Ayodhya Kanda, Sarga 106

एवमुक्त्वा तु विरते रामे वचनमर्थवत्। ततो मन्दाकिनीतीरे रामं प्रकृतिवत्सलम्।।2.106.1।। उवाच भरत श्चित्रं धार्मिको धार्मिकं वचः।

evamuktvā tu virate rāme vacanamarthavat| tato mandākinītīre rāmaṃ prakṛtivatsalam uvāca bharata ścitraṃ dhārmiko dhārmikaṃ vacaḥ|

Rama remained silent after saying these meaningful words on the bank of river Mandakini. Then the Bharata, conforming to righteousness, replied in clear words to the virtuous Rama who was affectionate by nature.

को हि स्यादीदृशो लोके यादृश स्त्वमरिन्दमः।।2.106.2।। न त्वां प्रव्यथयेद्दुःखं प्रीतिर्वा नप्रहर्षयेत्। सम्मतश्चासि वृद्धानां तांश्च पृच्छसि संशयान्।।2.106.3।।

ko hi syādīdṛśo loke yādṛśa stvamarindamaḥ na tvāṃ pravyathayedduḥkhaṃ prītirvā napraharṣayet| sammataścāsi vṛddhānāṃ tāṃśca pṛcchasi saṃśayān

O subduer of enemies, you are of such nature that neither sorrow pains you nor pleasure delights you. There are none in this world like you. You are loved by the elders, for you seek their counsel whenever you have doubts.

को हि स्यादीदृशो लोके यादृश स्त्वमरिन्दम।।2.106.2।। न त्वां प्रव्यथयेद्दुःखं प्रीतिर्वा नप्रहर्षयेत्। सम्मतश्चासि वृद्धानां तांश्च पृच्छसि संशयान्।।2.106.3।।

ko hi syādīdṛśo loke yādṛśa stvamarindama na tvāṃ pravyathayedduḥkhaṃ prītirvā napraharṣayet| sammataścāsi vṛddhānāṃ tāṃśca pṛcchasi saṃśayān

O subduer of enemies, you are of such nature that neither sorrow pains you nor pleasure delights you. There are none in this world like you. You are loved by the elders, for you seek their counsel whenever you have doubts.

यथा मृत स्तथा जीवन्यथाऽसति तथा सति। यस्यैष बुद्धिलाभ स्स्यात्परितप्येत केन सः।।2.106.4।।

yathā mṛta stathā jīvanyathā'sati tathā sati| yasyaiṣa buddhilābha ssyātparitapyeta kena saḥ

One should accept life and death, vice and virtue equally. How can one be afflicted when he has gained such an intellect?

परावरज्ञो यश्च स्याद् यथा त्वं मनुजाधिप। स एव व्यसनं प्राप्य न विषीदितुमर्हति।।2.106.5।।

parāvarajño yaśca syād yathā tvaṃ manujādhipa| sa eva vyasanaṃ prāpya na viṣīditumarhati

O lord of men, it is not proper for a person like you who knows the past and the future of human beings to feel distressed and lament over it.

अमरोपमसत्त्व स्त्वं महात्मा सत्यसङ्गरः। सर्वज्ञ स्सर्वदर्शी च बुद्धिमांश्चासि राघव।।2.106.6।।

amaropamasattva stvaṃ mahātmā satyasaṅgaraḥ| sarvajña ssarvadarśī ca buddhimāṃścāsi rāghava

O magnanimous Rama, your nature is divine and you are true to your promises. You are omniscient, allseeing and wise.

न त्वामेवं गुणैर्युक्तं प्रभवाभवकोविदम्। अविषह्यतमं दुःखमासादयितुमर्हति।।2.106.7।।

na tvāmevaṃ guṇairyuktaṃ prabhavābhavakovidam| aviṣahyatamaṃ duḥkhamāsādayitumarhati

It is not proper for a virtuous man like you, who is cognizant in matters of life and death, to be overwhelmed by such insufferable grief.

प्रोषिते मयि यत्पापं मात्रा मत्कारणात्कृतम्। क्षुद्रया तदनिष्टं मे प्रसीदतु भवान्मम।।2.106.8।।

proṣite mayi yatpāpaṃ mātrā matkāraṇātkṛtam| kṣudrayā tadaniṣṭaṃ me prasīdatu bhavānmama

When I was away from home, my meanminded mother committed a sin for my sake which I never wished. You may pardon me graciously.

धर्मबन्धेन बद्धोऽस्मि तेनेमां नेह मातरम्। हन्मितीव्रेण दण्डेन दण्डार्हां पापकारिणीम्।।2.106.9।।

dharmabandhena baddho'smi tenemāṃ neha mātaram| hanmitīvreṇa daṇḍena daṇḍārhāṃ pāpakāriṇīm

I am bound by a bond of righteousness for which I am unble to slay my mother who deserves severe punishment for her sinful acts.

कथं दशरथा ज्जात श्शुद्धाभिजनकर्मणः। जानन् धर्ममधर्मिष्ठं कुर्यां कर्म जुगुप्सितम्।।2.106.10।।

kathaṃ daśarathā jjāta śśuddhābhijanakarmaṇaḥ| jānan dharmamadharmiṣṭhaṃ kuryāṃ karma jugupsitam

How shall I, born to Dasaratha of noble race and righteous deeds, with the knowledge of dharma, do such a reprehensible and unrighteous deed?

गुरुः क्रियावान्वृद्धश्च राजा प्रेतः पितेतिच। तातं न परिगर्हेयं दैवतं चेति संसदि।।2.106.11।।

guruḥ kriyāvānvṛddhaśca rājā pretaḥ pitetica| tātaṃ na parigarheyaṃ daivataṃ ceti saṃsadi

King Dasaratha, my father and preceptor, is godlike to me. Devoted to meritorious acts, he departed from this world in his old age. For this reason, I cannot reproach him (publicly) in this assembly (of men).

को हि धर्मार्थयोर्हीनमीदृशं कर्म किल्बिषम्। स्त्रियाः प्रियं चिकीर्षु स्सन्कुर्याद्धर्मज्ञ धर्मवित्।।2.106.12।।

ko hi dharmārthayorhīnamīdṛśaṃ karma kilbiṣam| striyāḥ priyaṃ cikīrṣu ssankuryāddharmajña dharmavit

O Rama, conversant with righteousness, will any one who knows the meaning of righteousness, do such a sinful act contrary to dharma and artha to please a woman?

अन्तकाले हि भूतानि मुह्यन्तीति पुरा श्रुतिः। राज्ञैवं कुर्वता लोके प्रत्यक्षं सा श्रुतिः कृता।।2.106.13।।

antakāle hi bhūtāni muhyantīti purā śrutiḥ| rājñaivaṃ kurvatā loke pratyakṣaṃ sā śrutiḥ kṛtā

There is an ancient saying that at the time of death, the intellect of people is deluded. By conducting himself in this way, king Dasaratha has proved it.

साध्वर्थमभिसन्धाय क्रोधान्मोहाच्च साहसात्। तातस्य यदतिक्रान्तं प्रत्याहरतु तद्भवान्।।2.106.14।।

sādhvarthamabhisandhāya krodhānmohācca sāhasāt| tātasya yadatikrāntaṃ pratyāharatu tadbhavān

Our father has trangressed righteousness due to anger or delusion or recklessness. Therefore, you may think over the matter prudently and set it right.

पितुर्हि समतिक्रान्तं पुत्रो यस्साधु मन्यते। तदपत्यं मतं लोके विपरीतमतोऽन्यथा।।2.106.15।।

piturhi samatikrāntaṃ putro yassādhu manyate| tadapatyaṃ mataṃ loke viparītamato'nyathā

One who sets right the wrongs done by his father is a true son. Otherwise the son becomes just the opposite. (He is not a son to the father).

तदपत्यं भवानस्तु मा भवान् दुष्कृतं पितुः। अभिपत्ता कृतं कर्म लोके धीरविगर्हितम्।।2.106.16।।

tadapatyaṃ bhavānastu mā bhavān duṣkṛtaṃ pituḥ| abhipattā kṛtaṃ karma loke dhīravigarhitam

So be a worthy son and let not the sinful act committed by our father and condemned by men of wisdom be approved by you.

कैकेयीं मां च तातं च सुहृदो बान्धवांश्च नः। पौरजानपदान्सर्वांस्त्रातु सर्वमिदं भवान्।।2.106.17।।

kaikeyīṃ māṃ ca tātaṃ ca suhṛdo bāndhavāṃśca naḥ| paurajānapadānsarvāṃstrātu sarvamidaṃ bhavān

Protect this entire kingdom, Kaikeyi, me and father, our friends and relations, citizens of the city and inhabitants of the countryside.

क्व चारण्यं क्वच क्षात्रं क्व जटाः क्व च पालनम्। ईदृशं व्याहतं कर्म न भवान्कर्तुमर्हति।।2.106.18।।

kva cāraṇyaṃ kvaca kṣātraṃ kva jaṭāḥ kva ca pālanam| īdṛśaṃ vyāhataṃ karma na bhavānkartumarhati

Where is the forest and where is kshatriya's duty? Where are matted locks and where is governance of the kingdom? It does not behave you to do such acts antithetical to each other.

एष हि प्रथमो धर्मः क्षत्रियस्याभिषेचनम्। येन शक्यं महाप्राज्ञ प्रजानां परिपालनम्।।2.106.19।।

eṣa hi prathamo dharmaḥ kṣatriyasyābhiṣecanam| yena śakyaṃ mahāprājña prajānāṃ paripālanam

O sagacious one, the primary duty of a kshatriya is to be crowned. This enables him to rule his subjects.

कश्च प्रत्यक्षमुत्सृज्य संशयस्थ मलक्षणम्। आयतिस्थं चरे द्धर्मं क्षत्रबन्दुरनिश्चितम्।।2.106.20।।

kaśca pratyakṣamutsṛjya saṃśayastha malakṣaṇam| āyatisthaṃ care ddharmaṃ kṣatrabanduraniścitam

Will any kshatriya, setting aside his first duty, follow an uncertain course of piety which is contrary to his dharma and whose impact may be felt in a remote future.

अथ क्लेशज मेव त्वं धर्मं चरितु मिच्छसि। धर्मेण चतुरो वर्णान्पालयन् क्लेश माप्नुहि।।2.106.21।।

atha kleśaja meva tvaṃ dharmaṃ caritu micchasi| dharmeṇa caturo varṇānpālayan kleśa māpnuhi

If you so desire to follow the path of dharma acquired out of physical exertion, then bear the trouble of governing the four castes of the social order righteously.

चतुर्णामाश्रमाणां हि गार्हस्थ्यं श्रेष्ठमुत्तमम्। आहुर्धर्मज्ञ धर्मज्ञास्तं कथं त्यक्तु मर्हसि।।2.106.22।।

caturṇāmāśramāṇāṃ hi gārhasthyaṃ śreṣṭhamuttamam| āhurdharmajña dharmajñāstaṃ kathaṃ tyaktu marhasi

O Rama, you are the one who knows his duty. The knowers of dharma maintain that the life of a householder is the foremost among the four modes of life. How can you renounce it?

श्रुतेन बालः स्थानेन जन्मना भवतो ह्यहम्। स कथं पालयिष्यामि भूमिं भवति तिष्ठति।।2.106.23।।

śrutena bālaḥ sthānena janmanā bhavato hyaham| sa kathaṃ pālayiṣyāmi bhūmiṃ bhavati tiṣṭhati

Being younger to you in knowledge, position and birth, how can I rule the earth when you are present?

हीनबुद्धिगुणो बालो हीनः स्थानेन चाप्यहम्। भवता च विनाभूतो न वर्तयितुमुत्सुहे।।2.106.24।।

hīnabuddhiguṇo bālo hīnaḥ sthānena cāpyaham| bhavatā ca vinābhūto na vartayitumutsuhe

I am a child, deficient in intelligence and virtue and even inferior in position. Deserted by you, I do not wish to live.

इदं निखिल मव्यग्रं राज्यं पित्र्यमकण्टकम्। अनुशाधि स्वधर्मेण धर्मज्ञ सहबान्धवैः।।2.106.25।।

idaṃ nikhila mavyagraṃ rājyaṃ pitryamakaṇṭakam| anuśādhi svadharmeṇa dharmajña sahabāndhavaiḥ

O one, conversant with righteousness rule unhindered this entire kingdom along with our relations inherited from our father.

इहैव त्वाऽभिषिञ्चन्तु सर्वाः प्रकृतय स्सह। ऋत्विज स्सवसिष्ठाश्च मन्त्रविन्मन्त्रकोविदाः।।2.106.26।।

ihaiva tvā'bhiṣiñcantu sarvāḥ prakṛtaya ssaha| ṛtvija ssavasiṣṭhāśca mantravinmantrakovidāḥ

Let all ministers, subjects, and priests including Vasistha who are wellversed in Vedic hymns consecrate you here itself.

अभिषिक्तस्त्वमस्माभिरयोध्यां पालने व्रज। विजित्य तरसा लोकान्मरुद्भिरिव वासवः।।2.106.27।।

abhiṣiktastvamasmābhirayodhyāṃ pālane vraja| vijitya tarasā lokānmarudbhiriva vāsavaḥ

After consecration, you too return to rule Ayodhya along with all of us like Indra who went back (to heaven), accompanied by Maruts after conquering all the worlds with his prowess.

ऋणानि त्रीण्यपाकुर्वन्दुर्हृदस्साधु निर्दहन्। सुहृदस्तर्पयन्कामैस्त्वमेवात्रानुशाधि माम्।।2.106.28।।

ṛṇāni trīṇyapākurvandurhṛdassādhu nirdahan| suhṛdastarpayankāmaistvamevātrānuśādhi mām

Discharging completely the three debts, to gods, to ancestors and to sages, subduing your enemies and gratifying your friends, you alone (have the right) to dictate me.

अद्याऽर्य मुदिता स्सन्तु सुहृदस्तेऽभिषेचने। अद्य भीताः पलायन्तां दुर्हृदस्ते दिशो दश।।2.106.29।।

adyā'rya muditā ssantu suhṛdaste'bhiṣecane| adya bhītāḥ palāyantāṃ durhṛdaste diśo daśa

O my esteemed brother let all your friends be delighted today at your enthronement and your enemies flee in terror in ten different directions.

आक्रोशं मम मातुश्च प्रमृज्य पुरुषर्षभ। अद्य तत्र भवन्तं च पितरं रक्ष किल्बिषात्।।2.106.30।।

ākrośaṃ mama mātuśca pramṛjya puruṣarṣabha| adya tatra bhavantaṃ ca pitaraṃ rakṣa kilbiṣāt

O best of men, wiping out all the censure on my mother, redeem our revered father from sin.

शिरसा त्वाऽभियाचेऽहं कुरुष्व करुणां मयि। बान्धवेषु च सर्वेषु भूतेष्विव महेश्वरः।।2.106.31।।

śirasā tvā'bhiyāce'haṃ kuruṣva karuṇāṃ mayi| bāndhaveṣu ca sarveṣu bhūteṣviva maheśvaraḥ

I beseech you with my head bowed low, show mercy on me and every one of our relations, like Maheswara showing compassion on all living beings.

अथैतत्पृष्ठतः कृत्वा वनमेव भवानितः। गमिष्यति गमिष्यामि भवता सार्धमप्यहम्।।2.106.32।।

athaitatpṛṣṭhataḥ kṛtvā vanameva bhavānitaḥ| gamiṣyati gamiṣyāmi bhavatā sārdhamapyaham

If you turn your back on my solicitations and set out for the forest I shall also go along with you from here itself.

तथाहि रामो भरतेन ताम्यता प्रसाद्यमानश्शिरसा महीपतिः। नचैव चक्रे गमनाय सत्त्ववान्मतिं पितुस्तद्वचने प्रतिष्ठितः।।2.106.33।।

tathāhi rāmo bharatena tāmyatā prasādyamānaśśirasā mahīpatiḥ| nacaiva cakre gamanāya sattvavānmatiṃ pitustadvacane pratiṣṭhitaḥ

Thus besought and propitiated by Bharata with his head bowed low and distressed, the virtuous lord of the world, Rama, firmly established in the words of his father, resolved not to go back to Ayodhya.

तदद्भुतं स्थैर्यमवेक्ष्य राघवे समं जनो हर्षमवाप दुःखितः। न यात्ययोध्यामिति दुःखितोऽभवत् स्थिरप्रतिज्ञत्वमवेक्ष्य हर्षितः।।2.106.34।।

tadadbhutaṃ sthairyamavekṣya rāghave samaṃ jano harṣamavāpa duḥkhitaḥ| na yātyayodhyāmiti duḥkhito'bhavat sthirapratijñatvamavekṣya harṣitaḥ

Having seen the wonderful deternmination of Rama, people were, at once, anguished and delighted, anguished because he would not return to Ayodhya, and delighted because he was firm in his resolve.

तमृत्विजो नैगमयूथवल्लभास्तदा विसंज्ञाश्रुकलाश्च मातरः। तथा ब्रुवाणं भरतं प्रतुष्टुवुः प्रणम्य रामं च ययाचिरे सह।।2.106.35।।

tamṛtvijo naigamayūthavallabhāstadā visaṃjñāśrukalāśca mātaraḥ| tathā bruvāṇaṃ bharataṃ pratuṣṭuvuḥ praṇamya rāmaṃ ca yayācire saha

All the priests, the chiefs of merchant organizations and mothers who had their senses switched off and theif tears drained dry extolled Bharata for his words. All of them, reverentially saluting Rama, implored him. इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे षडुत्तरशततमस्सर्गः।। Thus ends the one hundredsixth sarga in Ayodhyakanda of the holy Ramayana, the first epic composed by sage Valmiki.