Bala Kanda, Sarga 34

कृतोद्वाहे गते तस्मिन् ब्रह्मदत्ते च राघव। अपुत्र: पुत्रलाभाय पौत्रीमिष्टिमकल्पयत्।।1.34.1।।

kṛtodvāhe gate tasmin brahmadatte ca rāghava| aputra: putralābhāya pautrīmiṣṭimakalpayat

"O son of Raghu's dynasty (Rama) Brahmadatta got married and left for his kingdom. Now a putreshti was performed by king Kusanabha in order to beget a son.

इष्ट्यां तु वर्तमानायां कुशनाभं महीपतिम्। उवाच परमोदार: कुशो ब्रह्मसुतस्तदा।।1.34.2।।

iṣṭyāṃ tu vartamānāyāṃ kuśanābhaṃ mahīpatim| uvāca paramodāra: kuśo brahmasutastadā

Then, while putreshti was on Kusa the highly generous son of Brahma, said to king Kusanabha :

पुत्रस्ते सदृश: पुत्र भविष्यति सुधार्मिक:। गाधिं प्राप्स्यसि तेन त्वं कीर्तिं लोके च शाश्वतीम्।।1.34.3।।

putraste sadṛśa: putra bhaviṣyati sudhārmika:| gādhiṃ prāpsyasi tena tvaṃ kīrtiṃ loke ca śāśvatīm

"O son, a highly virtuous son named Gadhi, similar to you will be born. Because of him you will obtain everlasting fame throughtout this world".

एवमुक्त्वा कुशो राम कुशनाभं महीपतिम्। जगामाकाशमाविश्य ब्रह्मलोकं सनातनाम्।।1.34.4।।

evamuktvā kuśo rāma kuśanābhaṃ mahīpatim| jagāmākāśamāviśya brahmalokaṃ sanātanām

"O Rama so saying to king Kusanabha, Kusa left through space for the eternal Brahmaloka".

कस्य चित्त्वथ कालस्य कुशनाभस्य धीमत:। जज्ञे परमधर्मिष्ठो गाधिरित्येव नामत:।।1.34.5।।

kasya cittvatha kālasya kuśanābhasya dhīmata:| jajñe paramadharmiṣṭho gādhirityeva nāmata:

After some time, a supremely righteous son by name Gadhi was born to the sagacious Kusanabha.

स पिता मम काकुत्स्थ गाधि: परमधार्मिक:। कुशवंशप्रसूतोऽस्मि कौशिको रघुनन्दन ।।1.34.6।।

sa pitā mama kākutstha gādhi: paramadhārmika:| kuśavaṃśaprasūto'smi kauśiko raghunandana

O son of Raghu's dynasty the highly virtuous Gadhi is my father. I am known as Kausika being born in the family of Kusa.

पूर्वजा भगिनी चापि मम राघव सुव्रता। नाम्ना सत्यवती नाम ऋचीके प्रतिपादिता।।1.34.7।।

pūrvajā bhaginī cāpi mama rāghava suvratā| nāmnā satyavatī nāma ṛcīke pratipāditā

O Raghava adherent of best religious practices, is my elder sister well known by name Satyavati. She was bestowed in marriage to Richika.

सशरीरा गता स्वर्गं भर्तारमनुवर्तिनी। कौशिकी परमोदारा प्रवृत्ता च महानदी।।1.34.8।।

saśarīrā gatā svargaṃ bhartāramanuvartinī| kauśikī paramodārā pravṛttā ca mahānadī

Following her husband my highly generous sister reached heaven with her human body and down assuming the form of a sacred river, flowed Kausiki.

दिव्या पुण्योदका रम्या हिमवन्तमुपाश्रिता। लोकस्य हितकामार्थं प्रवृत्ता भगिनी मम।।1.34.9।।

divyā puṇyodakā ramyā himavantamupāśritā| lokasya hitakāmārthaṃ pravṛttā bhaginī mama

Conferring the benefit of the other world and worldly pleasures on men my sister Kausiki who is divine and beautiful having sacred waters took resort in Himavat mountain and started flowing from there.

ततोऽहं हिमवत्पार्श्वे वसामि निरतस्सुखम्। भगिन्यां स्नेहसंयुक्त: कौशिक्यां रघुनन्दन।।1.34.10।।

tato'haṃ himavatpārśve vasāmi niratassukham| bhaginyāṃ snehasaṃyukta: kauśikyāṃ raghunandana

O son of the Raghus', from then onwards with affection towards my sister Kausiki, I am living happily in the vicinity of Himavat mountains.

सा तु सत्यवती पुण्या सत्ये धर्मे प्रतिष्ठिता। पतिव्रता महाभागा कौशिकी सरितां वरा।।1.34.11।।

sā tu satyavatī puṇyā satye dharme pratiṣṭhitā| pativratā mahābhāgā kauśikī saritāṃ varā

Satyavati is sacred, firmly established in truth and righteousness. She is chaste holy and best among rivers. She is known as river Kausiki.

अहं हि नियमाद्राम हित्वा तां समुपागत:। सिद्धाश्रममनुप्राप्य सिद्धोऽस्मि तव तेजसा।।1.34.12।।

ahaṃ hi niyamādrāma hitvā tāṃ samupāgata:| siddhāśramamanuprāpya siddho'smi tava tejasā

Rama, for the sake of observance of austerity I have come to Siddhaashrama leaving her behind. Having reached here, I have fulfilled my desire through your valour.

एषा राम ममोत्पत्तिस्स्वस्य वंशस्य कीर्तिता। देशस्य च महाबाहो यन्मां त्वं परिपृच्छसि।।1.34.13।।

eṣā rāma mamotpattissvasya vaṃśasya kīrtitā| deśasya ca mahābāho yanmāṃ tvaṃ paripṛcchasi

O mightyarmed Rama since you asked me I narrated this, my origin, the history of my family and the history of this place.

गतोऽर्धरात्र: काकुत्स्थ कथा: कथयतो मम। निद्रामभ्येहि भद्रं ते मा भूद्विघ्नोऽध्वनीह न:।।1.34.14।।

gato'rdharātra: kākutstha kathā: kathayato mama| nidrāmabhyehi bhadraṃ te mā bhūdvighno'dhvanīha na:

O son of the Kakusthas while telling my stories, midnight has passed by. Go to sleep now. Prosperity to you. Let there be no obstacles on our way.

निष्पन्दास्तरवस्सर्वे निलीनमृगपक्षिण:। नैशेन तमसा व्याप्ता दिशश्च रघुनन्दन।।1.34.15।।

niṣpandāstaravassarve nilīnamṛgapakṣiṇa:| naiśena tamasā vyāptā diśaśca raghunandana

O son of the Raghus' the trees stand motionless, with the beasts and birds calm, all directions are pervaded with darkness.

शनैर्वियुज्यते सन्ध्या नभो नेत्रैरिवावृतम् । नक्षत्रतारागहनं ज्योतिर्भिरिव भासते।।1.34.16।।

śanairviyujyate sandhyā nabho netrairivāvṛtam | nakṣatratārāgahanaṃ jyotirbhiriva bhāsate

Evening has gradually disappeared. The sky is littered with stars and planets gleaming points of light as though they are the eyes of the skies.

उत्तिष्ठति च शीतांशुश्शशी लोकतमोनुद:। ह्लादयन् प्राणिनां लोके मनांसि प्रभया विभो।।1.34.17।।

uttiṣṭhati ca śītāṃśuśśaśī lokatamonuda:| hlādayan prāṇināṃ loke manāṃsi prabhayā vibho

O Lord the Moon with his cool rays, dispelling the darkness of the earth and delighting the minds of all living beings in this world, is rising higher and higher.

नैशानि सर्वभूतानि प्रचरन्ति ततस्तत:। यक्षराक्षससङ्घाश्च रौद्राश्च पिशिताशना:।।1.34.18।।

naiśāni sarvabhūtāni pracaranti tatastata:| yakṣarākṣasasaṅghāśca raudrāśca piśitāśanā:

All nocturnal creatures groups of yakshas and rakshasas and dreadful eaters of human flesh are moving here and there".

एवमुक्त्वा महातेजा विरराम महामुनि:। साधु साध्विति तं सर्वे ऋषयो ह्यभ्यपूजयन्।।1.34.19।।

evamuktvā mahātejā virarāma mahāmuni:| sādhu sādhviti taṃ sarve ṛṣayo hyabhyapūjayan

Having spoken thus the highly lustrous, great ascetic rested. All sages praised him, saying, "wellsaid wellsaid"

कुशिकानामयं वंशो महान् धर्मपरस्सदा। ब्रह्मोपमा महात्मान: कुशवंश्या नरोत्तमा:।।1.34.20।।

kuśikānāmayaṃ vaṃśo mahān dharmaparassadā| brahmopamā mahātmāna: kuśavaṃśyā narottamā:

This is the family of the Kusas, venerable always devoted to dharma, foremost of men, great like Lord Brahma.

विशेषेण भवानेव विश्वामित्रो महायशा:। कौशिकी सरितां श्रेष्ठा कुलोद्योतकरी तव।।1.34.21।।

viśeṣeṇa bhavāneva viśvāmitro mahāyaśā:| kauśikī saritāṃ śreṣṭhā kulodyotakarī tava

"Highly illustrious Viswamitra, you are similar to Brahma. Among the rivers, Kausiki is the best, refurbishing the image of your dynasty".

इति तैर्मुनिशार्दूलै: प्रशस्त: कुशिकात्मज: । निद्रामुपागमच्छ्रीमान् अस्तंगत इवांशुमान्।।1.34.22।।

iti tairmuniśārdūlai: praśasta: kuśikātmaja: | nidrāmupāgamacchrīmān astaṃgata ivāṃśumān

In this way, adored by the best of ascetics, the auspicious son of Kusika, went to sleep like the lustrous Sun setting.

रामोऽपि सहसौमित्रि: किञ्चिदागतविस्मय:। प्रशस्य मुनिशार्दूलं निद्रां समुपसेवते।।1.34.23।।

rāmo'pi sahasaumitri: kiñcidāgatavismaya:| praśasya muniśārdūlaṃ nidrāṃ samupasevate

Rama as well as Lakshmana, with a sense of wonder went to sleep full of admiration for the great ascetic. इत्यार्षे श्रीमद्रामायणे वाल्मीकीय आदिकाव्ये बालकाण्डेण्डे चतुस्त्रिंशस्सर्ग:।। Thus ends the thirtyfourth sarga of Balakanda of the holy Ramayana the first epic composed by sage Valmiki.