Kishkindha Kanda, Sarga 63

एतैरन्यैश्च बहुभिर्वाक्यैर्वाक्यविशारदः। मां प्रशस्याभ्यनुज्ञाप्य प्रविष्टस्स स्वमालयम्।।4.63.1।।

etairanyaiśca bahubhirvākyairvākyaviśāradaḥ| māṃ praśasyābhyanujñāpya praviṣṭassa svamālayam

'The sage who was skilful in speech, having praised me thus and in many other ways, permitted me to leave and entered his dwelling.

कन्दरात्तु विसर्पित्वा पर्वतस्य शनैश्शनैः। अहं विन्ध्यं समारुह्य भवतः प्रतिपालये।।4.63.2।।

kandarāttu visarpitvā parvatasya śanaiśśanaiḥ| ahaṃ vindhyaṃ samāruhya bhavataḥ pratipālaye

'Having crawled slowly and slowly from the cave and climbed the Vindhya, I have been awaiting your arrival.

अद्य त्वेतस्य कालस्य साग्रं वर्षशतं गतम्। देशकालप्रतीक्षोऽस्मि हृदि कृत्वा मुनेर्वचः।।4.63.3।।

adya tvetasya kālasya sāgraṃ varṣaśataṃ gatam| deśakālapratīkṣo'smi hṛdi kṛtvā munervacaḥ

'More than a hundred years have passed and all this time I have borne the sage's words in my heart and have waited for the right time and place.

महाप्रस्थानमासाद्य स्वर्गते तु निशाकरे। मां निर्दहति सन्तापो वितर्कैर्बहुभिर्वृतम्।।4.63.4।।

mahāprasthānamāsādya svargate tu niśākare| māṃ nirdahati santāpo vitarkairbahubhirvṛtam

'Nishakara went on his last journey and attained heaven. Since then many sad thoughts have crisscrossed my mind and I am consumed with those thoughts.

उत्थितां मरणे बुद्धिं मुनिवाक्यैर्निवर्तये। बुद्धिर्या तेन मे दत्ता प्राणानां रक्षणाय तु।।4.63.5।। सा मेऽपनयते दुःखं दीप्तेवाग्निशिखा तमः।

utthitāṃ maraṇe buddhiṃ munivākyairnivartaye| buddhiryā tena me dattā prāṇānāṃ rakṣaṇāya tu sā me'panayate duḥkhaṃ dīptevāgniśikhā tamaḥ|

'Whenever I intended to die, the words of the sage rang in my mind. The inspiration he gave me to preserve my life removed my agony like the glowing flames of fire that take away darkness.

बुद्ध्यता च मया वीर्यं रावणस्य दुरात्मनः।।4.63.6।। पुत्रस्सन्तर्जितो वाग्भिर्न त्राता मैथिली कथम्।

buddhyatā ca mayā vīryaṃ rāvaṇasya durātmanaḥ putrassantarjito vāgbhirna trātā maithilī katham|

'I goaded my son with harsh words saying, 'Knowing the valour of the evilminded Ravana, why did you not protect her (Sita)'

तस्या विलपितं श्रुत्वा तौ च सीताविनाकृतौ।।4.63.7।। न मे दशरथस्नेहात्पुत्रेणोत्पादितं प्रियम्।

tasyā vilapitaṃ śrutvā tau ca sītāvinākṛtau na me daśarathasnehātputreṇotpāditaṃ priyam|

'Even after hearing the wailing of Sita, knowing that both (Rama and Lakshmana) are separated from her and considering my friendship with Dasaratha, I felt displeased with my son (as he did not make an attempt to rescue her)'.

तस्य त्वेवं ब्रुवाणस्य सम्पातेर्वानरैस्सह।।4.63.8।। उत्पेततुस्तदा पक्षौ समक्षं वनचारिणाम्।

tasya tvevaṃ bruvāṇasya sampātervānaraissaha utpetatustadā pakṣau samakṣaṃ vanacāriṇām|

Even as he was telling this to the monkeys his wings started appearing in their presence.

स दृष्ट्वा स्वां तनुं पक्षैरुद्गतैररुणच्छदैः।।4.63.9।। प्रहर्षमतुलं लेभे वानरांश्चेदमब्रवीत्।

sa dṛṣṭvā svāṃ tanuṃ pakṣairudgatairaruṇacchadaiḥ praharṣamatulaṃ lebhe vānarāṃścedamabravīt|

He experienced an unparalleled delight seeing wings with red feathers growing on his body, and said to the monkeys:

ऋषेर्निशाकरस्यैव प्रभावादमितात्मन:।।4.63.10।। आदित्यरश्मिनिर्दग्धौ पक्षौ मे पुनरुपस्थितौ।

ṛṣerniśākarasyaiva prabhāvādamitātmana: ādityaraśminirdagdhau pakṣau me punarupasthitau|

'By the grace of the most revered soul,sage Nishakara, both my wings that were burnt by the Sun's radiance have grown again.

यौवने वर्तमानस्य ममासीद्यः पराक्रमः।।4.63.11।। तमेवाद्यावगच्छामि बलं पौरुषमेव च।

yauvane vartamānasya mamāsīdyaḥ parākramaḥ tamevādyāvagacchāmi balaṃ pauruṣameva ca|

'The valour, strength and even courage that I had in my youth,I am experiencing now.

सर्वथा क्रियतां यत्न स्सीतामधिगमिष्यथ।।4.63.12।। पक्षलाभो ममायं वस्सिद्धिप्रत्ययकारकः।

sarvathā kriyatāṃ yatna ssītāmadhigamiṣyatha pakṣalābho mamāyaṃ vassiddhipratyayakārakaḥ|

By all means make the effort; you will trace Sita, and this growing of my wings is a sign assuring your future success.

इत्युक्त्वा स तान्हरीन् सर्वान्सम्पातिः पतगोत्तमः।।4.63.13।। उत्पपात गिरेश्शृङ्गाज्जिज्ञासुः खगमो गतिम्।

ityuktvā sa tānharīn sarvānsampātiḥ patagottamaḥ utpapāta gireśśṛṅgājjijñāsuḥ khagamo gatim|

Sampati, the foremost of the birds thus spoke to the monkeys and flew up from the mountain's peak keen on finding the aerial path.

तस्य तद्वचनं श्रुत्वा प्रतिसंहृष्टमानसाः।।4.63.14।। बभूवुर्हरिशार्दूला विक्रमाभ्युदयोन्मुखाः।

tasya tadvacanaṃ śrutvā pratisaṃhṛṣṭamānasāḥ babhūvurhariśārdūlā vikramābhyudayonmukhāḥ|

The tigers among monkeys felt very happy on hearing the words of Sampati and became sure of their success with their valour.

अथ पवनसमानविक्रमाः प्लवगवराः प्रतिलब्धपौरुषाः। अभिजिदभिमुखा दिशं ययु र्जनकसुतापरिमार्गणोन्मुखाः।।4.63.15।।

atha pavanasamānavikramāḥ plavagavarāḥ pratilabdhapauruṣāḥ| abhijidabhimukhā diśaṃ yayu rjanakasutāparimārgaṇonmukhāḥ

The monkeys as strong as the wind regained courage and went in search of the daughter of Janaka in the direction of Abhijit (constellation known as Abhijit is associated with success). इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे त्रिषष्टितमस्सर्गः।। Thus ends the sixtythird sarga in Kishkindakanda of the first epic, the Holy Ramayana composed by sage Valmiki.