Bala Kanda, Sarga 30

अथ तौ देशकालज्ञौ राजापुत्रावरिन्दमौ। देशे काले च वाक्यज्ञावब्रूतां कौशिकं वच:।।1.30.1।।

atha tau deśakālajñau rājāputrāvarindamau| deśe kāle ca vākyajñāvabrūtāṃ kauśikaṃ vaca:

Thus spoke the two princes to Viswamitra. They were conscious of place and time to speak and capable of conquering enemies.

भगवन् श्रोतुमिच्छावो यस्मिन् काले निशाचरौ। संरक्षणीयौ तौ ब्रह्मन्नातिवर्तेत तत्क्षणम्।।1.30.2।।

bhagavan śrotumicchāvo yasmin kāle niśācarau| saṃrakṣaṇīyau tau brahmannātivarteta tatkṣaṇam

"O adorable Brahmarshi, we want to know around what time the rakshasas will make their appearance so that the sacrifice can be protected. Let not that moment pass".

एवं ब्रुवाणौ काकुत्स्थौ त्वरमाणौ युयुत्सया। सर्वे ते मुनय: प्रीता: प्रशशंसुर्नृपात्मजौ।।1.30.3।।

evaṃ bruvāṇau kākutsthau tvaramāṇau yuyutsayā| sarve te munaya: prītā: praśaśaṃsurnṛpātmajau

The sages (of the asrama) were very pleased. They extolled the princes of Kakustha dynasty, who were eager to fight the rakshasas.

अद्यप्रभृति षड्रात्रं रक्षतं राघवौ युवाम्। दीक्षां गतो ह्येष मुनिर्मौनित्वं च गमिष्यति।।1.30.4।।

adyaprabhṛti ṣaḍrātraṃ rakṣataṃ rāghavau yuvām| dīkṣāṃ gato hyeṣa munirmaunitvaṃ ca gamiṣyati

"O sons of Raghu's lineage protect the sacrifice for six nights from today. With the ceremoney initiated, the sage would observe silence said the inmates".

तौ तु तद्वचनं श्रुत्वा राजपुत्रौ यशस्विनौ। अनिद्रौ षडहोरात्रं तपोवनमरक्षताम्।।1.30.5।।

tau tu tadvacanaṃ śrutvā rājaputrau yaśasvinau| anidrau ṣaḍahorātraṃ tapovanamarakṣatām

At these words of the sages the illustrious princes got ready to protect the tapovana for six days and six nights without sleep.

उपासाञ्चक्रतुर्वीरौ यत्तौ परमधन्विनौ। ररक्षतुर्मुनिवरं विश्वामित्रमरिन्दमौ।।1.30.6।।

upāsāñcakraturvīrau yattau paramadhanvinau| rarakṣaturmunivaraṃ viśvāmitramarindamau

The two mighty, heroic archers (Rama and Lakshmana), destroyers of enemies attended upon the sacrifice in order to protect sage Viswamitra.

अथ काले गते तस्मिन् षष्ठेऽहनि समागते। सौमित्रिमब्रवीद्रामो यत्तो भव समाहित:।।1.30.7।।

atha kāle gate tasmin ṣaṣṭhe'hani samāgate| saumitrimabravīdrāmo yatto bhava samāhita:

Time passed. When the sixth day arrived Rama cautioned Lakshmana to be vigilant.

रामस्यैवं ब्रुवाणस्य त्वरितस्य युयुत्सया। प्रजज्वाल ततो वेदिस्सोपाध्यायपुरोहिता।।1.30.8।।

rāmasyaivaṃ bruvāṇasya tvaritasya yuyutsayā| prajajvāla tato vedissopādhyāyapurohitā

While he was fracing up for a fight, the fire on the sacrificial altar with the officiating priests and spiritual guides suddenly brightened.

सदर्भचमसस्रुक्का ससमित्कुसुमोच्चया। विश्वामित्रेण सहिता वेदिर्जज्वाल सर्त्विजा।।1.30.9।।

sadarbhacamasasrukkā sasamitkusumoccayā| viśvāmitreṇa sahitā vedirjajvāla sartvijā

The altar with Viswamitra and the officiating priests, kusa grass, ladles and square vessels, bundles of sticks and flowers, (used in the sacrificfial fire) got brightened up.

मन्त्रवच्च यथान्यायं यज्ञोऽसौ सम्प्रवर्तते। आकाशे च महान् शब्द: प्रादुरासीद्भयानक:।।1.30.10।।

mantravacca yathānyāyaṃ yajño'sau sampravartate| ākāśe ca mahān śabda: prādurāsīdbhayānaka:

While the sacrifice was being performed in accordance with mantras, a great sound causing fear emerged from the sky.

आवार्य गगनं मेघो यथा प्रावृषि निर्गत:। तथामायां विकुर्वाणौ राक्षसावभ्यधावताम्।।1.30.11।।

āvārya gaganaṃ megho yathā prāvṛṣi nirgata:| tathāmāyāṃ vikurvāṇau rākṣasāvabhyadhāvatām

Like the clouds in the rainy season, the two rakshasas (Maricha and Subahu), covering the sky through their power of illusion, came running (to the sacrificial place).

मारीचश्च सुबाहुश्च तयोरनुचराश्च ये। आगम्य भीमसङ्काशा रुधिरौघमवासृजन्।।1.30.12।।

mārīcaśca subāhuśca tayoranucarāśca ye| āgamya bhīmasaṅkāśā rudhiraughamavāsṛjan

Maricha and Subahu of fearful appearance arrived with their followers and rained streams of blood (on the sacrificial altar).

सा तेन रुधिरौघेण वेदिर्जज्वाल मण्डिता। सहसाऽभिद्रुतो रामस्तानपश्य त्ततो दिवि।।1.30.13।।

sā tena rudhiraugheṇa vedirjajvāla maṇḍitā| sahasā'bhidruto rāmastānapaśya ttato divi

Flames rose on the sacrificial altar drenched by the stream of blood. Immediately Rama rushed forward and beheld them in the sky.

तावापतन्तौ सहसा दृष्ट्वा राजीवलोचन:। लक्ष्मणं त्वभिसम्प्रेक्ष्य रामो वचनमब्रवीत्।।1.30.14।।

tāvāpatantau sahasā dṛṣṭvā rājīvalocana:| lakṣmaṇaṃ tvabhisamprekṣya rāmo vacanamabravīt

Having seen them (Maricha and Subahu) suddenly advancing the lotuseyed Rama gazed at Lakshmana and said:

पश्य लक्ष्मण दुर्वृत्तान् राक्षसान् पिशिताशनान्। मानवास्त्रसमाधूताननिलेन यथा घनान्।।1.30.15।।

paśya lakṣmaṇa durvṛttān rākṣasān piśitāśanān| mānavāstrasamādhūtānanilena yathā ghanān

"O Lakshmana, behold, by manavaastra I shall chase, like clouds scattered by winds those wicked rakshasas who eat human flesh".

मानवं परमोदारमस्त्रं परमभास्वरम्। चिक्षेप परमक्रुद्धो मारीचोरसि राघव:।।1.30.16।।

mānavaṃ paramodāramastraṃ paramabhāsvaram| cikṣepa paramakruddho mārīcorasi rāghava:

The inflamed Rama hurled the highly powerful and effulgent Manavaastra on the chest of Maricha.

स तेन परमास्त्रेण मानवेन समाहित:। संपूर्णं योजनशतं क्षिप्तस्सागरसम्प्लवे।।1.30.17।।

sa tena paramāstreṇa mānavena samāhita:| saṃpūrṇaṃ yojanaśataṃ kṣiptassāgarasamplave

Smitten by that powerful Manavaastra, Maricha was thrown to a full distance of hundred yojanas into the surging high seas.

विचेतनं विघूर्णन्तं शीतेषु बलताडितम्। निरस्तं दृश्य मारीचं रामो लक्ष्मणमब्रवीत्।।1.30.18।।

vicetanaṃ vighūrṇantaṃ śīteṣu balatāḍitam| nirastaṃ dṛśya mārīcaṃ rāmo lakṣmaṇamabravīt

Having seen Maricha beaten by the power of that coolarrowed astra, thrown to a distance, reeling and lying unconscious, Rama spoke to Lakshmana:

पश्य लक्ष्मण शीतेषुं मानवं धर्मसंहितम्। मोहयित्वा नयत्येनं न च प्राणैर्व्ययुज्यत।।1.30.19।।

paśya lakṣmaṇa śīteṣuṃ mānavaṃ dharmasaṃhitam| mohayitvā nayatyenaṃ na ca prāṇairvyayujyata

"O Lakshmana behold this Manavaastra associated with righteousness employing a cool arrow, which carries him away by making him unconscious and yet not taking his life.

इमानपि वधिष्यामि निर्घृणान् दुष्टचारिण:। राक्षसान् पापकर्मस्थान् यज्ञघ्नान् रुधिराशनान्।।1.30.20।।

imānapi vadhiṣyāmi nirghṛṇān duṣṭacāriṇa:| rākṣasān pāpakarmasthān yajñaghnān rudhirāśanān

"I shall slay these merciless, wicked, doers of sinful acts, destroyers of sacrifices and blood-thirsty rakshasas ".

सङ्गृह्यास्त्रं ततो रामो दिव्यमाग्नेयमद्भुतम्। सुबाहूरसि चिक्षेप सविद्ध: प्रापतद्भुवि।।1.30.21।।

saṅgṛhyāstraṃ tato rāmo divyamāgneyamadbhutam| subāhūrasi cikṣepa saviddha: prāpatadbhuvi

Then Rama took hold of the celestial, marvellous Agneya weapon and hurled it into the chest of Subahu. Struck, Subahuhe fell down on the ground.

शेषान् वायव्यमादाय निजघान महायशा:। राघव: परमोदारो मुनीनां मुदमावहन्।।1.30.22।।

śeṣān vāyavyamādāya nijaghāna mahāyaśā:| rāghava: paramodāro munīnāṃ mudamāvahan

Illustrious and highly generous Rama killed the remaining rakshasas with the Vayavya weapon to the delight of the ascetics.

स हत्वा राक्षसान् सर्वान् यज्ञघ्नान् रघुनन्दन:। ऋषिभि: पूजितस्तत्र यथेन्द्रो विजये पुरा।।1.30.23।।

sa hatvā rākṣasān sarvān yajñaghnān raghunandana:| ṛṣibhi: pūjitastatra yathendro vijaye purā

Having killed the rakshasas, obstructors of sacrifices, Rama was worshipped by the hermits like Indra was honoured in the past when he was victorious.

अथ यज्ञे समाप्ते तु विश्वामित्रो महामुनि:। निरीतिका दिशो दृष्टवा काकुत्स्थमिदमब्रवीत्।।1.30.24।।

atha yajñe samāpte tu viśvāmitro mahāmuni:| nirītikā diśo dṛṣṭavā kākutsthamidamabravīt

Thereafter, when the sacrifice was completed, maharshi Viswamitra beholding all the directions bereft of evils, said to Rama: