Ayodhya Kanda, Sarga 34

ततः कमलपत्राक्षः श्यामो निरुपमो महान्। उवाच राम स्तं सूतं पितुराख्याहि मामिति।।2.34.1।।

tataḥ kamalapatrākṣaḥ śyāmo nirupamo mahān| uvāca rāma staṃ sūtaṃ piturākhyāhi māmiti

Let my father be informed of my arrival, said the lotuseyed, darkcomplexioned, venerable, peerless Rama to the charioteer.

स रामप्रेषितः क्षिप्रं सन्तापकलुषेन्द्रियः। प्रविश्य नृपतिं सूतो निश्वसन्तं ददर्श ह ।।2.34.2।।

sa rāmapreṣitaḥ kṣipraṃ santāpakaluṣendriyaḥ| praviśya nṛpatiṃ sūto niśvasantaṃ dadarśa ha

At the command of Rama, charioteer Sumantra whose senses were overwhelmed with grief quickly entered the apartment of the king and found him heaving sighs.

उपरक्तमिवादित्यं भस्मच्छन्नमिवानलम्। तटाकमिव निस्तोयमपश्यज्जगतीपतिम्।।2.34.3।।

uparaktamivādityaṃ bhasmacchannamivānalam| taṭākamiva nistoyamapaśyajjagatīpatim

He saw the lord of the world (Dasaratha) dull like the Sun in eclipse, like the fire covered with ashes, like a tank with its water dried up.

आलोक्य तु महाप्राज्ञः परमाकुलचेतसम्। राममेवानुशोचन्तं सूतः प्राञ्जलिरासदत्।।2.34.4।।

ālokya tu mahāprājñaḥ paramākulacetasam| rāmamevānuśocantaṃ sūtaḥ prāñjalirāsadat

Seeing the king brooding over Rama, in an extremely agitated state, the sagacious charioteer approached him with folded hands.

तं वर्धयित्वा राजानं पूर्वं सूतो जयाशिषा। भयविक्लबया वाचा मन्दया श्लक्ष्णमब्रवीत्।।2.34.5।।

taṃ vardhayitvā rājānaṃ pūrvaṃ sūto jayāśiṣā| bhayaviklabayā vācā mandayā ślakṣṇamabravīt

At first greeting the king with the words 'victory be yours', the charioteer, trembling with fear, gently said in a feeble voice.

अयं स पुरुषव्याघ्रो द्वारि तिष्ठति ते सुतः। ब्राह्मणेभ्यो धनं दत्वा सर्वञ्चैवोपजीविनाम्।।2.34.6।।

ayaṃ sa puruṣavyāghro dvāri tiṣṭhati te sutaḥ| brāhmaṇebhyo dhanaṃ datvā sarvañcaivopajīvinām

Your son Rama, the best of men, having given away his entire wealth in charity to brahmins and to all the dependents is waiting at the entrance.

स त्वा पश्यतु भद्रं ते रामस्सत्यपराक्रमः। सर्वान् सुहृद आपृच्छ्य त्वामिदानीं दिदृक्षते।।1.34.7।।

sa tvā paśyatu bhadraṃ te rāmassatyaparākramaḥ| sarvān suhṛda āpṛcchya tvāmidānīṃ didṛkṣate

Be blessed audience may be granted to Rama who possesses proven prowess, and now waits, after taking leave of his friends, to see you.

गमिष्यति महारण्यं तं पश्य जगतीपते। वृतं राजगुणै स्सर्वैरादित्यमिव रश्मिभिः।।2.34.8।।

gamiṣyati mahāraṇyaṃ taṃ paśya jagatīpate| vṛtaṃ rājaguṇai ssarvairādityamiva raśmibhiḥ

O Lord of the world behold him embellished with all princely virtues like the Sun encircled with its rays, (now) leaving for the forest.

स सत्यवादी धर्मात्मा गाम्भीर्यात्सागरोपमः। आकाश इव निष्पङ्को नरेन्द्रः प्रत्युवाच तम्।।2.34.9।।

sa satyavādī dharmātmā gāmbhīryātsāgaropamaḥ| ākāśa iva niṣpaṅko narendraḥ pratyuvāca tam

That truthful and virtuous king (Dasaratha) who was deep like the ocean and free from mud (pure) like the sky replied:

सुमंन्त्रानय मे दारान् ये केचिदिह मामकाः। दारैः परिवृतस्सर्वैर्द्रष्टुमिच्छामि धार्मिकम्।।2.34.10।।

sumaṃntrānaya me dārān ye kecidiha māmakāḥ| dāraiḥ parivṛtassarvairdraṣṭumicchāmi dhārmikam

O Sumantra bring all my consorts who are here. In the company of all my wives, I desire to give audience to virtuous Rama.

सोऽन्तःपुरमतीत्यैव स्त्रियस्ता वाक्यमब्रवीत्। आर्याह्वयति वो राजा गम्यतां तत्र मा चिरम्।।2.34.11।।

so'ntaḥpuramatītyaiva striyastā vākyamabravīt| āryāhvayati vo rājā gamyatāṃ tatra mā ciram

O venerable ones, king Dasaratha summons you. Go there without delay, said Sumantra to the king's consorts after crossing the inner apartment.

एवमुक्ताः स्त्रिय स्सर्वाः सुमन्त्रेण नृपाज्ञया। प्रचक्रमु स्तद्भवनं भर्तुराज्ञाय शासनम्।।2.34.12।।

evamuktāḥ striya ssarvāḥ sumantreṇa nṛpājñayā| pracakramu stadbhavanaṃ bharturājñāya śāsanam

Thus addressed by Sumantra in accordance with the king's order, all the women went to their husband's palace.

अर्धसप्तशतास्तास्तु प्रमदास्ताम्रलोचनाः। कौसल्यां परिवार्याथ शनैर्जग्मुर्धृतव्रताः।।2.34.13।।

ardhasaptaśatāstāstu pramadāstāmralocanāḥ| kausalyāṃ parivāryātha śanairjagmurdhṛtavratāḥ

Thereafter, Kausalya surrounded by three hundred and fifty ladies who were faithful to their vows, reached there slowly with their eyes turned copperred (in grief).

आगतेषु च दारेषु समवेक्ष्य महीपतिः। उवाच राजा तं सूतं सुमन्त्राऽनय मे सुतम्।।2.34.14।।

āgateṣu ca dāreṣu samavekṣya mahīpatiḥ| uvāca rājā taṃ sūtaṃ sumantrā'naya me sutam

Usher in my son (Rama), O Sumantra, said the lord of the world (king Dasaratha) to the charioteer on seeing his wives arrive.

स सूतो राममादाय लक्ष्मणं मैथिलीं तदा। जगामाभिमुखस्तूर्णं सकाशं जगतीपतेः।।2.34.15।।

sa sūto rāmamādāya lakṣmaṇaṃ maithilīṃ tadā| jagāmābhimukhastūrṇaṃ sakāśaṃ jagatīpateḥ

Then the charioteer fetched Rama, Lakshmana and Sita and advanced towards the king without delay.

स राजा पुत्रमायान्तं दृष्ट्वा दूरात्कृताञ्जलिम्। उत्पपातासनात्तूर्णमार्त स्त्रीजनसंवृतः।।2.34.16।।

sa rājā putramāyāntaṃ dṛṣṭvā dūrātkṛtāñjalim| utpapātāsanāttūrṇamārta strījanasaṃvṛtaḥ

When the king saw from a distance his son coming with folded hands, he, surrounded by the ladies and tormented with grief, stood up.

सोऽभिदुद्राव वेगेन रामं दृष्ट्वा विशाम्पतिः। तमसंप्राप्य दुःखार्तः पपात भुवि मूर्छितः।।2.34.17।।

so'bhidudrāva vegena rāmaṃ dṛṣṭvā viśāmpatiḥ| tamasaṃprāpya duḥkhārtaḥ papāta bhuvi mūrchitaḥ

At the sight of Rama, the lord of men (king Dasaratha), tortured with grief, immediately ran towards him but before he could reach him, fell unconscious on the floor.

तं रामोऽभ्यपतत् क्षिप्रं लक्ष्मणश्च महारथः। विसंज्ञमिव दुःखेन सशोकं नृपतिं तदा।।2.34.18।।

taṃ rāmo'bhyapatat kṣipraṃ lakṣmaṇaśca mahārathaḥ| visaṃjñamiva duḥkhena saśokaṃ nṛpatiṃ tadā

Rama and the mighty warrior Lakshmana, quickly reached the king who lay as though he had lost his senses due to grief.

स्त्रीसहस्रनिनादश्च संजज्ञे राजवेश्मनि। हा हा रामेति सहसा भूषणध्वनिमूर्छितः।।2.34.19।।

strīsahasraninādaśca saṃjajñe rājaveśmani| hā hā rāmeti sahasā bhūṣaṇadhvanimūrchitaḥ

All on a sudden there arose from (the mouths of) a thousand women of the palace cries of 'alas, alas, Rama' mingled with the tinkling sounds of their ornaments.

तं परिष्वज्य बाहुभ्यां तावुभौ रामलक्ष्मणौ। पर्यंङ्के सीतया सार्धं रुदन्तः समवेशयन्।।2.34.20।।

taṃ pariṣvajya bāhubhyāṃ tāvubhau rāmalakṣmaṇau| paryaṃṅke sītayā sārdhaṃ rudantaḥ samaveśayan

Thereafter Rama and Lakshmana assisted by Sita, lifted him wailing in their arms and laid him on a couch.

अथ रामो मुहूर्तेन लब्धसंज्ञं महीपतिम्। उवाच प्राञ्जलिर्भूत्वा शोकार्णवपरिप्लुतम्।।2.34.21।।

atha rāmo muhūrtena labdhasaṃjñaṃ mahīpatim| uvāca prāñjalirbhūtvā śokārṇavapariplutam

After the king regained his consciousness in a moment, Rama with folded hands said to him, who was immersed in a sea of sorrow:

आपृच्छे त्वां महाराज सर्वेषामीश्वरोऽसि नः। प्रस्थितं दण्डकारण्यं पश्य त्वं कुशलेन माम्।।2.34.22।।

āpṛcche tvāṃ mahārāja sarveṣāmīśvaro'si naḥ| prasthitaṃ daṇḍakāraṇyaṃ paśya tvaṃ kuśalena mām

O great king, I am asking leave of you, for you are lord of all of us. I am set to depart for the Dandaka forest. See me (off) in a cheerful mood.

लक्ष्मणं चानुजानीहि सीता चान्वेति मां वनम्। कारणैर्बहुभि स्तथ्यैर्वार्यमाणौ न चेच्छतः।।2.34.23।।

lakṣmaṇaṃ cānujānīhi sītā cānveti māṃ vanam| kāraṇairbahubhi stathyairvāryamāṇau na cecchataḥ

Allow Lakshmana and Sita to follow me into the forest. I tried to dissuade them with a number of reasons but they did not agree.

अनुजानीहि सर्वान्नः शोकमुत्सृज्य मानद। लक्ष्मणं मां च सीतां च प्रजापतिरिव प्रजाः।।2.34.24।।

anujānīhi sarvānnaḥ śokamutsṛjya mānada| lakṣmaṇaṃ māṃ ca sītāṃ ca prajāpatiriva prajāḥ

Discard your grief and, like Brahma, the creator, allow Lakshmana, Sita and me all of us, your subjects, O respector of men

प्रतीक्षमाणमव्यग्रमनुज्ञां जगतीपतेः। उवाच राजा सम्प्रेक्ष्य वनवासाय राघवम्।।2.34.25।।

pratīkṣamāṇamavyagramanujñāṃ jagatīpateḥ| uvāca rājā samprekṣya vanavāsāya rāghavam

On seeing Rama, unruffled, waiting for his permission to proceed to the forest, the lord of the earth, king Dasaratha said:

अहं राघव कैकेय्या वरदानेन मोहितः। अयोध्यायास्त्वमेवाद्य भव राजा निगृह्य माम्।।2.34.26।।

ahaṃ rāghava kaikeyyā varadānena mohitaḥ| ayodhyāyāstvamevādya bhava rājā nigṛhya mām

I have been deluded by Kaikeyi into bestowing boons. Imprison me and be now king of Ayodhya, O scion of the Raghu dynasty

एवमुक्तो नृपतिना रामो धर्मभृतां वरः। प्रत्युवाचाञ्जलिं कृत्वा पितरं वाक्यकोविदः।।2.34.27।।

evamukto nṛpatinā rāmo dharmabhṛtāṃ varaḥ| pratyuvācāñjaliṃ kṛtvā pitaraṃ vākyakovidaḥ

Thus spoken to by the king, Rama, skilled in speech and upholder of righteousness, replied to his father with folded palms:

भवान्वर्ष सहस्राय पृथिव्या नृपते पतिः। अहं त्वरण्येवत्स्यामि न मे कार्यं त्वयाऽनृतम्।।2.34.28।।

bhavānvarṣa sahasrāya pṛthivyā nṛpate patiḥ| ahaṃ tvaraṇyevatsyāmi na me kāryaṃ tvayā'nṛtam

You will remain the lord of this earth for a thousand years to come, O king As for me, I will dwell in the forest. Do not deviate from truth on my account.

नव पञ्च च वर्षाणि वनवासे विहृत्य ते। पुनःपादौ ग्रहीष्यामि प्रतिज्ञान्ते नराधिप।।2.34.29।।

nava pañca ca varṣāṇi vanavāse vihṛtya te| punaḥpādau grahīṣyāmi pratijñānte narādhipa

Having fulfilled the vow on the completion of fourteen years of wandering in the forest I shall come back to touch your feet, O lord of men

रुदन्नार्तः प्रियं पुत्रं सत्यपाशेन संयतः। कैकेय्या चोद्यमानस्तु मिथो राजा तमब्रवीत्।।2.34.30।।

rudannārtaḥ priyaṃ putraṃ satyapāśena saṃyataḥ| kaikeyyā codyamānastu mitho rājā tamabravīt

The king who was bound by the cord of truth and instigated by Kaikeyi said, wailing in distress:

श्रेयसे वृद्धये तात पुनरागमनाय च। गच्छस्वारिष्टमव्यग्रः पन्थानमकुतोभयम्।।2.34.31।।

śreyase vṛddhaye tāta punarāgamanāya ca| gacchasvāriṣṭamavyagraḥ panthānamakutobhayam

Go, my dear child, wish you wellMay your path be auspicious, free from obstacles and fear (from any quarters). Come back (after fulfilment of the pledge)

न हि सत्यात्मनस्तात धर्माभिमनस स्तव। विनिवर्तयितुं बुद्धिः शक्यते रघुनन्दन।।2.34.32।।

na hi satyātmanastāta dharmābhimanasa stava| vinivartayituṃ buddhiḥ śakyate raghunandana

O my beloved son O delight of the Raghus you are devoted to truth and duty. It is difficult to dissuade you from your resolve .

अद्य त्विदानीं रजनीं पुत्र मा गच्छ सर्वथा। एकाहदर्शनेनापि साधु तावच्चराम्यहम्।।2.34.33।।

adya tvidānīṃ rajanīṃ putra mā gaccha sarvathā| ekāhadarśanenāpi sādhu tāvaccarāmyaham

O son, by all means, do not go now, today, tonight Give me, at least, one day more to see (by with) you to my satisfaction.

मातरं मां च सम्पश्यन् वसेमामद्य शर्वरीम्। तर्पित स्सर्वकामैस्त्वं श्वः काले साधयिष्यसि।।।2.34.34।।

mātaraṃ māṃ ca sampaśyan vasemāmadya śarvarīm| tarpita ssarvakāmaistvaṃ śvaḥ kāle sādhayiṣyasi|

Stay tonight in the company of your mother and me. With all our desire satisfied, you can set out tomorrow at the appropriate time.

दुष्करं क्रियते पुत्र सर्वथा राघव त्वया। मत्प्रियार्थं प्रियांस्त्यक्त्वा यद्यासि विजनं वनम्।।2.34.35।।

duṣkaraṃ kriyate putra sarvathā rāghava tvayā| matpriyārthaṃ priyāṃstyaktvā yadyāsi vijanaṃ vanam

O my son, O descendant of the Raghus, you are called upon to accomplish, by all means, a very difficult task. For the sake of my pleasure you are forsaking your dear ones and going to the desolate forest.

न चैतन्मे प्रियं पुत्र शपे सत्येन राघव। छन्नया चलितस्त्वस्मि स्त्रिया छन्नाग्निकल्पया।।2.34.36।।

na caitanme priyaṃ putra śape satyena rāghava| channayā calitastvasmi striyā channāgnikalpayā

I swear by truth, O my beloved son, that your departure to the forest is in no way a pleasure to me. With a hidden motive, this woman who is like fire concealed by ashes has duped me.

वञ्चना या तु लब्धा मे तां त्वं निस्तर्तुमिच्छसि। अनया वृत्तसादिन्या कैकेय्याऽभिप्रचोदितः।।.2.34.37।।

vañcanā yā tu labdhā me tāṃ tvaṃ nistartumicchasi| anayā vṛttasādinyā kaikeyyā'bhipracoditaḥ||.2.34.37||

Instigated by this Kaikeyi, the destroyer of traditions (of the race) I have been deceived for which you wish to pay.

न चैतदाश्चर्यतमं यत्तज्येष्ठस्सुतो मम। अपानृतकथं पुत्र पितरं कर्तुमिच्छसि।।2.34.38।।

na caitadāścaryatamaṃ yattajyeṣṭhassuto mama| apānṛtakathaṃ putra pitaraṃ kartumicchasi

It is not a great surprise that you, O my son, being the eldest, want to make your father free from a false promise.

अथ रामस्तथा श्रुत्वा पितुरार्तस्य भाषितम्। लक्ष्मणेन सह भ्रात्रा दीनो वचनमब्रवीत्।।2.34.39।।

atha rāmastathā śrutvā piturārtasya bhāṣitam| lakṣmaṇena saha bhrātrā dīno vacanamabravīt

Rama and Lakshmana were sad to hear the words of their anguished father. Rama replies:

प्राप्स्यामि यानद्य गुणान्को मे श्वस्तान् प्रदास्यति। अपक्रमणमेवातः सर्वकामैरहं वृणे।।2.34.40।।

prāpsyāmi yānadya guṇānko me śvastān pradāsyati| apakramaṇamevātaḥ sarvakāmairahaṃ vṛṇe

Who will give me the merit (of propriety) I earn today? Therefore, I want to depart (today), discarding all my desires.

इयं सराष्ट्रा सजना धनधान्यसमाकुला। मया विसृष्टा वसुधा भरताय प्रदीयताम्।।2.34.41।।

iyaṃ sarāṣṭrā sajanā dhanadhānyasamākulā| mayā visṛṣṭā vasudhā bharatāya pradīyatām

The kingdom abdicated by me with all its people, its wealth and foodgrains may be bestowed on Bharata.

वनवासकृता बुद्धिर्न च मेऽद्य चलिष्यति। यस्तुष्टेन वरो दत्तः कैकेय्यै वरद त्वया।।2.34.42।। दीयतां निखिलेनैव सत्यस्त्वं भव पार्थिव।

vanavāsakṛtā buddhirna ca me'dya caliṣyati| yastuṣṭena varo dattaḥ kaikeyyai varada tvayā dīyatāṃ nikhilenaiva satyastvaṃ bhava pārthiva|

My decision to go to the forest remains unchanged. O bestower of boons, O king honour to the last word the boons you had granted Kaikeyi. And adhere to truth.

अहं निदेशं भवतो यथोक्तमनुपालयन्।।2.34.43।। चतुर्दश समा वत्स्ये वने वनचरैस्सह।

ahaṃ nideśaṃ bhavato yathoktamanupālayan caturdaśa samā vatsye vane vanacaraissaha|

As already said, I shall dwell in the forest for fourteen years with forest rangers, in obedience to your commands.

मा विमर्शो वसुमती भरताय प्रदीयताम्।।2.34.44।। न हि मे काङ्क्षितं राज्यं सुखमात्मनि वा प्रियम्। यथानिदेशं कर्तुं वै तवैव रघुनन्दन।।2.34.45।।

mā vimarśo vasumatī bharatāya pradīyatām na hi me kāṅkṣitaṃ rājyaṃ sukhamātmani vā priyam| yathānideśaṃ kartuṃ vai tavaiva raghunandana

Do not brood. Bestow the kingdom on Bharata. I do not have any desire for the kingdom or pleasure. Nothing is dearer to me than compliance with your order, O Delight of the Raghu race

मा विमर्शो वसुमती भरताय प्रदीयताम्।।2.34.44।। न हि मे काङ्क्षितं राज्यं सुखमात्मनि वा प्रियम्। यथानिदेशं कर्तुं वै तवैव रघुनन्दन।।2.34.45।।

mā vimarśo vasumatī bharatāya pradīyatām na hi me kāṅkṣitaṃ rājyaṃ sukhamātmani vā priyam| yathānideśaṃ kartuṃ vai tavaiva raghunandana

Do not brood. Bestow the kingdom on Bharata. I do not have any desire for the kingdom or pleasure. Nothing is dearer to me than compliance with your order, O Delight of the Raghu race

अपगच्छतु ते दु:खं माभूर्बाष्पपरिप्लुतः। न हि क्षुभ्यति दुर्धर्षः समुद्रः सरितां पतिः।।2.34.46।।

apagacchatu te du:khaṃ mābhūrbāṣpapariplutaḥ| na hi kṣubhyati durdharṣaḥ samudraḥ saritāṃ patiḥ

Let your grief go. Do not shed tears. The indomitable ocean, Lord of rivers, is never perturbed.

नैवाहं राज्यमिच्छामि न सुखं न च मेदिनीम्। नैव सर्वानिमान् कामा न्नस्वर्गं नैव जीवितम्।।2.34.47।।

naivāhaṃ rājyamicchāmi na sukhaṃ na ca medinīm| naiva sarvānimān kāmā nnasvargaṃ naiva jīvitam

I desire no kingdom, no comfort, not this earth nor any pleasure nor heaven nor even life.

त्वामहं सत्यमिच्छामि नानृतं पुरुषर्षभ। प्रत्यक्षं तव सत्येन सुकृतेन च ते शपे।।2.34.48।।

tvāmahaṃ satyamicchāmi nānṛtaṃ puruṣarṣabha| pratyakṣaṃ tava satyena sukṛtena ca te śape

I wish you, O best of men, to uphold truth and not falsehood. I swear this in your presence in the name of truth and on my merits acquired.

न च शक्यं मया तात स्थातुं क्षणमपि प्रभो। स शोकं धारयस्वेमं न हि मेऽस्ति विपर्ययः।।2.34.49।।

na ca śakyaṃ mayā tāta sthātuṃ kṣaṇamapi prabho| sa śokaṃ dhārayasvemaṃ na hi me'sti viparyayaḥ

It is not possible for me, O father to stay here for a moment any longer. Restrain your grief. There can be no change in my resolve, O king

अर्थितो ह्यस्मि कैकेय्या वनं गच्छेति राघव। मया चोक्तं व्रजामीति तत्सत्यमनुपालये।।2.34.50।।

arthito hyasmi kaikeyyā vanaṃ gaccheti rāghava| mayā coktaṃ vrajāmīti tatsatyamanupālaye

'O Rama, go to the forest', Kaikeyi had said, and I have given her word I would go. I must fulfil my promise.

मा चोत्कण्ठां कृथा देव वने रंस्यामहे वयम्। प्रशान्तहरिणाकीर्णे नानाशकुनिनादिते।।2.34.51।।

mā cotkaṇṭhāṃ kṛthā deva vane raṃsyāmahe vayam| praśāntahariṇākīrṇe nānāśakuninādite

Do not worry, O Lord We will enjoy (our stay in) the peaceful forest full of deer and resounding with the chirpings of various birds.

पिता हि दैवतं तात देवतानामपि स्मृतम्। तस्माद्दैवतमित्येव करिष्यामि पितुर्वचः।।2.34.52।।

pitā hi daivataṃ tāta devatānāmapi smṛtam| tasmāddaivatamityeva kariṣyāmi piturvacaḥ

Father is divine even for the gods as cited in scriptures, therefore, looking upon father as my god, I will carry out his words, O father

चतुर्दशसु वर्षेषु गतेषु नरसत्तम। पुनर्द्रक्ष्यसि मां प्राप्तं सन्तापोऽयं विमुच्यताम्।।2.34.53।।

caturdaśasu varṣeṣu gateṣu narasattama| punardrakṣyasi māṃ prāptaṃ santāpo'yaṃ vimucyatām

I shall return after fourteen years have passed, O best among men you will see me back, Give up this grief.

येन संस्तम्भनीयोऽयं सर्वो बाष्पगलो जनः। स त्वं पुरुषशार्दूल किमर्थं विक्रियां गतः।।2.34.54।।

yena saṃstambhanīyo'yaṃ sarvo bāṣpagalo janaḥ| sa tvaṃ puruṣaśārdūla kimarthaṃ vikriyāṃ gataḥ

When you, O tiger among men, are required (as king) to pacify those whose throats are choked with tears, why this change in you?

पुरं च राष्ट्रं च मही च केवला मया निसृष्टा भरताय दीयताम्। अहं निदेशं भवतोऽनुपालयन् वनं गमिष्यामि चिराय सेवितुम्।।2.34.55।।

puraṃ ca rāṣṭraṃ ca mahī ca kevalā mayā nisṛṣṭā bharatāya dīyatām| ahaṃ nideśaṃ bhavato'nupālayan vanaṃ gamiṣyāmi cirāya sevitum

I am renouncing this city, kingdom and this entire earth, and let all this be conferred on Bharata. In obedience to your order, I shall go and live in the forest for a long time.

मया निसृष्टां भरतो महीमिमां सशैलषण्डां सपुरां सकाननाम्। शिवां सुसीमामनुशास्तु केवलं त्वया यदुक्तं नृपते तथास्तु तत्।।2.34.56।।

mayā nisṛṣṭāṃ bharato mahīmimāṃ saśailaṣaṇḍāṃ sapurāṃ sakānanām| śivāṃ susīmāmanuśāstu kevalaṃ tvayā yaduktaṃ nṛpate tathāstu tat

I am leaving behind, O king this (auspicious) land with its welllaid boundaries, mountain ranges, cities and forests, which Bharata alone should rule. Let it happen the way you have said.

न मे तथा पार्थिव धीयते मनो महत्सु कामेषु न चात्मनःप्रिये। यथा निदेशे तव शिष्टसम्मते व्यपैतु दुःखं तव मत्कृतेऽनघ।।2.34.57।।

na me tathā pārthiva dhīyate mano mahatsu kāmeṣu na cātmanaḥpriye| yathā nideśe tava śiṣṭasammate vyapaitu duḥkhaṃ tava matkṛte'nagha

O king my mind derives no happiness from great enjoyment or personal comfort as it does from carrying out your order. This is corroborated by the wise. Your grief (relating to filfilment of the vow) on mt account will be dispelled, O sinless one

तदद्य नैवानघ राज्यमव्ययं न सर्वकामान्न सुखं न मैथिलीम्। न जीवितं त्वामनृतेन योजयन् वृणीय सत्यं व्रतमस्तु ते तथा।।2.34.58।।

tadadya naivānagha rājyamavyayaṃ na sarvakāmānna sukhaṃ na maithilīm| na jīvitaṃ tvāmanṛtena yojayan vṛṇīya satyaṃ vratamastu te tathā

O sinless one by associating you with falsehood I will neither seek this eternal kingdom nor objects of desires nor objects of happiness nor Maithili nor even my life. I only wish that your vow comes true.

फलानि मूलानि च भक्षयन्वने गिरींश्च पश्यन् सरितस्सरांसि च। वनं प्रविश्यैव विचित्रपादपम् सुखी भविष्यामि तवास्तु निर्वृतिः।।2.34.59।।

phalāni mūlāni ca bhakṣayanvane girīṃśca paśyan saritassarāṃsi ca| vanaṃ praviśyaiva vicitrapādapam sukhī bhaviṣyāmi tavāstu nirvṛtiḥ

Entering the forest full of various kinds of trees I shall be happy to view the mountains, rivers and the lakes and to eat fruits and roots. (Hence) do not grieve.

एवं स राजा व्यसनाभिपन्नः शोकेन दुःखेन च ताम्यमानः। आलिङ्ग्य पुत्रं सुविनष्टसंज्ञो मोहं गतो नैव चिचेष्ट किंञ्चित्।।2.34.60।।

evaṃ sa rājā vyasanābhipannaḥ śokena duḥkhena ca tāmyamānaḥ| āliṅgya putraṃ suvinaṣṭasaṃjño mohaṃ gato naiva ciceṣṭa kiṃñcit

The king, immersed in anguish and distressed with tears of grief embraced his son and then fell down unconscious on the floor and lay motionless.

देव्यस्तत स्संरुरुदुस्समेता स्तां वर्जयित्वा नरदेवपत्नीम्। रुदन् सुमन्त्रोऽऽपि जगाम मूर्छां हाहाकृतं तत्र बभूव सर्वम्।।2.34.61।।

devyastata ssaṃrurudussametā stāṃ varjayitvā naradevapatnīm| rudan sumantro''pi jagāma mūrchāṃ hāhākṛtaṃ tatra babhūva sarvam

Thereupon all the queens except Kaikeyi, wailed loudly. Sumantra, too, cried and fell unconscious. The entire palace cried 'Alas, Alas'. इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे चतुस्त्रिंशस्सर्गः।। Thus ends the thirtyfourth sarga in Ayodhyakanda of the holy Ramayana, the first epic composed by sage Valmiki.