Kishkindha Kanda, Sarga 2

तौ तु दृष्ट्वा महात्मानौ भ्रातरौ रामलक्ष्मणौ। वरायुधधरौ वीरौ सुग्रीवश्शङ्कितोऽभवत्4.2.1।।

tau tu dṛṣṭvā mahātmānau bhrātarau rāmalakṣmaṇau| varāyudhadharau vīrau sugrīvaśśaṅkito'bhavat4.2.1||

On seeing the two great souls, heroic Rama and Lakshmana wielding the best of weapons, Sugriva was alarmed.

उद्विग्नहृदयस्सर्वा दिशस्समवलोकयन्। न व्यतिष्ठत कस्मिंश्चिद्देशे वानरपुङ्गवः। 4.2.2।।

udvignahṛdayassarvā diśassamavalokayan| na vyatiṣṭhata kasmiṃściddeśe vānarapuṅgavaḥ| 4.2.2||

Agitated at heart, the best of vanaras started in all directions and could not settle down at one spot.

नैव चक्रे मनः स्थातुं वीक्षमाणो महाबलौ। कपेः परमभीतस्य चित्तं व्यवससाद ह4.2.3।।

naiva cakre manaḥ sthātuṃ vīkṣamāṇo mahābalau| kapeḥ paramabhītasya cittaṃ vyavasasāda ha4.2.3||

Beholding the two strong heroes, the monkey (Sugriva) was very much frightened. His heart sank.

चिन्तयित्वा स धर्मात्मा विमृश्य गुरुलाघवम्। सुग्रीवः परमोद्विग्नस्सर्वैरनुचरैस्सह4.2.4।।

cintayitvā sa dharmātmā vimṛśya gurulāghavam| sugrīvaḥ paramodvignassarvairanucaraissaha4.2.4||

Righteous Sugriva, became highly agitated, deliberated with all his followers on the pros and cons of the situation.

ततस्स सचिवेभ्यस्तु सुग्रीवः प्लवगाधिपः। शशंस परमोद्विग्नः पश्यंस्तौ रामलक्ष्मणौ4.2.5।।

tatassa sacivebhyastu sugrīvaḥ plavagādhipaḥ| śaśaṃsa paramodvignaḥ paśyaṃstau rāmalakṣmaṇau4.2.5||

Sugriva, lord of monkeys, extremely agitated at the sight of both Rama and Lakshmana, spoke to his minister:

एतौ वनमिदं दुर्गं वालिप्रणिहितौ ध्रुवम्। छद्मना चीरवसनौ प्रचरन्ताविहागतौ4.2.6।।

etau vanamidaṃ durgaṃ vālipraṇihitau dhruvam| chadmanā cīravasanau pracarantāvihāgatau4.2.6||

Surely these two, clad in bark garments and wandering here in disguise into this difficult forest, have come sent by Vali.

ततस्सुग्रीवसचिवा दृष्ट्वा परमधन्विनौ। जग्मुर्गिरितटात्तस्मादन्यच्छिखरमुत्तमम्4.2.7।।

tatassugrīvasacivā dṛṣṭvā paramadhanvinau| jagmurgiritaṭāttasmādanyacchikharamuttamam4.2.7||

On seeing these supreme bowmen, Sugriva's counsellers left for the peak of another mountain.

ते क्षिप्रमधिगम्याथ यूथपा यूथपर्षभम्। हरयो वानरश्रेष्ठं परिवार्योपतस्थिरे4.2.8।।

te kṣipramadhigamyātha yūthapā yūthaparṣabham| harayo vānaraśreṣṭhaṃ parivāryopatasthire4.2.8||

The leaders of the monkey troops reached Sugriva, the lord of monkeys, in no time and stood surrounding him.

एकमेकायनगताः प्लवमाना गिरेर्गिरिम्। प्रकम्पयन्तो वेगेन गिरीणां शिखराण्यपि4.2.9।।

ekamekāyanagatāḥ plavamānā girergirim| prakampayanto vegena girīṇāṃ śikharāṇyapi4.2.9||

Jumping from one mountain to another swiftly and shaking the mountain tops, the monkeys reached one spot.

ततश्शाखामृगास्सर्वे प्लवमाना महाबलाः। बभञ्जुश्च नगांस्तत्र पुष्पितान्दुर्गसंश्रितान्4.2.10।।

tataśśākhāmṛgāssarve plavamānā mahābalāḥ| babhañjuśca nagāṃstatra puṣpitāndurgasaṃśritān4.2.10||

Then the mighty monkeys jumping on the trees in full bloom shook them.

आप्लवन्तो हरिवरास्सर्वतस्तं महागिरिम्। मृगमार्जारशार्दूलांस्त्रासयन्तो ययुस्तदा4.2.11।।

āplavanto harivarāssarvatastaṃ mahāgirim| mṛgamārjāraśārdūlāṃstrāsayanto yayustadā4.2.11||

The great monkeys went on leaping all over the great (Rishyamuka) mountain, scaring the deer, wildcats and tigers.

ततस्सुग्रीवसचिवाः पर्वतेन्द्रं समाश्रिताः। सङ्गम्य कपिमुख्येन सर्वे प्राञ्जलय स्थिताः।।4.2.12।।

tatassugrīvasacivāḥ parvatendraṃ samāśritāḥ| saṅgamya kapimukhyena sarve prāñjalaya sthitāḥ

Thereafter, all the ministers of Sugriva assembled together on the king of mountains and stood (in front of Sugriva), with folded hands.

ततस्तं भयसंविग्नं वालिकिल्बिषशङ्कितम्। उवाच हनुमान्वाक्यं सुग्रीवं वाक्यकोविदः4.2.13।।

tatastaṃ bhayasaṃvignaṃ vālikilbiṣaśaṅkitam| uvāca hanumānvākyaṃ sugrīvaṃ vākyakovidaḥ4.2.13||

Suspecting that Vali might have sent them (Rama and Lakshmana), Hanuman, skilful in communication, said to Sugriva who was trembling in fear:

सम्भ्रमस्त्यज्यतामेष सर्वैर्वालिकृते महान्। मलयोऽयं गिरिवरो भयं नेहास्ति वालिनः4.2.14।।

sambhramastyajyatāmeṣa sarvairvālikṛte mahān| malayo'yaṃ girivaro bhayaṃ nehāsti vālinaḥ4.2.14||

'This is a great mountain range of Malaya and there is no fear for Vali here. Give up this fear.

यस्मादुद्विग्नचेतास्त्वं प्रद्रुतो हरिपुङ्गव। तं क्रूरदर्शनं क्रूरं नेह पश्यामि वालिनम्4.2.15।।

yasmādudvignacetāstvaṃ pradruto haripuṅgava| taṃ krūradarśanaṃ krūraṃ neha paśyāmi vālinam4.2.15||

'O chief of monkeys I do not see here any sign of the cruel Vali, of whom you are afraid.

यस्मात्तव भयं सौम्य पूर्वजात्पापकर्मणः। स नेह वाली दुष्टात्मा न ते पश्याम्यहं भयम्4.2.16।।

yasmāttava bhayaṃ saumya pūrvajātpāpakarmaṇaḥ| sa neha vālī duṣṭātmā na te paśyāmyahaṃ bhayam4.2.16||

'O goodnatured Sugriva you are afraid of your elder brother Vali as he is evilminded and sinful. (But) I do not see any reason for you to be frightened as he is not found anywhere here.

अहो शाखामृगत्वं ते व्यक्तमेव प्लवङ्गम। लघुचित्ततयाऽत्मानं न स्थापयसि यो मतौ4.2.17।।

aho śākhāmṛgatvaṃ te vyaktameva plavaṅgama| laghucittatayā'tmānaṃ na sthāpayasi yo matau4.2.17||

'Oh monkey, whoever is lilylivered cannot be steady. It is evident that your very nature as a monkey makes you restless.

बुद्धिविज्ञानसम्पन्न इङ्गितैस्सर्वमाचर। न ह्यबुद्धिं गतो राजा सर्वभूतानि शास्ति हि4.2.18।।

buddhivijñānasampanna iṅgitaissarvamācara| na hyabuddhiṃ gato rājā sarvabhūtāni śāsti hi4.2.18||

You who are endowed with intelligence and discernment, act in all things by reading the signs; for a king who loses his judgement cannot govern all beings.

सुग्रीवस्तु शुभं वाक्यं श्रुत्वा सर्वं हनूमतः। ततश्शुभतरं वाक्यं हनूमन्तमुवाच ह4.2.19।।

sugrīvastu śubhaṃ vākyaṃ śrutvā sarvaṃ hanūmataḥ| tataśśubhataraṃ vākyaṃ hanūmantamuvāca ha4.2.19||

Having heard the wise words of Hanuman, Sugriva addressed him with words more auspicious.

दीर्घबाहू विशालाक्षौ शरचापासिधारिणौ। कस्य न स्याद्भयं दृष्ट्वा ह्येतौ सुरसुतोपमौ4.2.20।।

dīrghabāhū viśālākṣau śaracāpāsidhāriṇau| kasya na syādbhayaṃ dṛṣṭvā hyetau surasutopamau4.2.20||

'Who would not be apprehensive of these two longarmed and largeeyed individuals comparable to sons of gods wielding arrows, bows and swords.

वालिप्रणिहितावेतौ शङ्केऽहं पुरुषोत्तमौ। राजानो बहुमित्राश्च विश्वासो नात्र हि क्षमः4.2.21।।

vālipraṇihitāvetau śaṅke'haṃ puruṣottamau| rājāno bahumitrāśca viśvāso nātra hi kṣamaḥ4.2.21||

'I support these two excellent men might have been sent by Vali. Kings have many friends and so it may not be appropriate to trust any king.

अरयश्च मनुष्येण विज्ञेयाश्छद्मचारिणः। विश्वस्तानामविश्वस्तारन्ध्रेषु प्रहरन्ति हि4.2.22।।

arayaśca manuṣyeṇa vijñeyāśchadmacāriṇaḥ| viśvastānāmaviśvastārandhreṣu praharanti hi4.2.22||

'One has to identify these men roaming in disguise. These are not trustworthy and could even be our enemies, making us believe them so as to attack us when we are not vigilant.

कृत्येषु वाली मेधावी राजानो बहुदर्शिनः। भवन्ति परहन्तारस्ते ज्ञेयाः प्राकृतैर्नरैः4.2.23।।

kṛtyeṣu vālī medhāvī rājāno bahudarśinaḥ| bhavanti parahantāraste jñeyāḥ prākṛtairnaraiḥ4.2.23||

'Vali is wise in his actions. Kings employ many strategies to annihilate their enemies. Our gullible individuals should be able to detect them.

तौ त्वया प्राकृतेनैव गत्वा ज्ञेयौ प्लवङ्गम। इङ्गितानां प्रकारैश्च रूपव्याभाषणेन च4.2.24।।

tau tvayā prākṛtenaiva gatvā jñeyau plavaṅgama| iṅgitānāṃ prakāraiśca rūpavyābhāṣaṇena ca4.2.24||

'O Hanuman assume an ordinary form and approach them. Try to read them through their gestures, traits, forms and conversations.

लक्षयस्व तयोर्भावं प्रहृष्टमनसौ यदि। विश्वासयन्प्रशंसाभिरिङ्गितैश्च पुनः पुनः4.2.25।। ममैवाभिमुखं स्थित्वा पृच्छ त्वं हरिपुङ्गव । प्रयोजनं प्रवेशस्य वनस्यास्य धनुर्धरौ4.2.26।।

lakṣayasva tayorbhāvaṃ prahṛṣṭamanasau yadi| viśvāsayanpraśaṃsābhiriṅgitaiśca punaḥ punaḥ4.2.25|| mamaivābhimukhaṃ sthitvā pṛccha tvaṃ haripuṅgava | prayojanaṃ praveśasya vanasyāsya dhanurdharau4.2.26||

'O best of monkeys ascertain their purpose by praising them and studying their honest intentions. Gain the confidence of the wielders of bows and if you find them agreeable, enquire the purpose of their entering this forest.

लक्षयस्व तयोर्भावं प्रहृष्टमनसौ यदि। विश्वासयन्प्रशंसाभिरिङ्गितैश्च पुनः पुनः4.2.25।। ममैवाभिमुखं स्थित्वा पृच्छ त्वं हरिपुङ्गव । प्रयोजनं प्रवेशस्य वनस्यास्य धनुर्धरौ4.2.26।।

lakṣayasva tayorbhāvaṃ prahṛṣṭamanasau yadi| viśvāsayanpraśaṃsābhiriṅgitaiśca punaḥ punaḥ4.2.25|| mamaivābhimukhaṃ sthitvā pṛccha tvaṃ haripuṅgava | prayojanaṃ praveśasya vanasyāsya dhanurdharau4.2.26||

'O best of monkeys ascertain their purpose by praising them and studying their honest intentions. Gain the confidence of the wielders of bows and if you find them agreeable, enquire the purpose of their entering this forest.

शुद्धात्मानौ यदि त्वेतौ जानीहि त्वं प्लवङ्गम। व्याभाषितैर्वा विज्ञेया स्याद्दुष्टाऽदुष्टता तयोः4.2.27।।

śuddhātmānau yadi tvetau jānīhi tvaṃ plavaṅgama| vyābhāṣitairvā vijñeyā syādduṣṭā'duṣṭatā tayoḥ4.2.27||

'O best of monkeys find out whether they are noble in their intentions or evil in their design through your conversation with them.'

इत्येवं कपिराजेन सन्दिष्टो मारुतात्मजः। चकार गमने बुद्धिं यत्र तौ रामलक्ष्मणौ4.2.28।।

ityevaṃ kapirājena sandiṣṭo mārutātmajaḥ| cakāra gamane buddhiṃ yatra tau rāmalakṣmaṇau4.2.28||

Instructed thus by the king of the monkeys, Hanuman, son of the Windgod, decided to meet both Rama and Lakshmana.

तथेति सम्पूज्य वचस्तु तस्य तत्कपेस्सुभीमस्य दुरासदस्य च। महानुभावो हनुमान्ययौ तदा स यत्र रामोऽतिबलश्च लक्ष्मणः4.2.29।।

tatheti sampūjya vacastu tasya tatkapessubhīmasya durāsadasya ca| mahānubhāvo hanumānyayau tadā sa yatra rāmo'tibalaśca lakṣmaṇaḥ4.2.29||

Hanuman, the venerable, powerful and not easily conquerable monkey, honoured the words of the great Lord of the monkeys, offered salutations and said 'So be it'. And then proceeded towards the mighty Rama and Lakshmana. इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे द्वितीयस्सर्गः।। Thus ends the second sarga of Kishkindakanda of the Holy Ramayana, the first epic composed by the sage Valmiki.