Kishkindha Kanda, Sarga 15

अथ तस्य निनादं तं सुग्रीवस्य महात्मनः। शुश्रावान्तः पुर गतो वाली भ्रातुरमर्षणः4.15.1।।

atha tasya ninādaṃ taṃ sugrīvasya mahātmanaḥ| śuśrāvāntaḥ pura gato vālī bhrāturamarṣaṇaḥ4.15.1||

The indignant Vali, who was in the harem, heard the roaring of his venerable brother, Sugriva.

श्रुत्वा तु तस्य निनदं सर्वभूतप्रकम्पनम्। मदश्चैकपदे नष्टः क्रोधश्चापतितो महान्4.15.2।।

śrutvā tu tasya ninadaṃ sarvabhūtaprakampanam| madaścaikapade naṣṭaḥ krodhaścāpatito mahān4.15.2||

The roar (of Sugriva) that frightened all beings gave Vali's vanity a jolt and at once aroused in him violent rage.

स तु रोषपरीताङ्गो वाली सन्ध्याकनकप्रभः। उपरक्त इवादित्यस्सद्यो निष्प्रभतां गतः4.15.3।।

sa tu roṣaparītāṅgo vālī sandhyākanakaprabhaḥ| uparakta ivādityassadyo niṣprabhatāṃ gataḥ4.15.3||

Overcome with anger, Vali looked pale like the eclipsed Sun with the golden radiance faded from his face.

वाली दंष्ट्राकरालस्तु क्रोधाद्दीप्ताग्निसन्निभः। भात्युत्पतितपद्मस्तु समृणाळ इव ह्रदः4.15.4।।

vālī daṃṣṭrākarālastu krodhāddīptāgnisannibhaḥ| bhātyutpatitapadmastu samṛṇāḻa iva hradaḥ4.15.4||

Vali, who looked fierce with his teeth and whose eyes shone like a flaming fire through anger looked like a pond with the lotuses and their stalks uprooted.

शब्दं दुर्मर्षणं श्रुत्वा निष्पपात ततो हरिः। वेगेन चरणन्यासैर्दारयन्निव मेदिनीम्4.15.5।।

śabdaṃ durmarṣaṇaṃ śrutvā niṣpapāta tato hariḥ| vegena caraṇanyāsairdārayanniva medinīm4.15.5||

Unable to tolerate Sugriva's roar, Vali stepped out hurriedly, taking long strides as if breaking the earth.

तं तु तारा परिष्वज्य स्नेहाद्दर्शितसौहृदाः। उवाच त्रस्तसम्भ्रान्ता हितोदर्कमिदं वचः4.15.6।।

taṃ tu tārā pariṣvajya snehāddarśitasauhṛdāḥ| uvāca trastasambhrāntā hitodarkamidaṃ vacaḥ4.15.6||

Tara, perplexed out of fear, glanced at Vali lovingly, embraced him and gave him wise counsel:

साधु क्रोधमिमं वीर नदीवेगमिवागतम्। शयनादुत्थितः काल्यं त्यज भुक्तामिव स्रजम्4.15.7।।

sādhu krodhamimaṃ vīra nadīvegamivāgatam| śayanādutthitaḥ kālyaṃ tyaja bhuktāmiva srajam4.15.7||

'O valiant Vali anger has overtaken you like the flood of a river. It is natural for you to be angry at this time, but shake off your anger just as the wise discard a flower garland already used up.

काल्यमेतेन सङ्ग्रामं करिष्यसि च वानर। वीर ते शत्रुबाहुल्यं फल्गुता वा न विद्यते4.15.8।।

kālyametena saṅgrāmaṃ kariṣyasi ca vānara| vīra te śatrubāhulyaṃ phalgutā vā na vidyate4.15.8||

'O monkey fight him only tomorrow morning. By this you are not going to prove your weakness or increase your respect for the enemy.

सहसा तव निष्क्रामो मम तावन्न रोचते। श्रूयतां चाभिधास्यामि यन्निमित्तं निवार्यसे4.15.9।।

sahasā tava niṣkrāmo mama tāvanna rocate| śrūyatāṃ cābhidhāsyāmi yannimittaṃ nivāryase4.15.9||

'I do not like your rashness. I will explain the reason I am preventing you. Listen:

पूर्वमापतितः क्रोधात्स त्वामाह्वयते युधि। निष्पत्य च निरस्तस्ते हन्यमानो दिशो गतः4.15.10।।

pūrvamāpatitaḥ krodhātsa tvāmāhvayate yudhi| niṣpatya ca nirastaste hanyamāno diśo gataḥ4.15.10||

'Earlier, he (Sugriva) came and challenged you to a duel. You struck him in anger, and defeated, he fled, running in all directions. Now his challenge rouses my suspicion.

त्वया तस्य निरस्तस्य पीडितस्य विशेषतः। इहैत्य पुनराह्वानं शङ्कां जनयतीव मे4.15.11।।

tvayā tasya nirastasya pīḍitasya viśeṣataḥ| ihaitya punarāhvānaṃ śaṅkāṃ janayatīva me4.15.11||

'One who is defeated and badly mauled by you is again coming and inviting you to a duel in this manner arouses suspicion in me.

दर्पश्च व्यवसायश्च यादृशस्तस्य नर्दतः। निनादश्चापि संरम्भो नैतदल्पं हि कारणम्4.15.12।।

darpaśca vyavasāyaśca yādṛśastasya nardataḥ| ninādaścāpi saṃrambho naitadalpaṃ hi kāraṇam4.15.12||

'His determination, his insolence, his roaring, his arroganceall this cannot be for a small reason.

नासहायमहं मन्ये सुग्रीवं तमिहागतम्। अवष्टब्धसहायश्च यमाश्रित्यैष गर्जति4.15.13।।

nāsahāyamahaṃ manye sugrīvaṃ tamihāgatam| avaṣṭabdhasahāyaśca yamāśrityaiṣa garjati4.15.13||

'Certainly Sugriva has not come here to give a warcry without any external help. The person whose refuge he has sought is not a small one.

प्रकृत्या निपुणश्चैव बुद्धिमांश्चैव वानरः। अपरीक्षितवीर्येण सुग्रीवस्सहनैष्यति।।4.15.14।।

prakṛtyā nipuṇaścaiva buddhimāṃścaiva vānaraḥ| aparīkṣitavīryeṇa sugrīvassahanaiṣyati

'Sugriva is clever by nature. He is wise. Without assessing the ability of the ally he will not enter into friendship.

पूर्वमेव मया वीर श्रुतं कथयतो वचः। अङ्गदस्य कुमारस्य वक्ष्यामित्वा हितं वचः4.15.15।।

pūrvameva mayā vīra śrutaṃ kathayato vacaḥ| aṅgadasya kumārasya vakṣyāmitvā hitaṃ vacaḥ4.15.15||

'O hero I have heard the news earlier from our son Angada. I will tell you what he had heard and what he has said to me:

अङ्गदस्तु कुमारोऽयं वनान्तमुपनिर्गतः। प्रवृत्तिस्तेन कथिता चारै राप्तैर्निवेदिता4.15.16।।

aṅgadastu kumāro'yaṃ vanāntamupanirgataḥ| pravṛttistena kathitā cārai rāptairniveditā4.15.16||

'When our son Angada was out into the forest he had collected some reports from the spies which he has transmitted to me.

अयोध्याधिपतेः पुत्रौ शूरौ समरदुर्जयौ। इक्ष्वाकूणां कुले जातौ प्रथितौ रामलक्ष्मणौ4.15.17।। सुग्रीवप्रियकामार्थं प्राप्तौ तत्र दुरासदौ।

ayodhyādhipateḥ putrau śūrau samaradurjayau| ikṣvākūṇāṃ kule jātau prathitau rāmalakṣmaṇau4.15.17|| sugrīvapriyakāmārthaṃ prāptau tatra durāsadau|

'Rama and Lakshmana, two heroic sons of the king of Ayodhya born of the Ikshvaku race, are invincible in war. They have come there to help Sugriva.

तव भ्रातुर्हि विख्यातस्सहायो रणकर्कशः। रामः परबलामर्दी युगान्ताग्निरिवोत्थितः4.15.18।।

tava bhrāturhi vikhyātassahāyo raṇakarkaśaḥ| rāmaḥ parabalāmardī yugāntāgnirivotthitaḥ4.15.18||

'Rama, famous for crushing foes in war, like the fire that breaks out at the dissolution of the world, has slain strong enemies like Khara and will help your brother.

निवासवृक्षः साधूनामापन्नानां परा गतिः। आर्तानां संश्रयश्चैव यशसश्चैकभाजनम्4.15.19।।

nivāsavṛkṣaḥ sādhūnāmāpannānāṃ parā gatiḥ| ārtānāṃ saṃśrayaścaiva yaśasaścaikabhājanam4.15.19||

'He is like a sheltering tree to the virtuous, an ultimate refuge for the destitutes and a protector of the distressed. He is the sole repository of fame.

ज्ञानविज्ञानसम्पन्नो निदेशे निरतः पितुः। धातूनामिव शैलेन्द्रो गुणानामाकरो महान्4.15.20।।

jñānavijñānasampanno nideśe nirataḥ pituḥ| dhātūnāmiva śailendro guṇānāmākaro mahān4.15.20||

'He is endowed with the knowledge of science and scriptures. He stood by his father's command. He is like a mine of virtues just as the lord of the mountain is a mine of minerals.

तत्क्षमं न विरोधस्ते सह तेन महात्मना। दुर्जयेनाप्रमेयेन रामेण रणकर्मसु4.15.21।।

tatkṣamaṃ na virodhaste saha tena mahātmanā| durjayenāprameyena rāmeṇa raṇakarmasu4.15.21||

'Rama is immeasurable in prowess and unconquerable in war. Therefore, enmity with him is not desirable for you.

शूर वक्ष्यामि ते किञ्चिन्न चेच्छाम्यभ्यसूयितुम्। श्रूयतां क्रियतां चैव तव वक्ष्यामि यद्धितम्4.15.22।।

śūra vakṣyāmi te kiñcinna cecchāmyabhyasūyitum| śrūyatāṃ kriyatāṃ caiva tava vakṣyāmi yaddhitam4.15.22||

'O hero, this I tell you not because I dislike you, but because I wish your welfare. Listen, and do as I say

यौवराज्येन सुग्रीवं तूर्णं साध्वभिषेचय। विग्रहं मा कृथा वीर भ्रात्रा राजन्बलीयसा4.15.23।।

yauvarājyena sugrīvaṃ tūrṇaṃ sādhvabhiṣecaya| vigrahaṃ mā kṛthā vīra bhrātrā rājanbalīyasā4.15.23||

'O king O hero consecrate your brother Sugriva as prince at once. Do not create enmity with him.

अहं हि ते क्षमं मन्ये तेन रामेण सौहृदम्। सुग्रीवेण च सम्प्रीतिं वैरमुत्सृज्य दूरतः4.15.24।।

ahaṃ hi te kṣamaṃ manye tena rāmeṇa sauhṛdam| sugrīveṇa ca samprītiṃ vairamutsṛjya dūrataḥ4.15.24||

'Leave enmity with Sugriva far behind. Make friendship with Rama. I think it is the right thing for you.

लालनीयो हि ते भ्राता यवीयानेष वानरः। तत्र वा सन्निहस्थो वा सर्वथा बन्धुरेव ते4.15.25।।

lālanīyo hi te bhrātā yavīyāneṣa vānaraḥ| tatra vā sannihastho vā sarvathā bandhureva te4.15.25||

'This monkey is your younger brother and, therefore, deserves your protection. Whether he is here or there, he is your brother.

न हि तेन समं बन्धुं भुवि पश्यामि कञ्चन4.15.26।। दानमानादिसत्कारैः कुरुष्व प्रत्यनन्तरम्। वैरमेतत्समुत्सृज्य तव पार्श्वे स तिष्ठतु4.15.27।।

na hi tena samaṃ bandhuṃ bhuvi paśyāmi kañcana4.15.26|| dānamānādisatkāraiḥ kuruṣva pratyanantaram| vairametatsamutsṛjya tava pārśve sa tiṣṭhatu4.15.27||

'Indeed I do not see any of your relatives comparable to him on earth. Give up enmity with him. Give him wealth. Give him respect. Keep him by your side.

न हि तेन समं बन्धुं भुवि पश्यामि कञ्चन4.15.26।। दानमानादिसत्कारैः कुरुष्व प्रत्यनन्तरम्। वैरमेतत्समुत्सृज्य तव पार्श्वे स तिष्ठतु4.15.27।।

na hi tena samaṃ bandhuṃ bhuvi paśyāmi kañcana4.15.26|| dānamānādisatkāraiḥ kuruṣva pratyanantaram| vairametatsamutsṛjya tava pārśve sa tiṣṭhatu4.15.27||

'Indeed I do not see any of your relatives comparable to him on earth. Give up enmity with him. Give him wealth. Give him respect. Keep him by your side.

सुग्रीवो विपुलग्रीवस्तवबन्धुस्सदा मतः। भ्रातृस्सौहृदमालम्ब नान्या गतिरिहास्ति ते4.15.28।।

sugrīvo vipulagrīvastavabandhussadā mataḥ| bhrātṛssauhṛdamālamba nānyā gatirihāsti te4.15.28||

'Extend your brotherly affection to broadnecked Sugriva. He is always your great relation. There is no alternative for you other than this at present.

यदि ते मत्प्रियं कार्यं यदि चावैषि मां हिताम्। याच्यमानः प्रयत्नेन साधु वाक्यं कुरुष्व मे4.15.29।।

yadi te matpriyaṃ kāryaṃ yadi cāvaiṣi māṃ hitām| yācyamānaḥ prayatnena sādhu vākyaṃ kuruṣva me4.15.29||

'Pray, do me this favour. Treat me as your wellwisher. Heed my advice given with care.

प्रसीद पथ्यं शृणु जल्पितं हि मे न रोष मेवानुविधातुमर्हसि। क्षमो हि ते कोसलराजसूनुना न विग्रहश्शक्रसमानतेजसा4.15.30।।

prasīda pathyaṃ śṛṇu jalpitaṃ hi me na roṣa mevānuvidhātumarhasi| kṣamo hi te kosalarājasūnunā na vigrahaśśakrasamānatejasā4.15.30||

'Do not lose your temper. Quieten your mind. My advice is beneficial to you. You should not fight with the prince of Kosala who is comparable to Indra in splendour.It is not proper for you.'

तदा हि तारा हितमेव वाक्यं तं वालिनं पथ्यमिदं बभाषे। न रोचते तद्वचनं हि तस्य कालाभिपन्नस्य विनाशकाले4.15.31।।

tadā hi tārā hitameva vākyaṃ taṃ vālinaṃ pathyamidaṃ babhāṣe| na rocate tadvacanaṃ hi tasya kālābhipannasya vināśakāle4.15.31||

Even though Tara gave good counsel to Vali at the hour of destruction, the advice did not find favour with him as he was under the influence of unfavourable time (seized by death). इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे पञ्चदशस्सर्गः।। Thus ends the fifteenth sarga of Kishkindakanda of the holy Ramayana, the first epic composed by sage Valmiki.