Kishkindha Kanda, Sarga 14

सर्वे ते त्वरितं गत्वा किष्किन्धां वालि पालिताम्। वृक्षैरात्मानमावृत्य व्यतिष्ठन् गहने वने4.14.1।।

sarve te tvaritaṃ gatvā kiṣkindhāṃ vāli pālitām| vṛkṣairātmānamāvṛtya vyatiṣṭhan gahane vane4.14.1||

They all at once went to Kishkinda ruled by Vali and there waited hiding behind the trees in the dense forest.

विचार्य सर्वतो दृष्टिं कानने काननप्रियः। सुग्रीवो विपुलग्रीवः क्रोधमाहारयद्भृशम्4.14.2।।

vicārya sarvato dṛṣṭiṃ kānane kānanapriyaḥ| sugrīvo vipulagrīvaḥ krodhamāhārayadbhṛśam4.14.2||

Broadnecked Sugriva, a lover of the forest, looked around and flew into a rage.

ततस्स निनदं घोरं कृत्वा युद्धाय चाह्वयत्। परिवारैः परिवृतो नादैर्भिन्दन्निवाम्बरम्4.14.3।। गर्जन्निव महामेघो वायुवेगपुरस्सरः।

tatassa ninadaṃ ghoraṃ kṛtvā yuddhāya cāhvayat| parivāraiḥ parivṛto nādairbhindannivāmbaram4.14.3|| garjanniva mahāmegho vāyuvegapurassaraḥ|

Sugriva, surrounded by his companions, raised his voice as if piercing the sky, roaring like a huge thundering cloud, challenging Vali to a duel.

अथ बालार्कसदृशो दृप्तसिंहगतिस्तदा4.14.4।। दृष्ट्वा रामं क्रियादक्षं सुग्रीवो वाक्यमब्रवीत्।

atha bālārkasadṛśo dṛptasiṃhagatistadā4.14.4|| dṛṣṭvā rāmaṃ kriyādakṣaṃ sugrīvo vākyamabravīt|

Sugriva, proficient in the performance of any task, one who appeared like the rising Sun and moved like a proud lion, said to Rama:

हरिवागुरया व्याप्तां तप्तकाञ्चनतोरणाम्। प्राप्ताः स्म ध्वजयन्त्राढ्यां किष्किन्धां वालिनः पुरीम्।।4.14.5।।

harivāgurayā vyāptāṃ taptakāñcanatoraṇām| prāptāḥ sma dhvajayantrāḍhyāṃ kiṣkindhāṃ vālinaḥ purīm

'We have arrived at Kishkinda, the capital of Vali, decorated with flags and having a glittering golden archway that can be opened mechanically. Teeming with monkeys, it looks like a snare to catch the enemy.

प्रतिज्ञा या त्वया वीर कृता वालिवधे पुरा। सफलां कुरु तां क्षिप्रं लतां काल इवागतः4.14.6।।

pratijñā yā tvayā vīra kṛtā vālivadhe purā| saphalāṃ kuru tāṃ kṣipraṃ latāṃ kāla ivāgataḥ4.14.6||

'O heroic Rama fulfil quickly the vow taken by you earlier to kill Vali in the same way a creeper bears fruit when the time comes.'

एवमुक्तस्तु धर्मात्मा सुग्रीवेण स राघवः। तमेवोवाच वचनं सुग्रीवं शत्रुसूदनः4.14.7।।

evamuktastu dharmātmā sugrīveṇa sa rāghavaḥ| tamevovāca vacanaṃ sugrīvaṃ śatrusūdanaḥ4.14.7||

Requested thus by Sugriva, righteous Rama, the destroyer of enemies, replied:.

कृताभिज्ञानचिह्नस्त्व मनया गजसाह्वया। लक्ष्मणेन समुत्पाट्य यैषा कण्ठे कृता तव4.14.8।।

kṛtābhijñānacihnastva manayā gajasāhvayā| lakṣmaṇena samutpāṭya yaiṣā kaṇṭhe kṛtā tava4.14.8||

'Lakshmana has uprooted a creeper of gaja, and fastened it on your neck by which you can be easily identified.

शोभसेऽह्यधिकं वीर लतया कण्ठसक्तया। विपरीत इवाकाशे सूर्यो नक्षत्रमालया4.14.9।।

śobhase'hyadhikaṃ vīra latayā kaṇṭhasaktayā| viparīta ivākāśe sūryo nakṣatramālayā4.14.9||

'O hero, you are shining with the creeper fastened to your neck , just as the fullmoon adorned with a cluster of stars shines in the sky.

अद्य वालिसमुत्थं ते भयं वैरं च वानर। एकेनाहं प्रमोक्ष्यामि बाणमोक्षेण संयुगे4.14.10।।

adya vālisamutthaṃ te bhayaṃ vairaṃ ca vānara| ekenāhaṃ pramokṣyāmi bāṇamokṣeṇa saṃyuge4.14.10||

'O monkey, with the release of a single arrow in the combat, I shall dispel your fear and enmity (hatred) for Vali.

मम दर्शय सुग्रीव वैरिणं भ्रातृरूपिणम्। वाली विनिहतो यावद्वने पांसुषु वेष्टते4.14.11।।

mama darśaya sugrīva vairiṇaṃ bhrātṛrūpiṇam| vālī vinihato yāvadvane pāṃsuṣu veṣṭate4.14.11||

'O Sugriva show me your enemy,who is in the guise of your brother.He will be killed. He will roll down in the dust of the forest.

यदि दृष्टिपथं प्राप्तो जीवन्स विनिवर्तते। ततो दोषेण मा गच्छेत्सद्यो गर्हेच्च मा भवान्4.14.12।।

yadi dṛṣṭipathaṃ prāpto jīvansa vinivartate| tato doṣeṇa mā gacchetsadyo garhecca mā bhavān4.14.12||

'If Vali appears before me I will not let him go with life.Then you will not blame me and find fault with me.

प्रत्यक्षं सप्त ते साला मया बाणेन दारिताः। तेनावेहि बलेनाद्य वालिनं निहतं मया4.14.13।।

pratyakṣaṃ sapta te sālā mayā bāṇena dāritāḥ| tenāvehi balenādya vālinaṃ nihataṃ mayā4.14.13||

'You have seen how I have pierced through seven sala trees with a single arrow. You will know how with the same strength I will kill Vali.'

अनृतं नोक्तपूर्वं मे वीर कृच्छ्रेऽपि तिष्टता। धर्मलोभपरीतेन न च वक्ष्ये कथञ्चन4.14.14।।

anṛtaṃ noktapūrvaṃ me vīra kṛcchre'pi tiṣṭatā| dharmalobhaparītena na ca vakṣye kathañcana4.14.14||

'O Sugriva, I have uttered no falsehood before for fear of deviation from righteousness although I was in distress, nor shall I utter any falsehood in any circumstances hereafter.

सफलां च करिष्यामि प्रतिज्ञां जहि सम्भ्रमम्। प्रसूतं कलमं क्षेत्रे वर्षेणेव शतक्रतुः4.14.15।।

saphalāṃ ca kariṣyāmi pratijñāṃ jahi sambhramam| prasūtaṃ kalamaṃ kṣetre varṣeṇeva śatakratuḥ4.14.15||

'I shall fulfil my promise just as Indra (who performed a hundred sacrifices) helps production in the cornfield through timely rain. Give up your apprehension.

तदाह्वाननिमित्तं त्वं वालिनो हेममालिनः। सुग्रीव कुरु तं शब्दं निष्पतेद्येन वानरः4.14.16।।

tadāhvānanimittaṃ tvaṃ vālino hemamālinaḥ| sugrīva kuru taṃ śabdaṃ niṣpatedyena vānaraḥ4.14.16||

'O Sugriva give a warcry so that Vali adorned with a golden garland will come out.

जितकाशी बलश्लाघी त्वया चाधर्षितः पुरा। निष्पतिष्यत्यसङ्गेन वाली स प्रियसंयुगः4.14.17।।

jitakāśī balaślāghī tvayā cādharṣitaḥ purā| niṣpatiṣyatyasaṅgena vālī sa priyasaṃyugaḥ4.14.17||

'Vali, who is proud of his valour, is strong, fearless and fond of combat, will rush out of the city in response to your challenge.

रिपूणां धर्षिण शूरा मर्षयन्ति न संयुगे। जानन्तस्तु स्वकं वीर्यं स्त्रीसमक्षं विशेषतः4.14.18।।

ripūṇāṃ dharṣiṇa śūrā marṣayanti na saṃyuge| jānantastu svakaṃ vīryaṃ strīsamakṣaṃ viśeṣataḥ4.14.18||

'Proud of their own prowess, heroes will not brook the challenge of foes in battle, specially in the presence of women.'

स तु रामवचश्श्रुत्वा सुग्रीवो हेमपिङ्गलः। ननर्द क्रूरनादेन विनिर्भिन्दन्निवाम्बरम्4.14.19।।

sa tu rāmavacaśśrutvā sugrīvo hemapiṅgalaḥ| nanarda krūranādena vinirbhindannivāmbaram4.14.19||

On hearing Rama's words, the goldenhued Sugriva roared in a fierce voice as if it would piece the sky.

तस्य शब्देन वित्रस्ता गावो यान्ति हतप्रभाः। राजदोषपरामृष्टाः कुलस्त्रिय इवाकुलाः4.14.20।।

tasya śabdena vitrastā gāvo yānti hataprabhāḥ| rājadoṣaparāmṛṣṭāḥ kulastriya ivākulāḥ4.14.20||

Alarmed at the yelling of Sugriva, the cows began to run in all directions, like the women of noble pedigree who, with their brightness lost, run perplexed for failure of the king to protect their chastity.

द्रवन्ति च मृगाश्शीघ्रं भग्ना इव रणे हयाः। पतन्ति च खगा भूमौ क्षीणपुण्या इव ग्रहाः4.14.21।।

dravanti ca mṛgāśśīghraṃ bhagnā iva raṇe hayāḥ| patanti ca khagā bhūmau kṣīṇapuṇyā iva grahāḥ4.14.21||

The deer were unable to run like wounded horses in a battle. Birds fell down on the ground like planets fall when their merit is exhausted.

ततस्सजीमूतगणप्रणादो नादं ह्यमुञ्चत्त्वरया प्रतीतः। सूर्यात्मजश्शौर्यविवृद्धतेजाः सरित्पतिर्वाऽनिलचञ्चलोर्मिः4.14.22।।

tatassajīmūtagaṇapraṇādo nādaṃ hyamuñcattvarayā pratītaḥ| sūryātmajaśśauryavivṛddhatejāḥ saritpatirvā'nilacañcalormiḥ4.14.22||

Then Sugriva, son of the Sungod, with his lustre enhanced by his valour moved swiftly. His roar resembled the rumbling of a cluster of thundering clouds. He gave a warcry the tone of which resembled the sounds of waves lashed by high velocity winds in the sea. इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे चतुर्दशस्सर्गः।। Thus ends the fourteenth sarga of Kishkindakanda of the holy Ramayana, the first epic composed by sage Valmiki.