Yuddha Kanda, Sarga 1

श्रुत्वा हनुमतो वाक्यं यथावदभिभाषितम् । रामः प्रीतिसमायुक्तो वाक्यमुत्तरमब्रवीत् ।।6.1.1।।

śrutvā hanumato vākyaṃ yathāvadabhibhāṣitam | rāmaḥ prītisamāyukto vākyamuttaramabravīt

Having heard Hanuman's words, full of love, Rama replied.

कृतं हनुमता कार्यं सुमहद्भुवि दुर्लभम् । मनसापि यदन्येन न शक्यं धरणीतले ।।6.1.2।।

kṛtaṃ hanumatā kāryaṃ sumahadbhuvi durlabham | manasāpi yadanyena na śakyaṃ dharaṇītale

"Hanuman You have performed a mighty task indeed, which is difficult even to think of in this world and not possible for any one else on this earth."

न हि तं परिपश्यामि यस्तरेत महार्णवम् । अन्यत्र गरुडाद्वायोरन्यत्र च हनूमतः ।।6.1.3।।

na hi taṃ paripaśyāmi yastareta mahārṇavam | anyatra garuḍādvāyoranyatra ca hanūmataḥ

"None else than Garuda or Vayu have I seen to have crossed this great ocean crossed by you, Hanuman."

देवदानवयक्षाणां गन्धर्वोरगरक्षसाम् । अप्रधृष्यां पुरीं लङ्कां रावणेन सुरक्षिताम् । प्रवष्ट स्सत्त्वमाश्रित्यश्वसन्को नाम निष्क्रमेत् ।।6.1.4।।

devadānavayakṣāṇāṃ gandharvoragarakṣasām | apradhṛṣyāṃ purīṃ laṅkāṃ rāvaṇena surakṣitām | pravaṣṭa ssattvamāśrityaśvasanko nāma niṣkramet

"Indeed, who has the strength to return alive after entering that city highly protected by Ravana. It is unimaginable even for devas, danavas, yakshas, gandharvas, uragas and rakshasas to cross."

को विशेत्सुदुराधर्षां राक्षसैश्च सुरक्षिताम् । यो वीर्यबलसम्पन्नो न समस्याद्धनूमतः ।।6.1.5।।

ko viśetsudurādharṣāṃ rākṣasaiśca surakṣitām | yo vīryabalasampanno na samasyāddhanūmataḥ

"Except for Hanuman, who is abounding in valour and strength, it is not possible for others to enter the inaccessible Lanka highly protected by rakshasas."

भृत्यकार्यं हनुमता सुग्रीवस्य कृतंमहत् । स्वयं विधाय स्वबलं सदृशं विक्रमस्य च ।।6.1.6।।

bhṛtyakāryaṃ hanumatā sugrīvasya kṛtaṃmahat | svayaṃ vidhāya svabalaṃ sadṛśaṃ vikramasya ca

"Hanuman, with his mighty form and valour not only carried out a great task assigned by Sugriva but also what had to be done as duty."

यो हि भृत्यो नियुक्तस्सन्भर्त्रा कर्मणि दुष्करे । कुर्यात्तदनुरागेण तमाहुः पुरुषोत्तमम् ।।6.1.7।।

yo hi bhṛtyo niyuktassanbhartrā karmaṇi duṣkare | kuryāttadanurāgeṇa tamāhuḥ puruṣottamam

"He, who carries out a formidable task entrusted to him by the master, with love is said to be the best among men."

नियुक्तोय: परं कार्यं न कुर्यान्नृपतेः प्रियम् । भृत्योऽभृत्यस्समर्थोऽपि तमाहुर्मध्यमं नरम् ।।6.1.8।।

niyuktoya: paraṃ kāryaṃ na kuryānnṛpateḥ priyam | bhṛtyo'bhṛtyassamartho'pi tamāhurmadhyamaṃ naram

An efficient servant does not only do what is asked but also does the work dear to the king. One who does not do so is said to be mediocre.

नियुक्तो नृपतेः कार्यं न कुर्याद्यस्समाहितः । भृत्यो युक्तस्समर्थश्च तमाहुः पुरुषाधमम् ।।6.1.9।।

niyukto nṛpateḥ kāryaṃ na kuryādyassamāhitaḥ | bhṛtyo yuktassamarthaśca tamāhuḥ puruṣādhamam

"If one who is capable and efficient has been entrusted with a task by a king and fails to do the work agreed to, is said to be a lowly person."

तन्नियोगे नियुक्तेन कृतं कृत्यं हनूमता । न चात्मा लघुतां नीतस्सुग्रीवश्चापि तोषितः ।।6.1.10।।

tanniyoge niyuktena kṛtaṃ kṛtyaṃ hanūmatā | na cātmā laghutāṃ nītassugrīvaścāpi toṣitaḥ

"Having done the task assigned to him, Hanuman carried out what had to be done and accomplished without difficulty. This made Sugriva also happy."

अहं च रघुवंशश्च लक्ष्मणश्च महाबलः । वैदेह्या दर्शनेनाद्य धर्मतः परिरक्षिताः ।।6.1.11।।

ahaṃ ca raghuvaṃśaśca lakṣmaṇaśca mahābalaḥ | vaidehyā darśanenādya dharmataḥ parirakṣitāḥ

"On Hanuman finding Vaidehi, I and, mighty Lakshmana and the whole of Raghu dynasty are now rightfully protected."

इदं तु मम दीनस्य मनो भूयः प्रकर्षति । यदिहास्य प्रियाख्यातुर्न कुर्मि सदृशं प्रियम् ।।6.1.12।।

idaṃ tu mama dīnasya mano bhūyaḥ prakarṣati | yadihāsya priyākhyāturna kurmi sadṛśaṃ priyam

"On the other hand, it is a pity that I am not able to please such a person who has spoken pleasing words. Further this causes grief to me."

एष सर्वस्वभूते परिष्वङ्गो हनूमतः । मया कालमिमं प्राप्य दत्तस्तस्य महात्मनः ।।6.1.13।।

eṣa sarvasvabhūte pariṣvaṅgo hanūmataḥ | mayā kālamimaṃ prāpya dattastasya mahātmanaḥ

"To such a great one who attained success at this time, everything can be given. I give my embrace."

इत्युक्त्वा प्रीतिहृष्टाङ्गो रामस्तं परिषस्वजे । हनूमन्तं कृतात्मानं कृतकार्यमुपागतम् ।।6.1.14।।

ityuktvā prītihṛṣṭāṅgo rāmastaṃ pariṣasvaje | hanūmantaṃ kṛtātmānaṃ kṛtakāryamupāgatam

Having said so, Rama experienced the joy of love all over his body and embraced Hanuman who returned successful.

ध्यात्वा पुनरुवाचेदं वचनं रघुनन्दनः । हरीणामीश्वरस्यापि सुग्रीवस्योपशृण्वतः ।।6.1.15।।

dhyātvā punaruvācedaṃ vacanaṃ raghunandanaḥ | harīṇāmīśvarasyāpi sugrīvasyopaśṛṇvataḥ

Rama, the delight of Raghu dynasty thought over and said while Sugriva, the lord of monkeys was still listening.

सर्वथा सुकृतं तावत्सीतायाः परिमार्गणम् । सागरं तु समासाद्य पुनर्नष्टं मनो मम ।।6.1.16।।

sarvathā sukṛtaṃ tāvatsītāyāḥ parimārgaṇam | sāgaraṃ tu samāsādya punarnaṣṭaṃ mano mama

"By all means good work was done in searching for Sita. On the contrary, having succeeded, my mind is once again agitated when I think of (crossing) the ocean."

कथं नाम समुद्रस्य दुष्पारस्य महाम्भसः । हरयो दक्षिणं पारं गमिष्यन्ति समागताः ।।6.1.17।।

kathaṃ nāma samudrasya duṣpārasya mahāmbhasaḥ | harayo dakṣiṇaṃ pāraṃ gamiṣyanti samāgatāḥ

"How will all the monkeys together be able to cross to the southern shore of the vast ocean? It is difficult to cross."

यद्यप्येष तु वृत्तान्तो वैदेह्या गदितो मम । समुद्रपारगमने हरीणां किमिहोत्तरम् ।।6.1.18।।

yadyapyeṣa tu vṛttānto vaidehyā gadito mama | samudrapāragamane harīṇāṃ kimihottaram

"This has been told to me by Vaidehi. How will the monkeys cross the ocean(enquired Vaidehi)."

इत्युक्तवा शोकसम्भ्रान्तो राम श्शत्रुनिबर्हणः । हनूमन्तं महाबाहुस्ततो ध्यानमुपागमत् ।।6.1.19।।

ityuktavā śokasambhrānto rāma śśatrunibarhaṇaḥ | hanūmantaṃ mahābāhustato dhyānamupāgamat

Agitated with sorrow, mighty armed Rama, the destroyer of enemies approached Hanuman and reflected (about the crossing of the ocean). इत्यार्षे श्रीमद्रामायणे वाल्मीकीये आदिकाव्ये युद्धकाण्डे प्रथमस्सर्गः This is the end of the first Sarga of Yuddha Kanda of the first epic the holy Ramayana composed by sage Valmiki.