Uttara Kanda, Sarga 29

ततस्तमसि सञ्जाते सर्वे ते देवराक्षसाः । अयुद्ध्यन्त बलोन्मत्ताः सूदयन्तः परस्परम् ।। 7.29.1 ।।

tatastamasi sañjāte sarve te devarākṣasāḥ | ayuddhyanta balonmattāḥ sūdayantaḥ parasparam || 7.29.1 ||

Then, with the darkness having arisen, all those gods and demons, intoxicated with their strength, fought, slaying each other.

ततस्तु देवसैन्येन राक्षसानां बृहद्बलम् । दशांशं स्थापितं युद्धे शेषं नीतं यमक्षयम् ।। 7.29.2 ।।

tatastu devasainyena rākṣasānāṃ bṛhadbalam | daśāṃśaṃ sthāpitaṃ yuddhe śeṣaṃ nītaṃ yamakṣayam || 7.29.2 ||

Then, by the army of gods, only one-tenth of the great Rākṣasa army remained in the battle, while the rest were sent to the abode of Yama.

तस्मिंस्तु तामसे युद्धे सर्वे ते देवराक्षसाः । अन्योन्यं नाभ्यजानन्त युध्यमानाः परस्परम् ।। 7.29.3 ।।

tasmiṃstu tāmase yuddhe sarve te devarākṣasāḥ | anyonyaṃ nābhyajānanta yudhyamānāḥ parasparam || 7.29.3 ||

In that dark and chaotic battle, all those gods and Rākṣasas, fighting each other, could not recognize one another.

इन्द्रश्च रावणश्चैव रावणिश्च महाबलः । तस्मिंस्तमोजालवृते मोहमीयुर्न ते त्रयः ।। 7.29.4 ।।

indraśca rāvaṇaścaiva rāvaṇiśca mahābalaḥ | tasmiṃstamojālavṛte mohamīyurna te trayaḥ || 7.29.4 ||

However, Indra, Rāvaṇa, and the mighty Indrajit, these three, did not fall into delusion in that battle enveloped by a net of darkness.

स तु दृष्ट्वा बलं सर्वं रावणो निहतं क्षणात् । क्रोधमभ्यगमत्तीव्रं महानादं च मुक्तवान् ।। 7.29.5 ।।

sa tu dṛṣṭvā balaṃ sarvaṃ rāvaṇo nihataṃ kṣaṇāt | krodhamabhyagamattīvraṃ mahānādaṃ ca muktavān || 7.29.5 ||

Seeing his entire army destroyed in an instant, Rāvaṇa indeed became intensely angry and let out a great roar.

क्रोधात्सूतं च दुर्धर्षः स्यन्दनस्थमुवाच ह । परसैन्यस्य मध्येन यावदन्तो नयस्व माम् ।। 7.29.6 ।।

krodhātsūtaṃ ca durdharṣaḥ syandanasthamuvāca ha | parasainyasya madhyena yāvadanto nayasva mām || 7.29.6 ||

In his anger, the formidable Rāvaṇa spoke to his charioteer, who was in the chariot, instructing him to drive him through the middle of the enemy's army until its complete destruction.

अद्यैतान् त्रिदशान्सर्वान्विक्रमैः समरे स्वयम् । नानाशस्त्रैर्महाघोरैर्नयामि यमसादनम् ।। 7.29.7 ।।

adyaitān tridaśānsarvānvikramaiḥ samare svayam | nānāśastrairmahāghorairnayāmi yamasādanam || 7.29.7 ||

Today, I myself shall lead all these gods to the abode of Yama, in battle, with my valor and very terrible, various weapons.

अहमिन्द्रं वधिष्यामि धनदं वरुणं यमम् । त्रिदशान्विनिहत्याथ स्वयं स्थास्याम्यथोपरि । विषादो न च कर्तव्यः शीघ्रं वाहय मे रथम् ।। 7.29.8 ।।

ahamindraṃ vadhiṣyāmi dhanadaṃ varuṇaṃ yamam | tridaśānvinihatyātha svayaṃ sthāsyāmyathopari | viṣādo na ca kartavyaḥ śīghraṃ vāhaya me ratham || 7.29.8 ||

I shall kill Indra, Kubera, Varuna, and Yama, and having completely slain all the gods, I myself shall then stand supreme; therefore, do not despair, but quickly drive my chariot.

द्विः खलु त्वां ब्रवीम्यद्य यावदन्तो नयस्व माम् ।। 7.29.9 ।।

dviḥ khalu tvāṃ bravīmyadya yāvadanto nayasva mām || 7.29.9 ||

Indeed, I tell you twice today, take me to the very end (of the journey).

अयं स नन्दनोद्देशो यत्र वर्तामहे वयम् । नय मामद्य तत्र त्वमुदयो यत्र पर्वतः ।। 7.29.10 ।।

ayaṃ sa nandanoddeśo yatra vartāmahe vayam | naya māmadya tatra tvamudayo yatra parvataḥ || 7.29.10 ||

This is that region of Nandana where we are now; today, you take me to that place where the Udaya mountain is.

तस्य तद्वचनं श्रुत्वा तुरगान्स मनोजवान् । आदिदेशाथ शत्रणां मध्येनैव च सारथिः ।। 7.29.11 ।।

tasya tadvacanaṃ śrutvā turagānsa manojavān | ādideśātha śatraṇāṃ madhyenaiva ca sārathiḥ || 7.29.11 ||

Having heard his command, the charioteer then commanded the horses, swift as thought, to proceed directly through the midst of the enemies.

तस्य तं निश्चयं ज्ञात्वा शक्रो देवेश्वरस्तदा । रथस्थः समरस्थस्तान्देवान्वाक्यमथाब्रवीत् ।। 7.29.12 ।।

tasya taṃ niścayaṃ jñātvā śakro deveśvarastadā | rathasthaḥ samarasthastāndevānvākyamathābravīt || 7.29.12 ||

Then, Indra, the lord of gods, having understood his (Ravana's) determination, spoke these words to the gods who were also present in the battlefield, while he stood in his chariot.

सुराः शृणुत मद्वाक्यं यत्तावन्मम रोचते । जीवन्नेव दशग्रीवः साधु रक्षो निगृह्यताम् ।। 7.29.13 ।।

surāḥ śṛṇuta madvākyaṃ yattāvanmama rocate | jīvanneva daśagrīvaḥ sādhu rakṣo nigṛhyatām || 7.29.13 ||

O gods, listen to my words, which seem good to me: this demon Dashagriva should be captured alive.

एष ह्यतिबलः सैन्यै रथेन पवनौजसा । गमिष्यति प्रवृद्धोर्मिः समुद्र इव पर्वणि ।। 7.29.14 ।।

eṣa hyatibalaḥ sainyai rathena pavanaujasā | gamiṣyati pravṛddhormiḥ samudra iva parvaṇi || 7.29.14 ||

This Ravana, indeed very powerful with his armies and his wind-swift chariot, will advance like an ocean with surging waves on a full moon day.

नह्येष हन्तुं शक्यो ऽद्य वरदानात्सुनिर्भयः । तद्ग्रहीष्यामहे रक्षो यत्ता भवत संयुगे ।। 7.29.15 ।।

nahyeṣa hantuṃ śakyo 'dya varadānātsunirbhayaḥ | tadgrahīṣyāmahe rakṣo yattā bhavata saṃyuge || 7.29.15 ||

Indeed, it is not possible to kill him today because he is very fearless due to the boon, therefore, let us capture this demon, and be prepared in battle.

यथा बलौ निरुद्धे च त्रैलोक्यं भुज्यते मया । एवमेतस्य पापस्य निरोधो मम रोचते ।। 7.29.16 ।।

yathā balau niruddhe ca trailokyaṃ bhujyate mayā | evametasya pāpasya nirodho mama rocate || 7.29.16 ||

Just as the three worlds are enjoyed by me after Bali was restrained, similarly, the restraint of this wicked one is pleasing to me.

ततो ऽन्यं देशमास्थाय शक्रः सन्त्यज्य रावणम् । अयुध्यत महाराज राक्षसांस्त्रासयन्रणे ।। 7.29.17 ।।

tato 'nyaṃ deśamāsthāya śakraḥ santyajya rāvaṇam | ayudhyata mahārāja rākṣasāṃstrāsayanraṇe || 7.29.17 ||

Then, O great king, Indra, leaving Ravana, took up another position and fought, terrifying the Rakshasas in battle.

उत्तरेण दशग्रीवः प्रविवेशानिवर्तकः । दक्षिणेन तु पार्श्वेन प्रविवेश शतक्रतुः ।। 7.29.18 ।।

uttareṇa daśagrīvaḥ praviveśānivartakaḥ | dakṣiṇena tu pārśvena praviveśa śatakratuḥ || 7.29.18 ||

Dashagriva entered from the northern side without retreating, while Shatakratu entered from the southern side.

ततः स योजनशतं प्रविष्टो राक्षसाधिपः । देवतानां बलं सर्वं शरवर्षैरवाकिरत् ।। 7.29.19 ।।

tataḥ sa yojanaśataṃ praviṣṭo rākṣasādhipaḥ | devatānāṃ balaṃ sarvaṃ śaravarṣairavākirat || 7.29.19 ||

Then, having advanced a hundred yojanas, the lord of Rakshasas covered the entire army of the gods with showers of arrows.

ततः शक्रो निरीक्ष्याथ प्रनष्टं तु स्वकं बलम् । न्यवर्तयदसम्भ्रान्तः समावृत्य दशाननम् ।। 7.29.20 ।।

tataḥ śakro nirīkṣyātha pranaṣṭaṃ tu svakaṃ balam | nyavartayadasambhrāntaḥ samāvṛtya daśānanam || 7.29.20 ||

Then, seeing his own army routed, Indra, unperturbed, turned back to face Dashanana.

एतस्मिन्नन्तरे नादो मुक्तो दानवराक्षसैः । हा हताः स्म इति ग्रस्तं दृष्ट्वा शक्रेण रावणम् ।। 7.29.21 ।।

etasminnantare nādo mukto dānavarākṣasaiḥ | hā hatāḥ sma iti grastaṃ dṛṣṭvā śakreṇa rāvaṇam || 7.29.21 ||

In the meantime, the Danavas and Rakshasas, seeing Ravana seized by Indra, let out a cry of "Alas, we are indeed killed!"

ततो रथं समास्थाय रावणिः क्रोधमूर्च्छितः । तत्सैन्यमतिसङ्क्रुद्धः प्रविवेश सुदारुणम् ।। 7.29.22 ।।

tato rathaṃ samāsthāya rāvaṇiḥ krodhamūrcchitaḥ | tatsainyamatisaṅkruddhaḥ praviveśa sudāruṇam || 7.29.22 ||

Then, Indrajit, consumed by extreme rage, mounted his chariot and furiously entered that formidable army.

तां प्रविश्य महामायां प्राप्तां गोपतिना पुरा । प्रविवेश सुसंरब्धस्तत्सैन्यं समभिद्रवत् ।। 7.29.23 ।।

tāṃ praviśya mahāmāyāṃ prāptāṃ gopatinā purā | praviveśa susaṃrabdhastatsainyaṃ samabhidravat || 7.29.23 ||

Having entered that great illusion, which was formerly obtained by Indra, Indrajit, greatly agitated, entered and attacked that army.

स सर्वा देवतास्त्यक्त्वा शक्रमेवाभ्यधावत । महेन्द्रश्च महातेजा नापश्यच्च सुतं रिपोः ।। 7.29.24 ।।

sa sarvā devatāstyaktvā śakramevābhyadhāvata | mahendraśca mahātejā nāpaśyacca sutaṃ ripoḥ || 7.29.24 ||

Indrajit, disregarding all other gods, rushed only towards Indra, but the greatly effulgent Mahendra could not see the enemy's son.

विमुक्तकवचस्तत्र वध्यमानो ऽपि रावणिः । त्रिदशैः सुमहावीर्यैर्न चकार च किञ्चन ।। 7.29.25 ।।

vimuktakavacastatra vadhyamāno 'pi rāvaṇiḥ | tridaśaiḥ sumahāvīryairna cakāra ca kiñcana || 7.29.25 ||

Even though Indrajit was without armor and being struck there by the exceedingly valiant gods, he did not suffer any harm.

स मातलिं समायान्तं ताडयित्वा शरोत्तमैः । महेन्द्रं बाणवर्षेण भूय एवाभ्यवाकिरत् ।। 7.29.26 ।।

sa mātaliṃ samāyāntaṃ tāḍayitvā śarottamaiḥ | mahendraṃ bāṇavarṣeṇa bhūya evābhyavākirat || 7.29.26 ||

Having struck Matali, who was approaching, with excellent arrows, Indrajit then again showered Mahendra with a volley of arrows.

ततस्त्यक्त्वा रथं शक्रो विससर्ज च सारथिम् । ऐरावतं समारुह्य मृगयामास रावणिम् ।। 7.29.27 ।।

tatastyaktvā rathaṃ śakro visasarja ca sārathim | airāvataṃ samāruhya mṛgayāmāsa rāvaṇim || 7.29.27 ||

Then, Indra abandoned his chariot and dismissed his charioteer, and having mounted Airavata, he searched for Ravana's son.

स तत्र मायाबलवानदृश्यो ऽथान्तरिक्षगः । इन्द्रं मायापरिक्षिप्तं कृत्वा स प्राद्रवच्छरैः ।। 7.29.28 ।।

sa tatra māyābalavānadṛśyo 'thāntarikṣagaḥ | indraṃ māyāparikṣiptaṃ kṛtvā sa prādravaccharaiḥ || 7.29.28 ||

There, Indrajit, powerful with illusion and invisible, moving in the sky, enveloped Indra in illusion and then attacked him with arrows.

स तं यदा परिश्रान्तमिन्द्रं जज्ञे ऽथ रावणिः । तदैनं मायया बद्ध्वा स्वसैन्यमभितो ऽनयत् ।। 7.29.29 ।।

sa taṃ yadā pariśrāntamindraṃ jajñe 'tha rāvaṇiḥ | tadainaṃ māyayā baddhvā svasainyamabhito 'nayat || 7.29.29 ||

When Ravana's son knew Indra to be exhausted, he then bound him with illusion and led him around his own army.

तं तु दृष्ट्वा बलात्तेन नीयमानं महारणात् । महेन्द्रममराः सर्वे किं नु स्यादित्यचिन्तयन् ।। 7.29.30 ।।

taṃ tu dṛṣṭvā balāttena nīyamānaṃ mahāraṇāt | mahendramamarāḥ sarve kiṃ nu syādityacintayan || 7.29.30 ||

Having seen the great Indra being led away by force from the great battle by him, all the gods wondered what would happen next.

दृश्यते न स मायावी शक्रजित्समितिञ्जयः । विद्यावानपि येनेन्द्रो मायया नीयते बलात् ।। 7.29.31 ।।

dṛśyate na sa māyāvī śakrajitsamitiñjayaḥ | vidyāvānapi yenendro māyayā nīyate balāt || 7.29.31 ||

The illusionist Indrajit, the conqueror in battle, is not seen, by whom even the knowledgeable Indra is being led away by force through illusion.

एतस्मिन्नन्तरे क्रुद्धाः सर्वे सुरगणास्तदा । रावणं विमुखीकृत्य शरवर्षैरवाकिरन् ।। 7.29.32 ।।

etasminnantare kruddhāḥ sarve suragaṇāstadā | rāvaṇaṃ vimukhīkṛtya śaravarṣairavākiran || 7.29.32 ||

At that moment, all the enraged hosts of gods, having defeated Ravana, showered him with torrents of arrows.

रावणस्तु समासाद्य आदित्यांश्च वसूंस्तदा । न शशाक स सङ्ग्रामे योद्धुं शत्रुभिरर्दितः ।। 7.29.33 ।।

rāvaṇastu samāsādya ādityāṃśca vasūṃstadā | na śaśāka sa saṅgrāme yoddhuṃ śatrubhirarditaḥ || 7.29.33 ||

But Ravana, having encountered the Adityas and Vasus, was then unable to fight in battle, being tormented by his enemies.

स तं दृष्ट्वा परिम्लानं प्रहारैर्जर्जरीकृतम् । रावणिः पितरं युद्धे दर्शनस्थो ऽब्रवीदिदम् ।। 7.29.34 ।।

sa taṃ dṛṣṭvā parimlānaṃ prahārairjarjarīkṛtam | rāvaṇiḥ pitaraṃ yuddhe darśanastho 'bravīdidam || 7.29.34 ||

Seeing his father greatly exhausted and shattered by the blows in battle, Indrajit, standing visible, spoke these words to him.

आगच्छ तात गच्छामो रणकर्म निवर्तताम् । जितं नो विदितं ते ऽस्तु स्वस्थो भव गतज्वरः ।। 7.29.35 ।।

āgaccha tāta gacchāmo raṇakarma nivartatām | jitaṃ no viditaṃ te 'stu svastho bhava gatajvaraḥ || 7.29.35 ||

"Come, father, let us go; let this fighting cease, for our victory is known to you; be well and free from distress."

अयं हि सुरसैन्यस्य त्रैलोक्यस्य च यः प्रभुः । स गृहीतो दैवबलाद्भग्नदर्पाः सुराः कृताः ।। 7.29.36 ।।

ayaṃ hi surasainyasya trailokyasya ca yaḥ prabhuḥ | sa gṛhīto daivabalādbhagnadarpāḥ surāḥ kṛtāḥ || 7.29.36 ||

"Indeed, this one who is the lord of the army of gods and of the three worlds has been captured by divine power, and thus the gods have been rendered with broken pride."

यथेष्टं भुङ्क्ष्व लोकांस्त्रीन्निगृह्यारातिमोजसा । वृथा किं ते श्रमेणेह युद्धमद्य तु निष्फलम् ।। 7.29.37 ।।

yatheṣṭaṃ bhuṅkṣva lokāṃstrīnnigṛhyārātimojasā | vṛthā kiṃ te śrameṇeha yuddhamadya tu niṣphalam || 7.29.37 ||

Enjoy the three worlds to your heart's content, having subdued the enemy with your might; why exert yourself in vain here, for today's battle is indeed fruitless.

ततस्ते दैवतगणा निवृत्ता रणकर्मणः । तच्छ्रुत्वा रावणेर्वाक्यं स्वस्थचेताः बभूव ह ।। 7.29.38 ।।

tataste daivatagaṇā nivṛttā raṇakarmaṇaḥ | tacchrutvā rāvaṇervākyaṃ svasthacetāḥ babhūva ha || 7.29.38 ||

Then, having heard that speech of Indrajit, those hosts of gods ceased from the act of battle and indeed became composed.

अथ स रणविगतज्वरः प्रभुर्विजयमवाप्य निशाचराधिपः । स्वभवनमभितो जगाम हृष्टः स्वसुतमवाप्य च वाक्यमब्रवीत् ।। 7.29.39 ।।

atha sa raṇavigatajvaraḥ prabhurvijayamavāpya niśācarādhipaḥ | svabhavanamabhito jagāma hṛṣṭaḥ svasutamavāpya ca vākyamabravīt || 7.29.39 ||

Then, Ravana, the lord of night-wanderers, having obtained victory and being free from the fever of battle, went joyfully towards his own palace and, having met his son, spoke these words.

अतिबलसदृशैः पराक्रमैस्तैर्मम कुलमानविवर्धनं कृतम् । यदयमतुल्यबलस्त्वयाद्य वै त्रिदशपतिस्त्रिदशाश्च निर्जिताः ।। 7.29.40 ।।

atibalasadṛśaiḥ parākramaistairmama kulamānavivardhanaṃ kṛtam | yadayamatulyabalastvayādya vai tridaśapatistridaśāśca nirjitāḥ || 7.29.40 ||

By those exceedingly mighty valorous deeds, my family's honor has been greatly enhanced, for today, this Indra of incomparable strength and the other gods have indeed been conquered by you.

नय रथमधिरोप्य वासवं नगरमितो व्रज सेनया वृतस्त्वम् । अहमपि तव गच्छतो द्रुतं सह सचिवैरनुयामि पृष्ठतः ।। 7.29.41 ।।

naya rathamadhiropya vāsavaṃ nagaramito vraja senayā vṛtastvam | ahamapi tava gacchato drutaṃ saha sacivairanuyāmi pṛṣṭhataḥ || 7.29.41 ||

Take Vasava (Indra), place him on the chariot, and you, surrounded by the army, go from here to the city; I also, with my ministers, will quickly follow behind you as you go.

अथ स बलवृतः सवाहनस्त्रिदशपतिं परिगृह्य रावणिः । स्वभवनमभिगम्य वीर्यवान्कृतसमरान्विससर्ज राक्षसान् ।। 7.29.42 ।।

atha sa balavṛtaḥ savāhanastridaśapatiṃ parigṛhya rāvaṇiḥ | svabhavanamabhigamya vīryavānkṛtasamarānvisasarja rākṣasān || 7.29.42 ||

Then, the valiant son of Ravana, Indrajit, having captured the lord of the gods along with his vehicles and surrounded by his army, returned to his own abode and dismissed the Rakshasas who had fought the battle.