Ayodhya Kanda, Sarga 13

अतदर्हं महाराजं शयानमतथोचितम्। ययातिमिव पुण्यान्ते देवलोकात्परिच्युतम्।।2.13.1।। अनर्थरूपा सिद्धार्था ह्यभीता भयदर्शिनी। पुनराकारयामास तमेव वरमङ्गना।।2.13.2।।

atadarhaṃ mahārājaṃ śayānamatathocitam| yayātimiva puṇyānte devalokātparicyutam anartharūpā siddhārthā hyabhītā bhayadarśinī| punarākārayāmāsa tameva varamaṅganā

The maharaja lying on the floor resembled (king) Yayati fallen from heaven after his merits (earned earlier) were exhausted. He neither deserved nor was accustomed to such (humiliating) treatment. Fearless Kaikeyi ,the incarnate of misfortune having accomplished her purpose, displyaing feigned fear, urged the king again (without inhibition), about the boons:

अतदर्हं महाराजं शयानमतथोचितम्। ययातिमिव पुण्यान्ते देवलोकात्परिच्युतम्।।2.13.1।। अनर्थरूपा सिद्धार्था ह्यभीता भयदर्शिनी। पुनराकारयामास तमेव वरमङ्गना।।2.13.2।।

atadarhaṃ mahārājaṃ śayānamatathocitam| yayātimiva puṇyānte devalokātparicyutam anartharūpā siddhārthā hyabhītā bhayadarśinī| punarākārayāmāsa tameva varamaṅganā

The maharaja lying on the floor resembled (king) Yayati fallen from heaven after his merits (earned earlier) were exhausted. He neither deserved nor was accustomed to such (humiliating) treatment. Fearless Kaikeyi ,the incarnate of misfortune having accomplished her purpose, displyaing feigned fear, urged the king again (without inhibition), about the boons:

त्वं कत्थसे महाराज सत्यवादी दृढव्रतः। मम चेमं वरं कस्माद्विधारयितुमिच्छसि।।2.13.3।।

tvaṃ katthase mahārāja satyavādī dṛḍhavrataḥ| mama cemaṃ varaṃ kasmādvidhārayitumicchasi

O great king you used to boast that you always speak the truth and are steadfast in your vows. Why are you now seeking to avoid granting me this boon?

एवमुक्तस्तु कैकेय्या राजा दशरथस्तदा। प्रत्युवाच ततः क्रुद्धो मुहूर्तं विह्वलन्निव।।2.13.4।।

evamuktastu kaikeyyā rājā daśarathastadā| pratyuvāca tataḥ kruddho muhūrtaṃ vihvalanniva

Thus addressed by Kaikeyi, king Dasaratha flew into a temper for a while, and then as if in a state of delirium, replied:

मृते मयि गते रामे वनं मनुजपुङ्गवे। हन्तानार्ये ममामित्रे सकामा सुखिनी भव।।2.13.5।।

mṛte mayi gate rāme vanaṃ manujapuṅgave| hantānārye mamāmitre sakāmā sukhinī bhava

Alas O ignoble woman, my enemy, your desire would be fulfilled after Rama, the foremost among men is exiled and I am dead. You will be happy thereafter

स्वर्गेऽपि खलु रामस्य कुशलं दैवतैरहम्। प्रत्यादेशादभिहितं धारयिष्ये कथं बत।।2.13.6।।

svarge'pi khalu rāmasya kuśalaṃ daivatairaham| pratyādeśādabhihitaṃ dhārayiṣye kathaṃ bata

Even in heaven when the gods enquire about the welfare of Rama how will I convince them about his banishment repudiating the fact? What a catastrophe

कैकेय्याः प्रियकामेन रामः प्रव्राजितो मया। यदि सत्यं ब्रवीम्येतत्तदसत्यं भविष्यति।।2.13.7।।

kaikeyyāḥ priyakāmena rāmaḥ pravrājito mayā| yadi satyaṃ bravīmyetattadasatyaṃ bhaviṣyati

If I tell the truth, 'To please Kaikeyi I have sent Rama to the forest', none will believe it and will consider it untruth.

अपुत्रेण मया पुत्रश्श्रमेण महता महान्। रामो लब्धो महाबाहु स्सकथं त्यज्यते मया।।2.13.8।।

aputreṇa mayā putraśśrameṇa mahatā mahān| rāmo labdho mahābāhu ssakathaṃ tyajyate mayā

When I was issueless, I obtained mighty and valiant Rama with great effort as a son. How can I banish him?

शूरश्च कृतविद्यश्च जितक्रोधो क्षमापरः। कथं कमलपत्राक्षो मया रामो विवास्यते।।2.13.9।।

śūraśca kṛtavidyaśca jitakrodho kṣamāparaḥ| kathaṃ kamalapatrākṣo mayā rāmo vivāsyate

How can I exile Rama, whose eyes resemble lotus petals, who is learned, who has subdued his anger and who is always full of forgiveness?

कथमिन्दीवरश्यामं दीर्घबाहुं महाबलम्। अभिराममहं रामं प्रेषयिष्यामि दण्डकान्।।2.13.10।।

kathamindīvaraśyāmaṃ dīrghabāhuṃ mahābalam| abhirāmamahaṃ rāmaṃ preṣayiṣyāmi daṇḍakān

Rama with a charming personality has a complexion like the blue lotus. He has long arms (with immense strength). How can I banish him to Dandaka forest?

सुखानामुचितस्यैव दुःखैरनुचितस्य च। दुखं नामानुपश्येयं कथं रामस्य धीमतः।।2.13.11।।

sukhānāmucitasyaiva duḥkhairanucitasya ca| dukhaṃ nāmānupaśyeyaṃ kathaṃ rāmasya dhīmataḥ

Rama deserves happiness not suffering. How can I bear to see such a sagacious Rama undergoing distress?

यदि दुःखमकृत्वाऽद्य मम संक्रमणं भवेत्। अदुःखार्हस्य रामस्य तत स्सुखमवाप्नुयाम्।।2.13.12।।

yadi duḥkhamakṛtvā'dya mama saṃkramaṇaṃ bhavet| aduḥkhārhasya rāmasya tata ssukhamavāpnuyām

If death comes to me right now I shall be very happy because I will not have to inflict suffering on Rama who does not deserve it.

नृशंसे पापसङ्कल्पे रामं सत्यपराक्रमम्। किं विप्रियेण कैकेयि प्रियं योजयसे मम।।2.13.13।। अकीर्तिरतुला लोके ध्रुवं परिभवश्च मे।

nṛśaṃse pāpasaṅkalpe rāmaṃ satyaparākramam| kiṃ vipriyeṇa kaikeyi priyaṃ yojayase mama akīrtiratulā loke dhruvaṃ paribhavaśca me|

O cruel, malevolent Kaikeyi, why do you propose such a harmful act against Rama who has truth as his prowess and who is so dear to me? Certainly, you will get unparalleled infamy and disgrace in this world.

तथा विलपतस्तस्य परिभ्रमितचेतसः।।2.13.14।। अस्तमभ्यगमत्सूर्यो रजनी चाभ्यवर्तत।

tathā vilapatastasya paribhramitacetasaḥ astamabhyagamatsūryo rajanī cābhyavartata|

While Dasaratha was thus lamenting with a distracted mind, the Sun set and night fell.

सा त्रियामा तथार्त्तस्य चन्द्रमण्डलमण्डिता।।2.13.15।। राज्ञो विलपमानस्य न व्यभासत शर्वरी।

sā triyāmā tathārttasya candramaṇḍalamaṇḍitā rājño vilapamānasya na vyabhāsata śarvarī|

For the king who was in deep anguish and in tears the night appeared dark even though it was adorned with the lunar orb.

तथैवोष्णं विनिश्वस्य वृद्धो दशरथो नृपः।।2.13.16।। विललापार्तवद्युखं गगनासक्तलोचनः।

tathaivoṣṇaṃ viniśvasya vṛddho daśaratho nṛpaḥ vilalāpārtavadyukhaṃ gaganāsaktalocanaḥ|

The old king Dasaratha, heaving hot sighs, started lamenting pitiably fixing his gaze at the sky like the sick:

न प्रभातं त्वयेच्छामि निशे नक्षत्रभूषणे।।2.13.17।। क्रियतां मे दया भद्रे मयाऽयं रचितोऽञ्जलिः।

na prabhātaṃ tvayecchāmi niśe nakṣatrabhūṣaṇe kriyatāṃ me dayā bhadre mayā'yaṃ racito'ñjaliḥ|

'O auspiciouslooking Night adorned with stars, I do not wish to see the dawn. O gentle night, be kind to me I pray with folded hands'.

अथवा गम्यतां शीघ्रं नाहमिच्छामि निर्घृणाम्।।2.13.18।। नृशंसां कैकयीं द्रष्टुं यत्कृते व्यसनं महत्।

athavā gamyatāṃ śīghraṃ nāhamicchāmi nirghṛṇām nṛśaṃsāṃ kaikayīṃ draṣṭuṃ yatkṛte vyasanaṃ mahat|

'Or, pass off quickly. I do not want to see this merciless, malicious Kaikeyi who is the cause of this great misfortune'.

एवमुक्त्वा ततो राजा कैकेयीं संयताञ्जलिः।।2.13.19।। प्रसादयामास पुनः कैकेयीं चेदमब्रवीत्।

evamuktvā tato rājā kaikeyīṃ saṃyatāñjaliḥ prasādayāmāsa punaḥ kaikeyīṃ cedamabravīt|

Having said this, the king spoke again with folded hands to Kaikeyi in order to appease her:

साधु वृत्तस्य दीनस्य त्वद्गतस्य गतायुषः।।2.1.20।। प्रसादः क्रियतां देवि भद्रे राज्ञो विशेषतः।

sādhu vṛttasya dīnasya tvadgatasya gatāyuṣaḥ prasādaḥ kriyatāṃ devi bhadre rājño viśeṣataḥ|

O gentle queen, I am an old man and my life is almost over. I am a wretch devoted to you. I am a man of good conduct. Do me this favour especially as I am king.

शून्ये न खलु सुश्रोणि मयेदं समुदाहृतम्।।2.13.21।। कुरु साधु प्रसादं मे बाले सहृदया ह्यसि।

śūnye na khalu suśroṇi mayedaṃ samudāhṛtam kuru sādhu prasādaṃ me bāle sahṛdayā hyasi|

O lady with fair hips, I hope whatever I have said has not been a cry in the (empty) sky. O young lady show me this favour. Surely you are kindhearted.

प्रसीद देवि रामोमेत्वद्दत्तं राज्यमव्यम्।।2.13.22।। लभतामसितापाङ्गे यशः परमवाप्नु हि।

prasīda devi rāmometvaddattaṃ rājyamavyam labhatāmasitāpāṅge yaśaḥ paramavāpnu hi|

O queen with beautiful, dark eyelashes, show pity on me. Let Rama receive this unbounded kingdom through you and you acquire fame.

मम रामस्य लोकस्य गुरूणां भरतस्य च।।2.13.23।। प्रियमेतद्गुरुश्रोणि कुरु चारुमुखेक्षणे

mama rāmasya lokasya gurūṇāṃ bharatasya ca priyametadguruśroṇi kuru cārumukhekṣaṇe

O lady with heavy hips, charming eyes and a beautiful face, do this favour to me, to Rama, to the world, to all the preceptors and to Bharata too.

विशुद्धभावस्य सुदुष्टभावा ताम्रेक्षणस्याश्रुकलस्य राज्ञः। श्रुत्वा विचित्रं करुणं विलापं भर्तुर्नृशंसा न चकार वाक्यम्।।2.13.24।।

viśuddhabhāvasya suduṣṭabhāvā tāmrekṣaṇasyāśrukalasya rājñaḥ| śrutvā vicitraṃ karuṇaṃ vilāpaṃ bharturnṛśaṃsā na cakāra vākyam

The king with a clean heart, whose eyes had been rendered red with weeping wailed piteously. Even after hearing it, that malicious woman full of wicked thoughts did not act upon his word.

ततस्स राजा पुनरेव मूर्छितः प्रियामतुष्टां प्रतिकूलभाषिणीम्। समीक्ष्य पुत्रस्य विवासनं प्रति क्षितौ विसंज्ञो निपपात दुखितः।।2.13.25।।

tatassa rājā punareva mūrchitaḥ priyāmatuṣṭāṃ pratikūlabhāṣiṇīm| samīkṣya putrasya vivāsanaṃ prati kṣitau visaṃjño nipapāta dukhitaḥ

Seeing his dear wife not pleased (despite his pleadings) and urging him, to the contrary, for the banishment of his son, the king overcome with grief fell down unconscious on the floor.

इतीव राज्ञो व्यथितस्य सा निशा जगाम घोरं श्वसतो मनस्विनः विबोध्यमानः प्रतिबोधनं तदा निवारयामास स राजसत्तमः।।2.13.26।।

itīva rājño vyathitasya sā niśā jagāma ghoraṃ śvasato manasvinaḥ vibodhyamānaḥ pratibodhanaṃ tadā nivārayāmāsa sa rājasattamaḥ

The night passed off with the highminded king lamenting this way and heaving deep sighs. When he got up, the eminent king stopped (the panegyrists) awakening him. इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे त्रयोदशस्सर्गः।। Thus ends the thirteenth sarga of Ayodhyakanda of the holy Ramayana, the first epic composed by sage Valmiki.