Uttara Kanda, Sarga 101

श्रुत्वा सेनापतिं प्राप्तं भरतं केकयाधिपः । युधाजिद्गार्ग्यसहितं परां प्रीतिमुपागमत् ।। 7.101.1 ।।

śrutvā senāpatiṃ prāptaṃ bharataṃ kekayādhipaḥ | yudhājidgārgyasahitaṃ parāṃ prītimupāgamat || 7.101.1 ||

Having heard that Commander Bharata had arrived, the King of Kekaya, accompanied by Yudhajit and Gargya, attained great joy.

स निर्ययौ जनौघेन महता केकयाधिपः । त्वरमाणो ऽभिचक्राम गन्धर्वान्कामरूपिणः ।। 7.101.2 ।।

sa niryayau janaughena mahatā kekayādhipaḥ | tvaramāṇo 'bhicakrāma gandharvānkāmarūpiṇaḥ || 7.101.2 ||

The King of Kekaya went out with a great multitude of people, hurrying to approach the Gandharvas who could change their form at will.

भरतश्च युधाजिच्च समेतौ लघुविक्रमैः । गन्धर्वनगरं प्राप्तौ सबलौ सपदानुगौ ।। 7.101.3 ।।

bharataśca yudhājicca sametau laghuvikramaiḥ | gandharvanagaraṃ prāptau sabalau sapadānugau || 7.101.3 ||

Bharata and Yudhajit, accompanied by swift warriors, arrived together at the city of the Gandharvas with their army and followers.

श्रुत्वा तु भरतं प्राप्तं गन्धर्वास्ते समागताः । योद्धुकामा महावीर्या व्यनदन् वै समन्ततः ।। 7.101.4 ।।

śrutvā tu bharataṃ prāptaṃ gandharvāste samāgatāḥ | yoddhukāmā mahāvīryā vyanadan vai samantataḥ || 7.101.4 ||

Having heard of Bharata's arrival, those mighty Gandharvas, eager to fight, assembled and roared from all directions.

ततः समभवद्युद्धं तुमुलं रोमहर्षणम् । सप्तरात्रं महाभीमं न चान्यतरयोर्जयः ।। 7.101.5 ।।

tataḥ samabhavadyuddhaṃ tumulaṃ romaharṣaṇam | saptarātraṃ mahābhīmaṃ na cānyatarayorjayaḥ || 7.101.5 ||

Then, a tumultuous, hair-raising, and exceedingly dreadful battle ensued for seven nights, with neither side achieving victory.

खड्गशक्तिधनुर्ग्राहा नद्यः शोणितसंस्रवाः । नृकलेवरवाहिन्यः प्रवृत्ताः सर्वतोदिशम् ।। 7.101.6 ।।

khaḍgaśaktidhanurgrāhā nadyaḥ śoṇitasaṃsravāḥ | nṛkalevaravāhinyaḥ pravṛttāḥ sarvatodiśam || 7.101.6 ||

Rivers of flowing blood, carrying human corpses and resembling streams with swords, spears, and bows as their aquatic creatures, flowed in all directions.

ततो रामानुजः क्रुद्धः कालस्यास्त्रं सुदारुणम् । संवर्तं नाम भरतो गन्धर्वेष्वभ्यचोदयत् ।। 7.101.7 ।।

tato rāmānujaḥ kruddhaḥ kālasyāstraṃ sudāruṇam | saṃvartaṃ nāma bharato gandharveṣvabhyacodayat || 7.101.7 ||

Then, the enraged Bharata, Rama's younger brother, discharged the exceedingly terrible weapon of Time, named Samvarta, upon the Gandharvas.

ते बद्धाः कालपाशेन संवर्तेन विदारिताः । क्षणेनाभिहतास्तेन तिस्रः कोट्यो महात्मनाम् ।। 7.101.8 ।।

te baddhāḥ kālapāśena saṃvartena vidāritāḥ | kṣaṇenābhihatāstena tisraḥ koṭyo mahātmanām || 7.101.8 ||

Bound by the noose of Time and torn apart by the Samvarta weapon, three crores of those mighty Gandharvas were instantly struck down by Bharata.

तं घातं घोरसङ्काशं न स्मरन्ति दिवौकसः । निमेषान्तरमात्रेण तादृशानां महात्मनाम् ।। 7.101.9 ।।

taṃ ghātaṃ ghorasaṅkāśaṃ na smaranti divaukasaḥ | nimeṣāntaramātreṇa tādṛśānāṃ mahātmanām || 7.101.9 ||

The gods do not even remember that terrible destruction of those great souls (Gandharvas), as it occurred within the mere twinkling of an eye.

हतेषु तेषु सर्वेषु भरतः केकयीसुतः । निवेशयामास तदा समृद्धे द्वे पुरोत्तमे ।। 7.101.10 ।।

hateṣu teṣu sarveṣu bharataḥ kekayīsutaḥ | niveśayāmāsa tadā samṛddhe dve purottame || 7.101.10 ||

After all those (Gandharvas) were killed, Bharata, the son of Kaikeyi, then established two prosperous and excellent cities.

तक्षं तक्षशिलायां तु पुष्कलं पुष्कलावते । गन्धर्वदेशे रुचिरे गान्धारविषये च सः ।। 7.101.11 ।।

takṣaṃ takṣaśilāyāṃ tu puṣkalaṃ puṣkalāvate | gandharvadeśe rucire gāndhāraviṣaye ca saḥ || 7.101.11 ||

He (Bharata) established Taksha in Takshashila and Pushkala in Pushkalavati, both in the beautiful land of Gandharvas, which is the region of Gandhara.

धनरत्नौघसङ्कीर्णे काननैरुपशोभिते । अन्योन्यसङ्घर्षकृते स्पर्धया गुणविस्तरैः ।। 7.101.12 ।।

dhanaratnaughasaṅkīrṇe kānanairupaśobhite | anyonyasaṅgharṣakṛte spardhayā guṇavistaraiḥ || 7.101.12 ||

These cities were filled with heaps of wealth and jewels, adorned with forests, and their extensive qualities caused mutual rivalry and competition.

उभे सुरुचिरप्रख्ये व्यवहारैरकिल्बिषैः । उद्यानयानसम्पूर्णे सुविभक्तान्तरापणे ।। 7.101.13 ।।

ubhe suruciraprakhye vyavahārairakilbiṣaiḥ | udyānayānasampūrṇe suvibhaktāntarāpaṇe || 7.101.13 ||

Both cities were very beautiful in appearance, characterized by blameless transactions, full of gardens and conveyances, and had well-divided inner markets.

उभे पुरवरे रम्ये विस्तरैरुपशोभिते । गृहमुख्यैः सुरुचिरैर्विमानसमवर्णिभिः ।। 7.101.14 ।।

ubhe puravare ramye vistarairupaśobhite | gṛhamukhyaiḥ surucirairvimānasamavarṇibhiḥ || 7.101.14 ||

Both beautiful and excellent cities were adorned with extensive areas, featuring principal houses that were very charming and resembled celestial chariots.

शोभिते शोभनीयैश्च देवायतनविस्तरैः । तालैस्तमालैस्तिलकैर्वकुलैरुपशोभिते ।। 7.101.15 ।।

śobhite śobhanīyaiśca devāyatanavistaraiḥ | tālaistamālaistilakairvakulairupaśobhite || 7.101.15 ||

The cities were further adorned with beautiful and extensive temples, as well as with palm, tamala, tilaka, and vakula trees.

निवेश्य पञ्चभिर्वर्षैर्भरतो राघवानुजः । पुनरायान्महाबाहुरयोध्यां केकयीसुतः ।। 7.101.16 ।।

niveśya pañcabhirvarṣairbharato rāghavānujaḥ | punarāyānmahābāhurayodhyāṃ kekayīsutaḥ || 7.101.16 ||

After establishing the cities over a period of five years, Bharata, the mighty-armed son of Kaikeyi and younger brother of Rama, returned to Ayodhya.

सो ऽभिवाद्य महात्मानं साक्षाद्धर्ममिवापरम् । राघवं भरतः श्रीमान्ब्रह्माणमिव वासवः ।। 7.101.17 ।।

so 'bhivādya mahātmānaṃ sākṣāddharmamivāparam | rāghavaṃ bharataḥ śrīmānbrahmāṇamiva vāsavaḥ || 7.101.17 ||

The glorious Bharata, like Indra saluting Brahma, saluted the great-souled Rama, who was like another embodiment of Dharma itself.

शशंस च यथावृत्तं गन्धर्ववधमुत्तमम् । निवेशनं च देशस्य श्रुत्वा प्रीतो ऽस्य राघवः ।। 7.101.18 ।।

śaśaṃsa ca yathāvṛttaṃ gandharvavadhamuttamam | niveśanaṃ ca deśasya śrutvā prīto 'sya rāghavaḥ || 7.101.18 ||

Bharata reported the full account of the excellent slaying of the Gandharvas and the establishment of the region, and upon hearing this, Rama was pleased with him. इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे एकोत्तरशततमः सर्गः ।। 101 ।। Thus ends the hundred and first sarga of Uttara Kanda of the holy Ramayana the first epic composed by sage Valmiki.