a king should certainly give good advice, without fear. This I tell you since I have faith in my words.

अभिक्रुद्धस्समर्थो हि चापमुद्यम्य राघवः। सदेवासुरगन्धर्वं वशे स्थापयितुं जगत्4.32.19।।

abhikruddhassamartho hi cāpamudyamya rāghavaḥ| sadevāsuragandharvaṃ vaśe sthāpayituṃ jagat4.32.19||

If enraged, Rama, raising his bow, is able to bring the whole world—including gods, demons and gandharvas—under his control.

न स क्षमः कोपयितुं यः प्रसाद्यः पुनर्भवेत्। पूर्वोपकारं स्मरता कृतज्ञेन विशेषतः4.32.20।।

na sa kṣamaḥ kopayituṃ yaḥ prasādyaḥ punarbhavet| pūrvopakāraṃ smaratā kṛtajñena viśeṣataḥ4.32.20||

'He who deserves propitiation, should not be offended, more so by a grateful man, remembering the help received by him earlier.

तस्य मूर्ध्ना प्रणम्य त्वं सपुत्रस्ससुहृज्जनः। राजंस्तिष्ठस्व समये भर्तुर्भार्येव तद्वशः4.32.21।।

tasya mūrdhnā praṇamya tvaṃ saputrassasuhṛjjanaḥ| rājaṃstiṣṭhasva samaye bharturbhāryeva tadvaśaḥ4.32.21||

'O king bow down your head along with your son, friends and relations and honour the oath just as a wife subordinates to the will of the husband. Stand by obediently.

न रामरामानुजशासनं त्वया कपीन्द्र युक्तं मनसाऽप्यपोहितुम्। मनो हि ते ज्ञास्यति मानुषं बलं स राघवस्यास्य सुरेन्द्रवर्चसः4.32.22।।

na rāmarāmānujaśāsanaṃ tvayā kapīndra yuktaṃ manasā'pyapohitum| mano hi te jñāsyati mānuṣaṃ balaṃ sa rāghavasyāsya surendravarcasaḥ4.32.22||

'O king of monkeys It is not right for you to overlook the commands of Rama or Lakshmana even in mind. You know the superhuman virtues of Rama, particularly his valour. The two brothers are like Indra (and Upendra) in valour and might. इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे द्वात्रिंशस्सर्गः।। Thus ends the thirtysecond sarga in Kishkindakanda of the first epic, the Holy Ramayana composed by sage Valmiki.