Ayodhya Kanda, Sarga 72

अपश्यंस्तु ततस्तत्र पितरं पितुरालये। जगाम भरतो द्रष्टुं मातरं मातुरालये।।2.72.1।।

apaśyaṃstu tatastatra pitaraṃ piturālaye| jagāma bharato draṣṭuṃ mātaraṃ māturālaye

Not finding his father in his abode, Bharata went to see his mother in her apartment.

अनुप्राप्तं तु तं दृष्ट्वा कैकेयी प्रोषितं सुतम्। उत्पपात तदा हृष्टा त्यक्त्वा सौवर्णमासनम्।।2.72.2।।

anuprāptaṃ tu taṃ dṛṣṭvā kaikeyī proṣitaṃ sutam| utpapāta tadā hṛṣṭā tyaktvā sauvarṇamāsanam

On seeing her son, who was sent away, presently arriving, the delighted Kaikeyi sprang up from her golden seat.

स प्रविश्यैव धर्मात्मा स्वगृहं श्रीविवर्जितम्। भरतः प्रतिजग्राह जनन्याश्चरणौ शुभौ।।2.72.3।।

sa praviśyaiva dharmātmā svagṛhaṃ śrīvivarjitam| bharataḥ pratijagrāha jananyāścaraṇau śubhau

On entering home the righteous Bharata found it devoid of cheer and touched the auspicious feet of his mother (with reverence).

सा तं मूर्धन्युपाघ्राय परिष्वज्य यशस्विनम्। अङ्के भरतमारोप्य प्रष्टुं समुपचक्रमे।।2.72.4।।

sā taṃ mūrdhanyupāghrāya pariṣvajya yaśasvinam| aṅke bharatamāropya praṣṭuṃ samupacakrame

Kaikeyi, gave her illustrious son Bharata a hug, kissed him on his forehead, made him rest on her lap and began her query.

अद्य ते कतिचिद्रात्र्य श्च्युतस्याऽर्यकवेश्मनः। अपि नाध्वश्रमशशीघ्रं रथेनापततस्तव।।2.72.5।।

adya te katicidrātrya ścyutasyā'ryakaveśmanaḥ| api nādhvaśramaśaśīghraṃ rathenāpatatastava

How many nights have you spent (on the way) since you left your noble grandfather's residence? Hasn't the hurried journey (over such a long distance) on the chariot left you exhausted?

आर्यकस्ते सुकुशली युधाजिन्मातुलस्तव। प्रवासाच्च सुखं पुत्र सर्वं मे वक्तुमर्हसि।।2.72.6।।

āryakaste sukuśalī yudhājinmātulastava| pravāsācca sukhaṃ putra sarvaṃ me vaktumarhasi

My son are your revered grandfather and your maternal uncle Yudhajit doing well? Did you have a pleasant time during the sojourn? You should tell me all this.

एवं पृष्टस्तु कैकेय्या प्रियं पार्थिवनन्दनः। आचष्ट भरत स्सर्वं मात्रे राजीवलोचनः।।2.72.7।।

evaṃ pṛṣṭastu kaikeyyā priyaṃ pārthivanandanaḥ| ācaṣṭa bharata ssarvaṃ mātre rājīvalocanaḥ

Thus asked lovingly by his mother Kaikeyi, the lotuseyed Bharata, the king's delight narrated everything to her.

अद्य मे सप्तमी रात्रिश्च्युतस्याऽर्यकवेश्मनः। अम्बायाः कुशली तात युधाजिन्मातुलश्च मे।।2.72.8।।

adya me saptamī rātriścyutasyā'ryakaveśmanaḥ| ambāyāḥ kuśalī tāta yudhājinmātulaśca me

This is the seventh night since I left my noble grandsire's residence. My mother's father, king of Kekaya and my maternal uncle Yudhajit are doing well.

यन्मे धनं च रत्नं च ददौ राजा परन्तपः। परिश्रान्तं पथ्यभवत्ततोऽहं पूर्वमागतः।।2.72.9।।

yanme dhanaṃ ca ratnaṃ ca dadau rājā parantapaḥ| pariśrāntaṃ pathyabhavattato'haṃ pūrvamāgataḥ

The (horses carrying) the wealth including the gems which the king (of Kekaya), the subduer of enemies had bestowed on me were exhausted on the way. Therefore I have come in advance.

राजवाक्यहरैर्दूतैस्त्वर्यमाणोऽहमागतः। यदहं प्रष्टुमिच्छामि तदम्बा वक्तुमर्हति।।2.72.10।।

rājavākyaharairdūtaistvaryamāṇo'hamāgataḥ| yadahaṃ praṣṭumicchāmi tadambā vaktumarhati

Urged upon by the messengers carrying out the orders of the king, I have come. You, O mother, should answer the questions. I wish to ask you.

शून्योऽयं शयनीयस्ते पर्यङ्को हेमभूषितः। न चायमिक्ष्वाकुजनः प्रहृष्टः प्रतिभाति मा।।2.72.11।।

śūnyo'yaṃ śayanīyaste paryaṅko hemabhūṣitaḥ| na cāyamikṣvākujanaḥ prahṛṣṭaḥ pratibhāti mā

Your goldbedecked couch, worthy of resting lies empty. None of the attendants of the Ikshvakus look cheerful.

राजा भवति भूयिष्ठमिहाम्बाया निवेशने। तमहं नाद्य पश्यामि द्रष्टुमिच्छन्निहाऽगतः।।2.72.12।।

rājā bhavati bhūyiṣṭhamihāmbāyā niveśane| tamahaṃ nādya paśyāmi draṣṭumicchannihā'gataḥ

I had come here with the hope to see king Dasaratha who spends most of his time in my mother's residence. But today I do not see him .

पितुर्ग्रहीष्ये चरणौ तं ममाऽख्याहि पृच्छतः। आहोस्विदम्ब ज्येष्ठायाः कौसल्याया निवेशने।।2.72.13।।

piturgrahīṣye caraṇau taṃ mamā'khyāhi pṛcchataḥ| āhosvidamba jyeṣṭhāyāḥ kausalyāyā niveśane

I would like to pay obeisance at my father's feet. Will you answer my question, O mother, and tell me regarding his whereabouts? Or perchance could he be at the residence of my eldest mother Kausalya?

तं प्रत्युवाच कैकेयी प्रियवद्घोरमप्रियम्। अजानन्तं प्रजानन्ती राज्यलोभेन मोहिता।।2.72.14।।

taṃ pratyuvāca kaikeyī priyavadghoramapriyam| ajānantaṃ prajānantī rājyalobhena mohitā

In spite of knowing everything, Kaikeyi actuated by greed for the kingdom, broke the unpleasant and dreadful news as if it were pleasing to Bharata, who was ignorant of what had transpired.

या गतिस्सर्वभूतानां तां गतिं ते पिता गतः। राजा महत्मा तेजस्वी यायजूकस्सतां गतिः।।2.72.15।।

yā gatissarvabhūtānāṃ tāṃ gatiṃ te pitā gataḥ| rājā mahatmā tejasvī yāyajūkassatāṃ gatiḥ

Your highsouled, brilliant father ever engaged in performing sacrifices and a refuge for the virtuous people, went the inevitable way every living being must follow (attained heaven).

तच्छ्रुत्वा भरतो वाक्यं धर्माभिजनवाञ्चुचिः। पपात सहसा भूमौ पितृशोकबलार्दितः।।2.72.16।।

tacchrutvā bharato vākyaṃ dharmābhijanavāñcuciḥ| papāta sahasā bhūmau pitṛśokabalārditaḥ

On hearing these words, he (Bharata), born of a righteous race and endowed with purity of character was shattered by the immense grief of his father's demise and dropped down instantaneously on the floor.

हा हतोऽस्मीति कृपणां दीनां वाचमुदीरयन्। निपपात महाबाहुर्बाहू विक्षिप्य वीर्यवान्।।2.72.17।।

hā hato'smīti kṛpaṇāṃ dīnāṃ vācamudīrayan| nipapāta mahābāhurbāhū vikṣipya vīryavān

The mightyarmed, valiant Bharata, uttering pitiable words, evoking compassion. Alas, I am finished fell down at once throwing up his arms.

ततश्शोकेन संवीतः पितुर्मरणदुःखितः। विललाप महातेजा भ्रान्ताकुलितचेतनः।।2.72.18।।

tataśśokena saṃvītaḥ piturmaraṇaduḥkhitaḥ| vilalāpa mahātejā bhrāntākulitacetanaḥ

Overwhelmed with grief, radiant Bharata reeling with delusion due to sorrow, lamented over the death of his father.

एतत्सुरुचिरं भाति पितुर्मे शयनं पुरा। शशिनेवामलं रात्रौ गगनं तोयदात्यये।।2.72.19।।

etatsuruciraṃ bhāti piturme śayanaṃ purā| śaśinevāmalaṃ rātrau gaganaṃ toyadātyaye

This couch of my father once used to shine like the spotless night sky irradiated by the autumnal Moon.

तदिदं न विभात्यद्य विहीनं तेन धीमता। व्योमेव शशिना हीनमप्च्छुष्क इव सागरः।।2.72.20।।

tadidaṃ na vibhātyadya vihīnaṃ tena dhīmatā| vyomeva śaśinā hīnamapcchuṣka iva sāgaraḥ

But today this couch without my sagacious father no longer shines like the sky without the Moon or like the sea evaporated.

बाष्पमुत्सृज्य् कण्ठेन स्वात्मना परमपीडितः। आच्छाद्य वदनं श्रीमद्वस्त्रेण जयतां वरः।।2.72.21।।

bāṣpamutsṛjy kaṇṭhena svātmanā paramapīḍitaḥ| ācchādya vadanaṃ śrīmadvastreṇa jayatāṃ varaḥ

Bharata, the foremost among the victorious, clearing his tearchoked throat and covering his auspicious countenance with raiment, wept in profound distress with tears overflowing.

तमार्तं देवसङ्काशं समीक्ष्य पतितं भुवि। निकृत्तमिव सालस्य स्कन्धं परशुना वने।।2.72.22।। मत्तमातङ्गसङ्काशं चन्द्रार्कसदृशं भुवः। उत्थापयित्वा शोकार्तं वचनं चेदमब्रवीत्।।2.72.23।।

tamārtaṃ devasaṅkāśaṃ samīkṣya patitaṃ bhuvi| nikṛttamiva sālasya skandhaṃ paraśunā vane mattamātaṅgasaṅkāśaṃ candrārkasadṛśaṃ bhuvaḥ| utthāpayitvā śokārtaṃ vacanaṃ cedamabravīt

Anguished and griefstricken, he who resembled the gods, fell down on the ground like a trunk of the sala tree in the forest severed by an axe. Seeing her son who was like a mighty elephant or like the Sun or the Moon, Kaikeyi lifted him up from the ground and spoke these words:

तमार्तं देवसङ्काशं समीक्ष्य पतितं भुवि। निकृत्तमिव सालस्य स्कन्धं परशुना वने।।2.72.22।। मत्तमातङ्गसङ्काशं चन्द्रार्कसदृशं भुवः। उत्थापयित्वा शोकार्तं वचनं चेदमब्रवीत्।।2.72.23।।

tamārtaṃ devasaṅkāśaṃ samīkṣya patitaṃ bhuvi| nikṛttamiva sālasya skandhaṃ paraśunā vane mattamātaṅgasaṅkāśaṃ candrārkasadṛśaṃ bhuvaḥ| utthāpayitvā śokārtaṃ vacanaṃ cedamabravīt

Anguished and griefstricken, he who resembled the gods, fell down on the ground like a trunk of the sala tree in the forest severed by an axe. Seeing her son who was like a mighty elephant or like the Sun or the Moon, Kaikeyi lifted him up from the ground and spoke these words:

उत्तिष्ठोत्तिष्ठ किं शेषे राजपुत्र महायशः। त्वद्विधा नहि शोचन्ति सन्त स्सदसि सम्मताः।।2.72.24।।

uttiṣṭhottiṣṭha kiṃ śeṣe rājaputra mahāyaśaḥ| tvadvidhā nahi śocanti santa ssadasi sammatāḥ

O illustrious prince arise, arise. Why are you lying down on the floor? Learned people like you, who are worthy of honour in the assembly ought not to grieve like this.

दानयज्ञाधिकारा हि शीलश्रुतिवचोऽनुगा। बुद्धिस्ते बुद्धिसम्पन्न प्रभेवार्कस्य मन्दिरे।।2.72.25।।

dānayajñādhikārā hi śīlaśrutivaco'nugā| buddhiste buddhisampanna prabhevārkasya mandire

O highly intelligent one, by your wisdom, virtuous conduct and scriptural knowledge you are entitled to dispense charity and perform sacrifices. You will always shine incessantly like light of the Sun.

स रुदित्वा चिरं कालं भूमौ विपरिवृत्य च। जननीं प्रत्युवाचेदं शोकैर्बहुभिरावृतः।।2.72.26।।

sa ruditvā ciraṃ kālaṃ bhūmau viparivṛtya ca| jananīṃ pratyuvācedaṃ śokairbahubhirāvṛtaḥ

Bharata engulfed in profuse sorrow wept for a long time rolling on the ground and then said these words in reply to his mother:

अभिषेक्ष्यति रामं नु राजा यज्ञं नु यक्ष्यते। इत्यहं कृतसङ्कल्पो हृष्टो यात्रामयासिषम्।।2.72.27।।

abhiṣekṣyati rāmaṃ nu rājā yajñaṃ nu yakṣyate| ityahaṃ kṛtasaṅkalpo hṛṣṭo yātrāmayāsiṣam

Thinking that the king is about to consecrate Rama or perform some sacrifice, I undertook the journey in great delight.

तदिदं ह्यन्यथा भूतं व्यवदीर्णं मनो मम। पितरं यो न पश्यामि नित्यं प्रियहिते रतम्।।2.72.28।।

tadidaṃ hyanyathā bhūtaṃ vyavadīrṇaṃ mano mama| pitaraṃ yo na paśyāmi nityaṃ priyahite ratam

Now everything has turned out to be different. My mind is shattered.I no longer behold my father who is ever intent on my welfare and happiness.

अम्ब केनात्यगाद्राजा व्याघिना मय्यनागते। धन्या रामादयस्सर्वे यैः पिता संस्कृत स्स्वयम्।।2.72.29।।

amba kenātyagādrājā vyāghinā mayyanāgate| dhanyā rāmādayassarve yaiḥ pitā saṃskṛta ssvayam

O mother what ailment caused the king's death before I could return? How fortunate are Rama and others by whom the last rites of my father were performed

न नूनं मां महाराजः प्राप्तं जानाति कीर्तिमान्। उपजिघ्रेद्धि मूर्ध्नि तात स्सन्नम्य सत्वरम्।।2.72.30।।

na nūnaṃ māṃ mahārājaḥ prāptaṃ jānāti kīrtimān| upajighreddhi mūrdhni tāta ssannamya satvaram

Surely the illustrious maharaja is not aware of my arrival. Otherwise he would have quickly bent my head and kissed me on my forehead.

क्व स पाणिस्सुखस्पर्शस्तातस्याक्लिष्टकर्मणः। येन मां रजसा ध्वस्तमभीक्ष्णं परिमार्जति।।2.72.31।।

kva sa pāṇissukhasparśastātasyākliṣṭakarmaṇaḥ| yena māṃ rajasā dhvastamabhīkṣṇaṃ parimārjati

Where is that hand of my father of unwearied actions, the hand that would wipe away the dust from my person with a pleasant touch?

यो मे भ्राता पिता बन्धुर्यस्य दासोऽस्मि धीमतः। तस्य मां शीघ्रमाख्याहि रामस्याक्लिष्टकर्मणः।।2.72.32।।

yo me bhrātā pitā bandhuryasya dāso'smi dhīmataḥ| tasya māṃ śīghramākhyāhi rāmasyākliṣṭakarmaṇaḥ

Announce at once my arrival to the wise Rama, the man of unwearied actions, my brother, father and friend whose slave I am.

पिता हि भवति ज्येष्ठो धर्ममार्यस्य जानतः। तस्य पादौ ग्रहीष्यामि स हीदानीं गतिर्मम।।2.72.33।।

pitā hi bhavati jyeṣṭho dharmamāryasya jānataḥ| tasya pādau grahīṣyāmi sa hīdānīṃ gatirmama

To one who knows the ways of righteousness the elder brother is (like) the father. Indeed, he (Rama) is my refuge and I shall hold his feet now.

धर्मविद्धर्मनित्यश्च सत्यसन्धो दृढव्रतः। आर्यः किमब्रवीद्राजा पिता मे सत्यविक्रमः।।2.72.34।।

dharmaviddharmanityaśca satyasandho dṛḍhavrataḥ| āryaḥ kimabravīdrājā pitā me satyavikramaḥ

What did my father, the noble king, conversant with righteous conduct, true, to his vows, one who always conducted himself in a righteous manner, whose truth was his prowess (at the time of his death)?

पश्चिमं साधु सन्देशमिच्छामि श्रोतुमात्मनः। इति पृष्टा यथातत्त्वं कैकेयी वाक्यमब्रवीत्।।2.72.35।।

paścimaṃ sādhu sandeśamicchāmi śrotumātmanaḥ| iti pṛṣṭā yathātattvaṃ kaikeyī vākyamabravīt

I want to hear the exact words of my father's last message to me. Thus questioned (by Bharata), Kaikeyi related the exact facts:

रामेति राजा विलपन् हा सीते लक्ष्मणेति च। स महात्मा परं लोकं गतो गतिमतां वरः।।2.72.36।।

rāmeti rājā vilapan hā sīte lakṣmaṇeti ca| sa mahātmā paraṃ lokaṃ gato gatimatāṃ varaḥ

The magnanimous king, the foremost of those who attained the excellent state after, death, went to the other world, lamenting 'O Rama, O Sita, O Lakshamana'.

इमां तु पश्चिमां वाचं व्याजहार पिता तव। कालधर्मपरिक्षिप्तः पाशैरिव महागजः।।2.72.37।।

imāṃ tu paścimāṃ vācaṃ vyājahāra pitā tava| kāladharmaparikṣiptaḥ pāśairiva mahāgajaḥ

Your father, caught by the noose of death, like a great elephant bound by cords, uttered these last words:

सिद्धार्थास्ते नरा राममागतं सह सीतया। लक्ष्मणं च महाबाहुं द्रक्ष्यन्ति पुनरागतम्।।2.72.38।।

siddhārthāste narā rāmamāgataṃ saha sītayā| lakṣmaṇaṃ ca mahābāhuṃ drakṣyanti punarāgatam

'Those men who will see Rama returning home along with Sita and mightyarmed Lakshmana, will have their desires fulfilled.'

तच्छ्रुत्वा विषसादैव द्वितीयाप्रियशंसनात्। विषण्णवदनो भूत्वा भूयः पप्रच्छ मातरम्।।2.72.39।।

tacchrutvā viṣasādaiva dvitīyāpriyaśaṃsanāt| viṣaṇṇavadano bhūtvā bhūyaḥ papraccha mātaram

Bharata was more distraught on hearing the words that conveyed the second unpleasant tidings. With downcast countenance, he again enquired of his mother thus:

क्व चेदानीं स धर्मात्मा कौसल्यानन्दवर्धनः। लक्ष्मणेन सह भ्रात्रा सीतया च समं गतः।।2.72.40।।

kva cedānīṃ sa dharmātmā kausalyānandavardhanaḥ| lakṣmaṇena saha bhrātrā sītayā ca samaṃ gataḥ

Where has righteous Rama who enhances the delight of Kausalya along with his brother Lakshmana and Sita gone now?

तथा पृष्टा यथातत्त्वमाख्यातुमुपचक्रमे। मातास्य सुमहद्वाक्यं विप्रियं प्रियशङ्कया।।2.72.41।।

tathā pṛṣṭā yathātattvamākhyātumupacakrame| mātāsya sumahadvākyaṃ vipriyaṃ priyaśaṅkayā

Thus questioned, his mother started relating the exact events, presuming them to be pleasant tidings (for Bharata).

स हि राजसुतः पुत्र चीरवासा महावनम्। दण्डकान्सह वैदेह्या लक्ष्मणानुचरो गतः।।2.72.42।।

sa hi rājasutaḥ putra cīravāsā mahāvanam| daṇḍakānsaha vaidehyā lakṣmaṇānucaro gataḥ

O my son, prince Rama attired in garments of bark along with Sita and followed by Lakshmana left for the great Dandaka forest.

तच्छ्रुत्वा भरतस्त्रस्तो भ्रातुश्चारित्रशङ्कया। स्वस्य वंशस्य महात्म्यात्प्रष्टुं समुपचक्रमे।।2.72.43।।

tacchrutvā bharatastrasto bhrātuścāritraśaṅkayā| svasya vaṃśasya mahātmyātpraṣṭuṃ samupacakrame

Conscious of the glory of his race, Bharata continued to enquire if there was any unrighteous conduct on the part of his brother.

कच्चिन्न ब्राह्मणधनं हृतं रामेण कस्यचित्। कच्चिन्नाढ्यो दरिद्रो वा तेनापापो विहिंसितः।।2.72.44।।

kaccinna brāhmaṇadhanaṃ hṛtaṃ rāmeṇa kasyacit| kaccinnāḍhyo daridro vā tenāpāpo vihiṃsitaḥ

I hope Rama did not seize the wealth of any brahmin nor did any harm to an innocent person, whether rich or poor.

कच्चिन्न परदारान्वा राजपुत्रोऽभिमन्यते। कस्मात्स दण्डकारण्ये भ्रूणहेव विवासितः।।2.72.45।।

kaccinna paradārānvā rājaputro'bhimanyate| kasmātsa daṇḍakāraṇye bhrūṇaheva vivāsitaḥ

I hope he did not covet another man's wife. Like a sinner who had slain a child in embryo why has he been banished to Dandaka forest?

अथास्य चपला माता तत्स्वकर्म यथातथम्। तेनैव स्त्रीस्वभावेन व्याहर्तुमुपचक्रमे।।2.72.46।।

athāsya capalā mātā tatsvakarma yathātatham| tenaiva strīsvabhāvena vyāhartumupacakrame

Then the capricious mother, with the same feminine disposition which she had displayed earlier, started giving a faithful account of all her deeds.

एवमुक्ता तु कैकेयी भरतेन महात्मना। उवाच वचनं हृष्टा मूढा पण्डितमानिनी।।2.72.47।।

evamuktā tu kaikeyī bharatena mahātmanā| uvāca vacanaṃ hṛṣṭā mūḍhā paṇḍitamāninī

On hearing the words of great Bharata, that foolish woman Kaikeyi thinking herself to be wise, cheerfully said:

न ब्राह्मणधनं किञ्चिद्धृतं रामेण कस्यचित् कश्चिन्नाढ्यो दरिद्रो तेनापापो विहिंसितः। न रामः परदारांश्च चक्षुर्भ्यामपि पश्यति।।2.72.48।।

na brāhmaṇadhanaṃ kiñciddhṛtaṃ rāmeṇa kasyacit kaścinnāḍhyo daridro tenāpāpo vihiṃsitaḥ| na rāmaḥ paradārāṃśca cakṣurbhyāmapi paśyati

Rama did not rob any brahmin of even a little wealth nor did he harm any innocent man, whether rich or poor. He never casts his eyes on another's wife.

मया तु पुत्र श्रुत्वैव रामस्यैवाभिषेचनम्। याचितस्ते पिता राज्यं रामस्य च विवासनम्।।2.72.49।।

mayā tu putra śrutvaiva rāmasyaivābhiṣecanam| yācitaste pitā rājyaṃ rāmasya ca vivāsanam

My son, I on hearing of Rama's consecration asked your father to confer the kingdom on you and banish Rama.

स स्ववृत्तिं समास्थाय पिता ते तत्तऽथाकरोत्। रामश्च सह सौमित्रिः प्रेषितस्सह सीतया।।2.72.50।।

sa svavṛttiṃ samāsthāya pitā te tatta'thākarot| rāmaśca saha saumitriḥ preṣitassaha sītayā

Your father, faithful to his word, banished Rama along with Lakshmana and Sita.

तमपश्यन्प्रियंपुत्रं महीपालो महायशाः। पुत्रशोकपरिद्यूनः पञ्चत्वमुपपेदिवान्।।2.72.51।।

tamapaśyanpriyaṃputraṃ mahīpālo mahāyaśāḥ| putraśokaparidyūnaḥ pañcatvamupapedivān

The renowned ruler of the earth (king Dasaratha), unable to behold (the sorry state of) his beloved son and stricken by filial grief, merged into the five elements (died).

त्वयात्विदानीं धर्मज्ञ राजत्वमवलम्ब्यताम्। त्वत्कृते हि मया सर्वमिदमेवं विधं कृतम्।।2.72.52।।

tvayātvidānīṃ dharmajña rājatvamavalambyatām| tvatkṛte hi mayā sarvamidamevaṃ vidhaṃ kṛtam

O knower of dharma, assume kingship now. It is only for your sake that all this has been done by me.

मा शोकं मा च सन्तापं धैर्यमाश्रय पुत्रक। त्वदधीना हि नगरी राज्यं चैतदनामयम्।।2.72.53।।

mā śokaṃ mā ca santāpaṃ dhairyamāśraya putraka| tvadadhīnā hi nagarī rājyaṃ caitadanāmayam

My son, give up sorrow and agony and take recourse to courage. This city as well as the kingdom, free from all obstacles, is under your control.