Bala Kanda, Sarga 45

विश्वामित्रवचश्श्रुत्वा राघव स्सहलक्ष्मण:। विस्मयं परमं गत्वा विश्वामित्रमथाब्रवीत्।।1.45.1।।

viśvāmitravacaśśrutvā rāghava ssahalakṣmaṇa:| vismayaṃ paramaṃ gatvā viśvāmitramathābravīt

On hearing the words of Viswamitra, Rama along with Lakshmana, filled with astonishment said to him:

अत्यद्भुतमिदं ब्रह्मन् कथितं परमं त्वया। गङ्गावतरणं पुण्यं सागरस्यापि पूरणम्।।1.45.2।।

atyadbhutamidaṃ brahman kathitaṃ paramaṃ tvayā| gaṅgāvataraṇaṃ puṇyaṃ sāgarasyāpi pūraṇam

"O Knower of the Brahman this story narrated by you relating to the descent of the sacred Ganga and the fullness of the ocean (due to Ganga's fall) is very wonderful".

तस्य सा शर्वरी सर्वा सह सौमित्रिणा तदा। जगाम चिन्तयानस्य विश्वामित्रकथां शुभाम् ।।1.45.3।।

tasya sā śarvarī sarvā saha saumitriṇā tadā| jagāma cintayānasya viśvāmitrakathāṃ śubhām

Then Rama along with Lakshmana spent the whole night reflecting on the auspicious story narrated by Viswamitra.

तत: प्रभाते विमले विश्वामित्रं महामुनिम्। उवाच राघवो वाक्यं कृताह्निकमरिन्दम:।।1.45.4।।

tata: prabhāte vimale viśvāmitraṃ mahāmunim| uvāca rāghavo vākyaṃ kṛtāhnikamarindama:

Thereafter, the progeny of the Raghus, the destroyer of enemies (Rama) addressed Viswamitra in the clear early morning after Viswamitra had completed his routine rites:

गता भगवती रात्रिश्श्रोतव्यं परमं श्रुतम्। क्षणभूतेव नौ रात्रि स्सम्वृत्तेयं महातप:।।1.45.5।। इमां चिन्तयतस्सर्वां निखिलेन कथां तव।

gatā bhagavatī rātriśśrotavyaṃ paramaṃ śrutam| kṣaṇabhūteva nau rātri ssamvṛtteyaṃ mahātapa: imāṃ cintayatassarvāṃ nikhilena kathāṃ tava|

"O Noble ascetic we have heard this great story worthy to be listened. As we both lay pondering over the entire story (narrated by you), the glorious night passed off just like a moment.

तराम सरितां श्रेष्ठां पुण्यां त्रिपथगां नदीम्।।1.45.6।। नौरेषा हि सुखास्तीर्णा ऋषीणां पुण्यकर्मणाम्। भगवन्तमिह प्राप्तं ज्ञात्वा त्वरितमागता।।1.45.7।।

tarāma saritāṃ śreṣṭhāṃ puṇyāṃ tripathagāṃ nadīm naureṣā hi sukhāstīrṇā ṛṣīṇāṃ puṇyakarmaṇām| bhagavantamiha prāptaṃ jñātvā tvaritamāgatā

We will cross over Ganga, the best of rivers, the sacred river that flows in three directions.This boat of pious saints which is well laidout has come here swiftly, having come to know that you, O Venerable one have arrived".

तराम सरितां श्रेष्ठां पुण्यां त्रिपथगां नदीम्।।1.45.6।। नौरेषा हि सुखास्तीर्णा ऋषीणां पुण्यकर्मणाम्। भगवन्तमिह प्राप्तं ज्ञात्वा त्वरितमागता।।1.45.7।।

tarāma saritāṃ śreṣṭhāṃ puṇyāṃ tripathagāṃ nadīm naureṣā hi sukhāstīrṇā ṛṣīṇāṃ puṇyakarmaṇām| bhagavantamiha prāptaṃ jñātvā tvaritamāgatā

We will cross over Ganga, the best of rivers, the sacred river that flows in three directions.This boat of pious saints which is well laidout has come here swiftly, having come to know that you, O Venerable one have arrived".

तस्य तद्वचनं श्रुत्वा राघवस्य महात्मन:। सन्तारं कारयामास सर्षिसङ्घ स्सराघव:।।1.45.8।।

tasya tadvacanaṃ śrutvā rāghavasya mahātmana:| santāraṃ kārayāmāsa sarṣisaṅgha ssarāghava:

Hearing the words of noble Rama, he (Viswamitra), accompanied by hosts of sages besides Rama and Lakshmana made arrangements to cross (the river).

उत्तरं तीरमासाद्य सम्पूज्यर्षिगणं तदा। गङ्गाकूले निविष्टास्ते विशालां ददृशु: पुरीम्।।1.45.9।।

uttaraṃ tīramāsādya sampūjyarṣigaṇaṃ tadā| gaṅgākūle niviṣṭāste viśālāṃ dadṛśu: purīm

Having reached the northern bank, they paid homage to the sages encamped on the bank of Ganga and beheld the city of Vishala.

ततो मुनिवरस्तूर्णं जगाम सह राघव: । विशालां नगरीं रम्यां दिव्यां स्वर्गोपमां तदा।।1.45.10।।

tato munivarastūrṇaṃ jagāma saha rāghava: | viśālāṃ nagarīṃ ramyāṃ divyāṃ svargopamāṃ tadā

Thereupon Viswamitra, the best of ascetics, accompanied by Rama and Lakshmana soon proceeded towards the enchanting and splendid city of Vishala comparable to heaven.

अथ रामो महाप्राज्ञो विश्वामित्रं महामुनिम् । पप्रच्छ प्राञ्जलिर्भूत्वा विशालामुत्तमां पुरीम्।।1.45.11।।

atha rāmo mahāprājño viśvāmitraṃ mahāmunim | papraccha prāñjalirbhūtvā viśālāmuttamāṃ purīm

Thereafter great intellectual, Rama, with folded palms enquired of eminent ascetic Viswamitra, about the excellent city of Vishala.

कतरो राजवंशोऽयं विशालायां महामुने। श्रोतुमिच्छामि भद्रं ते परं कौतूहलं हि मे।।.1.45.12।।

kataro rājavaṃśo'yaṃ viśālāyāṃ mahāmune| śrotumicchāmi bhadraṃ te paraṃ kautūhalaṃ hi me||.1.45.12||

"O Distinguished ascetic, which royal dynasty is ruling this city of Vishala? Could you tell me? Great is my curiosity. May you prosper"

तस्य तद्वचनं श्रुत्वा रामस्य मुनिपुङ्गव:। आख्यातुं तत्समारेभे विशालस्य पुरातनम्।।1.45.13।।

tasya tadvacanaṃ śrutvā rāmasya munipuṅgava:| ākhyātuṃ tatsamārebhe viśālasya purātanam

Viswamitra, preeminent among ascetics, hearing the words of Rama commenced to relate the history of the ancient city of Vishala.

श्रूयतां राम शक्रस्य कथां कथयतश्शुभाम्। अस्मिन् देशे तु यद्वृत्तं तदपि शृणु राघव।।1.45.14।।

śrūyatāṃ rāma śakrasya kathāṃ kathayataśśubhām| asmin deśe tu yadvṛttaṃ tadapi śṛṇu rāghava

"O Rama hear the auspicious legend of Indra. Listen, too, what had happened to this country.

पूर्वं कृतयुगे राम दिते: पुत्रा महाबला:। अदितेश्च महाभाग वीर्यवन्तस्सुधार्मिका:।।1.45.15।।

pūrvaṃ kṛtayuge rāma dite: putrā mahābalā:| aditeśca mahābhāga vīryavantassudhārmikā:

O Blessed Rama in kritayuga, the sons of Diti were very strong and those of Aditi were spirited and righteous.

ततस्तेषां नरश्रेष्ठ बुद्धिरासीन्महात्मनाम् । अमरा अजराश्चैव कथं स्याम निरामया:।।1.45.16।।

tatasteṣāṃ naraśreṣṭha buddhirāsīnmahātmanām | amarā ajarāścaiva kathaṃ syāma nirāmayā:

O Best among men a thought came to those illustrious ones, 'how can we be free from old age, death and disease'?

तेषां चिन्तयतां राम बुद्धिरासीन्महात्मनाम्। क्षीरोदमथनं कृत्वा रसं प्राप्स्याम तत्र वै।।1.45.17।।

teṣāṃ cintayatāṃ rāma buddhirāsīnmahātmanām| kṣīrodamathanaṃ kṛtvā rasaṃ prāpsyāma tatra vai

"O Rama While the noble sons were reflecting over this matter an idea flashed across their minds to get nectar by churning the ocean of milk.

ततो निश्चित्य मथनं योक्त्रं कृत्वा च वासुकिम्। मन्थानं मन्दरं कृत्वा ममन्थुरमितौजस:।।1.45.18।।

tato niścitya mathanaṃ yoktraṃ kṛtvā ca vāsukim| manthānaṃ mandaraṃ kṛtvā mamanthuramitaujasa:

Thereupon, having decided to churn (the ocean mind) those very powerful ones, made Vasuki, (the great snake), as a rope and Mandara mountain as the churning rod.And started churning it.

अथ वर्षसहस्रेण योक्त्रसर्पशिरांसि च। वमन्त्यति विषं तत्र ददंशुर्दशनैश्शिला:।।1.45.19।।

atha varṣasahasreṇa yoktrasarpaśirāṃsi ca| vamantyati viṣaṃ tatra dadaṃśurdaśanaiśśilā:

After a thousand years, the hoods of the snake made as rope vomitted venom and started biting the rocks of the Mandara mountain with their teeth.

उत्पपाताग्निसङ्काशं हालाहलमहाविषम्। तेन दग्धं जगत्सर्वं सदेवासुरमानुषम्।।1.45.20।।

utpapātāgnisaṅkāśaṃ hālāhalamahāviṣam| tena dagdhaṃ jagatsarvaṃ sadevāsuramānuṣam

Therefrom was produced halahala, virulent venom resembling fire.The entire universe consisting of devatas, asuras and mortals was burnt down.

अथ देवा महादेवं शङ्करं शरणार्थिन:। जग्मु: पशुपतिं रुद्रं त्राहि त्राहीति तुष्टुवु:।।1.45.21।।

atha devā mahādevaṃ śaṅkaraṃ śaraṇārthina:| jagmu: paśupatiṃ rudraṃ trāhi trāhīti tuṣṭuvu:

The devatas sought refuge in the great god Rudra who causes happiness, the Lord of all living beings. 'Save us, Save us', the cried.

एवमुक्तस्ततो देवैर्देवदेवेश्वर: प्रभु:। प्रादुरासीत्ततोऽत्रैव शङ्खचक्रधरो हरि:।।1.45.22।।

evamuktastato devairdevadeveśvara: prabhu:| prādurāsīttato'traiva śaṅkhacakradharo hari:

Thereupon, Hari the Lord of celestial beings extolled by the devatas appeared bearing the conch and discus.

उवाचैनं स्मितं कृत्वा रुद्रं शूलभृतं हरि:। दैवतैर्मथ्यमाने तु यत्पूर्वं समुपस्थितम् ।।1.45.23।। त्वदीयंहि सुरश्रेष्ठ सुराणामग्रजोऽसि यत् । अग्रपूजामिमां मत्वा गृहाणेदं विषं प्रभो।।1.45.24।।

uvācainaṃ smitaṃ kṛtvā rudraṃ śūlabhṛtaṃ hari:| daivatairmathyamāne tu yatpūrvaṃ samupasthitam tvadīyaṃhi suraśreṣṭha surāṇāmagrajo'si yat | agrapūjāmimāṃ matvā gṛhāṇedaṃ viṣaṃ prabho

Hari, smiling said to the tridentbearing Rudra "O Chief of celestial beings you were born the earliest among the devatas. Therefore, while churning the ocean whichever is produced first shall be offered to you. Considering it the first offering, O Lord accept this venom."

उवाचैनं स्मितं कृत्वा रुद्रं शूलभृतं हरि:। दैवतैर्मथ्यमाने तु यत्पूर्वं समुपस्थितम् ।।1.45.23।। त्वदीयंहि सुरश्रेष्ठ सुराणामग्रजोऽसि यत् । अग्रपूजामिमां मत्वा गृहाणेदं विषं प्रभो।।1.45.24।।

uvācainaṃ smitaṃ kṛtvā rudraṃ śūlabhṛtaṃ hari:| daivatairmathyamāne tu yatpūrvaṃ samupasthitam tvadīyaṃhi suraśreṣṭha surāṇāmagrajo'si yat | agrapūjāmimāṃ matvā gṛhāṇedaṃ viṣaṃ prabho

Hari, smiling said to the tridentbearing Rudra "O Chief of celestial beings you were born the earliest among the devatas. Therefore, while churning the ocean whichever is produced first shall be offered to you. Considering it the first offering, O Lord accept this venom."

इत्युक्त्वा च सुरश्रेष्ठस्तत्रैवान्तरधीयत। देवतानां भयं दृष्टवाश्रुत्वा वाक्यं तु शार्ङ्गिण:। हालाहलविषं घोरं स जग्राहामृतोपमम्।।1.45.25।।

ityuktvā ca suraśreṣṭhastatraivāntaradhīyata| devatānāṃ bhayaṃ dṛṣṭavāśrutvā vākyaṃ tu śārṅgiṇa:| hālāhalaviṣaṃ ghoraṃ sa jagrāhāmṛtopamam

Visnu, the highest among the devatas having the spoken, vanished. Siva who had heard Visnu's words and seen the fear of the gods received that dreadful halahala treating it as nectar.

देवान्विसृज्य देवेशो जगाम भगवान् हर:। ततो देवासुरास्सर्वे ममन्थू रघुनन्दन ।।1.45.26।।

devānvisṛjya deveśo jagāma bhagavān hara:| tato devāsurāssarve mamanthū raghunandana

Lord of the gods, venerable Siva went away to his abode leaving behind the devatas. O Descendant of Raghu then all the devatas and asuras resumed churning.

प्रविवेशाथ पातालं मन्थान: पर्वतोऽनघ। ततो देवास्सगन्धर्वास्तुष्टुवुर्मधुसूदनम्।।1.45.27।।

praviveśātha pātālaṃ manthāna: parvato'nagha| tato devāssagandharvāstuṣṭuvurmadhusūdanam

'O Sinless one after the mountain (Mandara) used as churning rod sank down to nether world (patala) the devatas along with the gandharvas invoked Visnu'.

त्वं गति: सर्वभूतानां विशेषेण दिवौकसाम्। पालयास्मान्महाबाहो गिरिमुद्धर्तुमर्हसि।।1.45.28।।

tvaṃ gati: sarvabhūtānāṃ viśeṣeṇa divaukasām| pālayāsmānmahābāho girimuddhartumarhasi

"O mightyarmed Visnu you are the ultimate refuge for all living beings, specially for the devatas. Protect us, you (alone) are fit to lift up the Mandara mountain".

इति श्रुत्वा हृषीकेश: कामठं रूपमास्थित:। पर्वतं पृष्ठत: कृत्वा शिश्ये तत्रोदधौ हरि:।।1.45.29।।

iti śrutvā hṛṣīkeśa: kāmaṭhaṃ rūpamāsthita:| parvataṃ pṛṣṭhata: kṛtvā śiśye tatrodadhau hari:

Having heard these words, the controller of the sense organs, Visnu, assumed the form of a tortoise reclined in the ocean supporting the mountain on its back.

पर्वताग्रे तु लोकात्मा हस्तेनाक्रम्य केशव:। देवानां मध्यत: स्थित्वा ममन्थ पुरुषोत्तम:।।1.45.30।।

parvatāgre tu lokātmā hastenākramya keśava:| devānāṃ madhyata: sthitvā mamantha puruṣottama:

Visnu, the Supreme being, the soul of the universe standing amidst the devatas took hold of the peak of mountain with his hand and continued to churn the ocean.

अथ वर्षसहस्रेण सदण्डस्सकमण्डलु:। पूर्वं धन्वन्तरिर्नाम अप्सराश्च सुवर्चस:।।1.45.31।।

atha varṣasahasreṇa sadaṇḍassakamaṇḍalu:| pūrvaṃ dhanvantarirnāma apsarāśca suvarcasa:

In this way thousand years rolled by. In the beginining came out Dhanvantari holding a staff and a water pot (carried by ascetics) and apsaras of high lustre.

अप्सु निर्मथनादेव रसास्तस्माद्वरस्त्रिय:। उत्पेतुर्मनुजश्रेष्ठ तस्मादप्सरसोऽभवन्।।1.45.32।।

apsu nirmathanādeva rasāstasmādvarastriya:| utpeturmanujaśreṣṭha tasmādapsaraso'bhavan

O Best among men excellent women emerged out of the essence produced by churning of waters. Therefore they are known as apsarasas.

षष्टि: कोट्योऽभवंस्तासाम् अप्सराणां सुवर्चसाम्। असङ्ख्येयास्तु काकुत्स्थ यास्तासां परिचारिका:।।1.45.33।।

ṣaṣṭi: koṭyo'bhavaṃstāsām apsarāṇāṃ suvarcasām| asaṅkhyeyāstu kākutstha yāstāsāṃ paricārikā:

O Kakutstha there appeared sixty crore highly lustrous apsarasas. Their attendants were countless in number.

न तास्स्म परिगृह्णन्ति सर्वे ते देवदानवा:। अप्रतिग्रहणात्ताश्च सर्वास्साधारणास्स्मृता:।।1.45.34।।

na tāssma parigṛhṇanti sarve te devadānavā:| apratigrahaṇāttāśca sarvāssādhāraṇāssmṛtā:

Neither devas nor danavas accept them in marriage. Unmarried, all of them have been regarded as belonging to all.

वरुणस्य तत: कन्या वारुणी रघुनन्दन । उत्पपात महाभागा मार्गमाणा परिग्रहम्।।1.45.35।।

varuṇasya tata: kanyā vāruṇī raghunandana | utpapāta mahābhāgā mārgamāṇā parigraham

O Joy of the Raghus (Rama) thereafter Varuna's daughter Varuni (goddess of wine) came out searching for a consort.

दिते: पुत्रा न तां राम जगृहुर्वरुणात्मजाम्। अदितेस्तु सुता वीर जगृहुस्तामनिन्दिताम्।।1.45.36।।

dite: putrā na tāṃ rāma jagṛhurvaruṇātmajām| aditestu sutā vīra jagṛhustāmaninditām

O Rama while Diti's sons did not accept the unblemished Varuni, O heroic one, the sons of Aditi did.

असुरास्तेन दैतेयास्सुरास्तेनादितेस्सुता:। हृष्टा: प्रमुदिताश्चासन् वारुणीग्रहणात्सुरा:।।1.45.37।।

asurāstena daiteyāssurāstenāditessutā:| hṛṣṭā: pramuditāścāsan vāruṇīgrahaṇātsurā:

For that reason, sons of Diti were called asuras. Aditi's sons were known as suras. Devatas grew exceedingly glad for having Varuni.

उच्चैश्श्रवा हयश्रेष्ठो मणिरत्नं च कौस्तुभम्। उदतिष्ठन्नरश्रेष्ठ तथैवामृतमुत्तमम्।।1.45.38।।

uccaiśśravā hayaśreṣṭho maṇiratnaṃ ca kaustubham| udatiṣṭhannaraśreṣṭha tathaivāmṛtamuttamam

O Foremost among men (Rama) ucchaishravas, the best of horses (the celestial horse), kausthubham, the best jewel and also nectar came (from churning).

अथ तस्य कृते राम महानासीत्कुलक्षय:। अदितेस्तु तत: पुत्रा दिते: पुत्रानसूदयन्।।1.45.39।।

atha tasya kṛte rāma mahānāsītkulakṣaya:| aditestu tata: putrā dite: putrānasūdayan

O Rama the race of devatas and daityas suffered great destruction because of (their fight for) that nectar. Thereafter Aditi's sons, the devatas killed Diti's sons, the daityas.

एकतोऽभ्यागमन् सर्वे ह्यसुरा राक्षसैस्सह। युद्धमासीन्महाघोरं वीर त्रैलोक्यमोहनम्।।1.45.40।।

ekato'bhyāgaman sarve hyasurā rākṣasaissaha| yuddhamāsīnmahāghoraṃ vīra trailokyamohanam

O Heroic Rama all the asuras along with the rakshasas joined on one side. A violent and a dreadful battle which threw the three worlds in to a great confusion, ensued.

यदा क्षयं गतं सर्वं तदा विष्णुर्महाबल:। अमृतं सोऽहरत्त्तूर्णं मायामास्थाय मोहिनीम्।।1.45.41।।

yadā kṣayaṃ gataṃ sarvaṃ tadā viṣṇurmahābala:| amṛtaṃ so'haratttūrṇaṃ māyāmāsthāya mohinīm

When everything was destroyed completely, the exceedingly powerful Visnu assuming the form of Mohini a charming woman (elusive form) with the power of illusion quickly stole away the nectar.

ये गताऽभिमुखं विष्णुमक्षयं पुरुषोत्तमम्। सम्पिष्टास्ते तदा युद्धे विष्णुना प्रभविष्णुना।।1.45.42।।

ye gatā'bhimukhaṃ viṣṇumakṣayaṃ puruṣottamam| sampiṣṭāste tadā yuddhe viṣṇunā prabhaviṣṇunā

Those who opposed the imperishable, supreme purusha, Visnu, in the battle were crushed by all powerful Visnu.

अदितेरात्मजा वीरा दिते: पुत्रान्निजघ्निरे। तस्मिन् घोरे महायुद्धे दैतेयादित्ययोर्भृशम्।।1.45.43।।

aditerātmajā vīrā dite: putrānnijaghnire| tasmin ghore mahāyuddhe daiteyādityayorbhṛśam

In that great and terrible battle between daityas and devatas, Aditi's sons killed Diti's.

निहत्य दितिपुत्रांश्च राज्यं प्राप्य पुरन्दर:। शशास मुदितो लोकान् सर्षिसङ्घान् सचारणान्।।1.45.44।।

nihatya ditiputrāṃśca rājyaṃ prāpya purandara:| śaśāsa mudito lokān sarṣisaṅghān sacāraṇān

Indra, having killed the sons of Diti was happy with the kingdom gained. He ruled the worlds in the company of rishis and celestial singers". इत्यार्षे श्रीमद्रामायणे वाल्मीकीय आदिकाव्ये बालकाण्डे पञ्चचत्वारिंशस्सर्ग:।। Thus ends the fortyfifth sarga of Balakanda of the holy Ramayana the first epic composed by sage Valmiki.