Sundara Kanda, Sarga 68

अथाहमुत्तरं देव्या पुनरुक्त स्ससम्भ्रमम्। तव स्नेहान्नरव्याघ्र सौहार्दादनुमान्य वै।।5.68.1।।

athāhamuttaraṃ devyā punarukta ssasambhramam| tava snehānnaravyāghra sauhārdādanumānya vai

"O tiger among men In view of her regards for me and and her love for you she was confident and once again addressed me:

एवं बहुविधं वाच्यो रामो दाशरथिस्त्वया। यथा मामाप्नुयाच्छीघ्रं हत्वा रावणमाहवे।।5.68.2।।

evaṃ bahuvidhaṃ vācyo rāmo dāśarathistvayā| yathā māmāpnuyācchīghraṃ hatvā rāvaṇamāhave

'You may appeal to Rama, the son of Dasaratha in many ways, that he should come quickly and slay Ravana in the battle and get me back.

यदि वा मन्यसे वीर वसैकाहमरिन्दम। कस्मिंश्चित्संवृते देशे विक्रान्तश्श्वो गमिष्यसि।।5.68.3।।

yadi vā manyase vīra vasaikāhamarindama| kasmiṃścitsaṃvṛte deśe vikrāntaśśvo gamiṣyasi

'O crusher of enemies O brave Hanuman I wish you rest for a while in a secluded place around here and leave tomorrow .

मम चाप्यल्पभाग्यायास्सान्निध्यात्तव वीर्यवन्। अस्य शोकविपाकस्य मुहूर्तं स्याद्विमोक्षणम्।।5.68.4।।

mama cāpyalpabhāgyāyāssānnidhyāttava vīryavan| asya śokavipākasya muhūrtaṃ syādvimokṣaṇam

'O valiant (Hanuman) by your presence here, the less fortunate me, will be relieved of sorrow for a while.

गते हि त्वयि विक्रान्ते पुनरागमनाय वै। प्राणानामपि सन्देहो मम स्यान्नात्र संशयः।।5.68.5।।

gate hi tvayi vikrānte punarāgamanāya vai| prāṇānāmapi sandeho mama syānnātra saṃśayaḥ

'O courageous tiger among monkeys when you depart (abruptly) I doubt if I would be alive by your return.

तवादर्शनजश्शोको भूयो मां परितापयेत्। दुःखाद्दुःखपराभूतां दुर्गतां दुःखभागिनीम्।।5.68.6।।

tavādarśanajaśśoko bhūyo māṃ paritāpayet| duḥkhādduḥkhaparābhūtāṃ durgatāṃ duḥkhabhāginīm

I am an unfortunate one, afflicted by sorrow and tormented (by demons). If I am not able to see you I will be lamenting in grief.

अयं च वीर सन्देहस्तिष्ठतीव ममाग्रतः। सुमहांस्त्वत्सहायेषु हर्यृक्षेषु हरीश्वर।।5.68.7।।

ayaṃ ca vīra sandehastiṣṭhatīva mamāgrataḥ| sumahāṃstvatsahāyeṣu haryṛkṣeṣu harīśvara

'O brave vanaras I have great doubts about your assistants the vanaras and bears, crossing the ocean.

कथं नु खलु दुष्पारं तरिष्यन्ति महोदधिम्। तानि हर्यृक्षसैन्यानि तौ वा नरवरात्मजौ।।5.68.8।।

kathaṃ nu khalu duṣpāraṃ tariṣyanti mahodadhim| tāni haryṛkṣasainyāni tau vā naravarātmajau

'How will the vanaras and bears cross this great, impassable ocean? How will the princes Rama and Lakshmna be able to cross it?

त्रयाणामेव भूतानां सागरस्यास्य लङ्घने। शक्तिस्स्याद्वैनतेयस्य तव वा मारुतस्य वा।।5.68.9।।

trayāṇāmeva bhūtānāṃ sāgarasyāsya laṅghane| śaktissyādvainateyasya tava vā mārutasya vā

'Only three among all beings, Garuda, the Windgod and you have the capacity to cross the ocean.

तदस्मिन् कार्यनिर्योगे वीरैवं दुरतिक्रमे। किं पश्यसि समाधानं ब्रूहि कार्यविदां वरः।।5.68.10।।

tadasmin kāryaniryoge vīraivaṃ duratikrame| kiṃ paśyasi samādhānaṃ brūhi kāryavidāṃ varaḥ

'O heroic Hanuman you know how to succeed. But I wish to know what expedient you have to accomplish which is difficult by all means. O foremost vanara, please tell me .

काममस्य त्वमेवैकः कार्यस्य परिसाधने। पर्याप्तः परवीरघ्न यशस्यस्ते बलोदयः।।5.68.11।।

kāmamasya tvamevaikaḥ kāryasya parisādhane| paryāptaḥ paravīraghna yaśasyaste balodayaḥ

'O Slayer of enemy heroes you have the ability to accomplsh this task singlehanded. By succeeding in accomplishing the objective you will become renowned (and not Rama).

बलै स्समग्रैर्यदि मां हत्वा रावणमाहवे। विजयी स्वां पुरीं रामो नयेत्तत्स्याद्यशस्करम्।।5.68.12।।

balai ssamagrairyadi māṃ hatvā rāvaṇamāhave| vijayī svāṃ purīṃ rāmo nayettatsyādyaśaskaram

'When Rama slays Ravana and his entire army and takes me to his city after becoming victorious it will add glory to him.

यथाऽहं तस्य वीरस्य वनादुपधिना हृता। रक्षसा तद्भयादेव तथा नार्हति राघवः।।5.68.13।।

yathā'haṃ tasya vīrasya vanādupadhinā hṛtā| rakṣasā tadbhayādeva tathā nārhati rāghavaḥ

'Tell valiant Rama not to take me back the way Ravana, the demon abducted me out of fear. Which is not right.

बलैस्तु सङ्कुलां कृत्वा लङ्कां परबलार्दनः। मां नयेद्यदि काकुत्स्थस्तत्तस्य सदृशं भवेत्।।5.68.14।।

balaistu saṅkulāṃ kṛtvā laṅkāṃ parabalārdanaḥ| māṃ nayedyadi kākutsthastattasya sadṛśaṃ bhavet

'If Rama, the slayer of the enemy army, could fill Lanka with his arrows and take me that will be a good sight for him to see.

तद्यथा तस्य विक्रान्तमनुरूपं महात्मनः। भवेदाहवशूरस्य तथा त्वमुपपादय।।5.68.15।।

tadyathā tasya vikrāntamanurūpaṃ mahātmanaḥ| bhavedāhavaśūrasya tathā tvamupapādaya

'You may make arrangement in such a way that the exalted hero Rama exhibits his might according to his stature'.

तदर्थोपहितं वाक्यं प्रश्रितं हेतुसंहितम्। निशम्याहं तत श्शेषं वाक्यमुत्तरमब्रुवम्।।5.68.16।।

tadarthopahitaṃ vākyaṃ praśritaṃ hetusaṃhitam| niśamyāhaṃ tata śśeṣaṃ vākyamuttaramabruvam

"Hearing the meaningful, courteous and reasonable words of Sita, I replied :

देवि हर्यृक्षसैन्यानामीश्वरः प्लवतां वरः। सुग्रीवस्सत्त्वसम्पन्नस्तवार्थे कृतनिश्चयः।।5.68.17।।

devi haryṛkṣasainyānāmīśvaraḥ plavatāṃ varaḥ| sugrīvassattvasampannastavārthe kṛtaniścayaḥ

'O queen The lord of the army of bears and vanaras who is the foremost among the monkeys is endowed with enough strength and has resolved to rescue you.

तस्य विक्रमसम्पन्नास्सत्त्ववन्तो महाबलाः। मन स्सङ्कल्पसम्पाता निदेशे हरयः स्थिताः।।5.68.18।।

tasya vikramasampannāssattvavanto mahābalāḥ| mana ssaṅkalpasampātā nideśe harayaḥ sthitāḥ

'Mighty, powerful and tough monkeys who have the speed of thought are under the command of Sugriva.

येषां नोपरि नाधस्तान्न तिर्यक्सज्जते गतिः। न च कर्मसु सीदन्ति महत्स्वमिततेजसः।।5.68.19।।

yeṣāṃ nopari nādhastānna tiryaksajjate gatiḥ| na ca karmasu sīdanti mahatsvamitatejasaḥ

'All of them can go upward in the sky, downward into the underworld or obliquely in any direction without obstruction. They are brilliant enough to do any great task without any difficulty.

असकृत्तैर्महाभागैर्वानरैर्बलदर्पितैः। प्रदक्षिणीकृता भूमिर्वायुमार्गानुसारिभिः।।5.68.20।।

asakṛttairmahābhāgairvānarairbaladarpitaiḥ| pradakṣiṇīkṛtā bhūmirvāyumārgānusāribhiḥ

'O great lady the mighty vanaras of extraordinary strength can fly with the wind and have even circumambulated the earth.

मद्विशिष्टाश्च तुल्याश्च सन्ति तत्र वनौकसः। मत्तः प्रत्यवरः कश्चिन्नास्ति सुग्रीवसन्निधौ।।5.68.21।।

madviśiṣṭāśca tulyāśca santi tatra vanaukasaḥ| mattaḥ pratyavaraḥ kaścinnāsti sugrīvasannidhau

'There are monkeys who are more powerful than me or equal to me. None are less strong than me or Sugriva.

अहं तावदिह प्राप्तः किं पुनस्ते महाबलाः। न हि प्रकृष्टाः प्रेत्यन्ते प्रेष्यन्ते हीतरे जनाः।।5.68.22।।

ahaṃ tāvadiha prāptaḥ kiṃ punaste mahābalāḥ| na hi prakṛṣṭāḥ pretyante preṣyante hītare janāḥ

'When I could come here, what to speak of the mightier monkeys?, People do not send the superior ones on errand, but send only the juniors.

तदलं परितापेन देवि मन्युर्व्यपैतु ते। एकोत्पातेन ते लङ्कामेष्यन्ति हरियूथपाः।।5.68.23।।

tadalaṃ paritāpena devi manyurvyapaitu te| ekotpātena te laṅkāmeṣyanti hariyūthapāḥ

'O noble lady give up your lamentation. Enough of sorrowing. The vanara army will fly and reach this place at one leap and fill it.

मम पृष्ठगतौ तौ च चन्द्रसूर्याविवोदितौ। त्वत्सकाशं महाभागे नृसिंहावागमिष्यतः।।5.68.24।।

mama pṛṣṭhagatau tau ca candrasūryāvivoditau| tvatsakāśaṃ mahābhāge nṛsiṃhāvāgamiṣyataḥ

'O noble lady the lions among men, Rama and Lakshmana who resemble Sun and Moon will ascend on my back and reach here.

अरिघ्नं सिंहसङ्काशं क्षिप्रं द्रक्ष्यसि राघवम्। लक्ष्मणं च धनुष्पाणिं लङ्काद्वारमुपस्थितम्।।5.68.25।।

arighnaṃ siṃhasaṅkāśaṃ kṣipraṃ drakṣyasi rāghavam| lakṣmaṇaṃ ca dhanuṣpāṇiṃ laṅkādvāramupasthitam

'You will see the lionlike Rama, a slayer of enemies and Lakshmana wielding bow in hand standing at the entrance of Lanka very soon.

नखदंष्ट्रायुधान् वीरान् सिंहशार्दूलविक्रमान्। वानरान्वारणोन्द्राभान् क्षिप्रं द्रक्षसि सङ्गतान्।।5.68.26।। शैलाम्बुदनिकाशानां लङ्कामलयसानुषु। नर्दतां कपिमुख्यानामचिराच्छ्रोष्यसि स्वनम्।।5.68.27।।

nakhadaṃṣṭrāyudhān vīrān siṃhaśārdūlavikramān| vānarānvāraṇondrābhān kṣipraṃ drakṣasi saṅgatān śailāmbudanikāśānāṃ laṅkāmalayasānuṣu| nardatāṃ kapimukhyānāmacirācchroṣyasi svanam

'You will hear before long the shouts of generals of the vanaras who resemble rainclouds on the mountain roaring like lions from the Malaya mountain of Lanka.

नखदंष्ट्रायुधान् वीरान् सिंहशार्दूलविक्रमान्। वानरान्वारणोन्द्राभान् क्षिप्रं द्रक्षसि सङ्गतान्।।5.68.26।। शैलाम्बुदनिकाशानां लङ्कामलयसानुषु। नर्दतां कपिमुख्यानामचिराच्छ्रोष्यसि स्वनम्।।5.68.27।।

nakhadaṃṣṭrāyudhān vīrān siṃhaśārdūlavikramān| vānarānvāraṇondrābhān kṣipraṃ drakṣasi saṅgatān śailāmbudanikāśānāṃ laṅkāmalayasānuṣu| nardatāṃ kapimukhyānāmacirācchroṣyasi svanam

'You will hear before long the shouts of generals of the vanaras who resemble rainclouds on the mountain roaring like lions from the Malaya mountain of Lanka.

निवृत्तवनवासं च त्वया सार्धमरिन्दमम्। अभिषिक्तमयोध्यायां क्षिप्रं द्रक्ष्यसि राघवम्।।5.68.28।।

nivṛttavanavāsaṃ ca tvayā sārdhamarindamam| abhiṣiktamayodhyāyāṃ kṣipraṃ drakṣyasi rāghavam

'You will soon see Rama, the slayer of enemies crowned as king of Ayodhya with you, having duly completed the term of exile in the forest'.

ततो मया वाग्भिरदीनभाषिणा शिवाभिरिष्टाभिरभिप्रसादिता। जगाम शान्तिं मम मैथिलात्मजा तवापि शोकेन तदाभिपीडिता।।5.68.29।।

tato mayā vāgbhiradīnabhāṣiṇā śivābhiriṣṭābhirabhiprasāditā| jagāma śāntiṃ mama maithilātmajā tavāpi śokena tadābhipīḍitā

Sita though afflicted heard from me that you were also in excessive grief on account of separation from her and from my soothing, auspicious and welcome words, she derived comfort and remained quiet. इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे अष्टषष्टितमस्सर्गः।। Thus ends the sixtyeighth sarga of Sundarakanda of the holy Ramayana, the first epic composed by sage Valmiki.