Ayodhya Kanda, Sarga 100

जटिलं चीरवसनं प्राञ्जलिं पतितं भुवि। ददर्श रामो दुर्दर्शं युगान्ते भास्करंयथा।।2.100.1।।

jaṭilaṃ cīravasanaṃ prāñjaliṃ patitaṃ bhuvi| dadarśa rāmo durdarśaṃ yugānte bhāskaraṃyathā

Rama beheld Bharata with matted locks and robes of bark fallen down on the ground with folded hands like the Sun at the time of dissolution of the world. It was really difficult to look at him.

कथंचिदभिविज्ञाय विवर्णवदनं कृशम्। भ्रातरं भरतं रामः परिजग्राह बाहुना।।2.100.2।।

kathaṃcidabhivijñāya vivarṇavadanaṃ kṛśam| bhrātaraṃ bharataṃ rāmaḥ parijagrāha bāhunā

Rama found it extremely difficult to recognise Bharata with his emaciated body and pallid face. He held him in his arms and lifted him.

आघ्राय रामस्तं मूर्ध्नि परिष्वज्य च राघवः। अङ्के भरतमारोप्य पर्यपृच्छत्समाहितः।।2.100.3।।

āghrāya rāmastaṃ mūrdhni pariṣvajya ca rāghavaḥ| aṅke bharatamāropya paryapṛcchatsamāhitaḥ

Born in the race of Raghu, Rama embraced Bharata and kissed him on his forehead. Placing him on his lap, he enquired thus with a composed mind:

क्व नु तेऽभूत्पिता तात यदरण्यं त्वमागतः। न हि त्वं जीवतस्तस्य वनमागन्तुमर्हसि।।2.100.4।।

kva nu te'bhūtpitā tāta yadaraṇyaṃ tvamāgataḥ| na hi tvaṃ jīvatastasya vanamāgantumarhasi

O dear, now that you have come to the forest, where is our father king Dasaratha? You ought not come to the forest while he is living.

चिरस्य बत पश्यामि दूराद्भरतमागतम्। दुष्प्रतीकमरण्येऽस्मिन् किं तात वनमागतः।।2.100.5।।

cirasya bata paśyāmi dūrādbharatamāgatam| duṣpratīkamaraṇye'smin kiṃ tāta vanamāgataḥ

You have come a long distance (from Ayodhya) to this forest, O Bharata It is a pity, dear brother, to see you after a long time, so emaciated. What brings you to the forest?

कच्चिद्धारयते तात राजा यत्त्वमिहाऽगतः। कच्चिन्न दीन स्सहसा राजा लोकान्तरं गतः।।2.100.6।।

kacciddhārayate tāta rājā yattvamihā'gataḥ| kaccinna dīna ssahasā rājā lokāntaraṃ gataḥ

My dear (brother), now that you have come here, I trust, king Dasaratha is keeping good health and hope, he has not departed prematurely in despondency for the other world.

कच्चित्सौम्य न ते राज्यं भ्रष्टं बालस्य शाश्वतम्। कच्चिच्छुश्रूषसे तात पितरं सत्यविक्रमम्।।2.100.7।।

kaccitsaumya na te rājyaṃ bhraṣṭaṃ bālasya śāśvatam| kaccicchuśrūṣase tāta pitaraṃ satyavikramam

O gentle one, being young and inexperienced, I trust, you have not forfeited the kingdom for ever. Dear child, I trust, you are looking after father whose prowess is his truthfulness.

कच्चिद्धशरथो राजा कुशली सत्यसंङ्गरः। राजसूयाश्वमेधानामाहर्ता धर्मनिश्चयः।।2.100.8।।

kacciddhaśaratho rājā kuśalī satyasaṃṅgaraḥ| rājasūyāśvamedhānāmāhartā dharmaniścayaḥ

I trust king Dasaratha, who is true to his promise, a performer of Rajasuya and Ashwamedha sacrifices and a firm adherent of righteousness is in good health.

स कच्चिद्ब्राह्मणो विद्वान् धर्मनित्यो महाद्युतिः। इक्ष्वाकूणामुपाध्यायो यथावत्तात पूज्यते।।2.100.9।।

sa kaccidbrāhmaṇo vidvān dharmanityo mahādyutiḥ| ikṣvākūṇāmupādhyāyo yathāvattāta pūjyate

O dear child I trust, the family preceptor of the Ikshvakus, Vasistha, the brahmin (versed in the Vedas), who is learned, ever fixed in virtues and effulgent is being honoured as usual.

सा तात कच्चित्कौसल्या सुमित्रा च प्रजावती। सुखिनी कच्चिदार्या च देवी नन्दति कैकयी।।2.100.10।।

sā tāta kaccitkausalyā sumitrā ca prajāvatī| sukhinī kaccidāryā ca devī nandati kaikayī

Dear child I trust, Kausalya and Sumitra, mothers of an excellent progeny are happy. I trust, the noble queen Kaikeyi is happy too.

कच्चिद्विनयसम्पन्नः कुलपुत्रो बहुश्रुतः। अनसूयुरनुद्रष्टा सत्कृतस्ते पुरोहितः।।2.100.11।।

kaccidvinayasampannaḥ kulaputro bahuśrutaḥ| anasūyuranudraṣṭā satkṛtaste purohitaḥ

I trust, you continue to honour the family priest (Suyajna, son of Vasistha) who is endowed with modesty, born of high family, conversant in scriptures, free from envy and who can give you directions with regard to your duties.

कच्चिदग्निषु ते युक्तो विधिज्ञो मतिमानृजुः। हुतं च होष्यमाणं च काले वेदयते सदा।।2.100.12।।

kaccidagniṣu te yukto vidhijño matimānṛjuḥ| hutaṃ ca hoṣyamāṇaṃ ca kāle vedayate sadā

I trust, the sagacious priest who knows ritual precepts, who is upright and is employed to take care of your sacred fires, informs you always regarding what was offered and what is to be offered as oblation at appropriate time.

कच्चिद्देवान्पित्रून् मातृ़र्गुरून्पितृसमानपि। वृद्धांश्च तात वैद्यांश्च ब्राह्मणांश्चाभिमन्यसे।।2.100.13।।

kacciddevānpitrūn mātṛ़rgurūnpitṛsamānapi| vṛddhāṃśca tāta vaidyāṃśca brāhmaṇāṃścābhimanyase

Dear brother, I trust you continue to pay homage to gods, father, mothers, teachers, relations equal to your father, aged people, physicians and brahmins.

इष्वस्त्रवरसम्पन्नमर्थशास्त्र विशारदम्। सुधन्वानमुपाध्यायं कच्चित्त्वं तात मन्यसे।।2.100.14।।

iṣvastravarasampannamarthaśāstra viśāradam| sudhanvānamupādhyāyaṃ kaccittvaṃ tāta manyase

I hope you treat with respect Sudhanva who is equipped with the most formidable arrows and other weapons propelled by mantras and a master in the science of statecraft.

कच्चिदात्मसमा श्शूरा श्श्रुतवन्तो जितेन्द्रियाः। कुलीनाश्चेङ्गितज्ञाश्च कृतास्ते तात मन्त्रिणः।।2.100.15।।

kaccidātmasamā śśūrā śśrutavanto jitendriyāḥ| kulīnāśceṅgitajñāśca kṛtāste tāta mantriṇaḥ

I hope, dear brother, you have appointed men who are brave, learned, selfcontrolled, of noble birth and skilled in guessing from hints.

मन्त्रो विजयमूलं हि राज्ञां भवति राघव। सुसंवृतो मन्त्रधरैरमात्यै श्शास्त्रकोविदैः।।2.100.16।।

mantro vijayamūlaṃ hi rājñāṃ bhavati rāghava| susaṃvṛto mantradharairamātyai śśāstrakovidaiḥ

O Bharata the wellguarded advice of ministers, learned in scriptures and capable of proper counselling, is the root of victory for kings, specially when the advice is kept in confidence.

कच्चिन्निद्रावशं नैषीः कच्चित् कालेऽवबुध्यसे। कच्चिच्चापररात्रेषु चिन्तियस्यर्थनैपुणम्।।2.100.17।।

kaccinnidrāvaśaṃ naiṣīḥ kaccit kāle'vabudhyase| kacciccāpararātreṣu cintiyasyarthanaipuṇam

I trust you are not under the grip of sleep but wake up at appropriate times, I hope you always think of the means of judicious statecraft during the last part of the night.

कच्चिन्मन्त्रयसे नैकः कच्चिन्न बहुभिस्सह। कच्चित्ते मन्त्रितो मन्त्रो राष्ट्रं न परिधावति।।2.100.18।।

kaccinmantrayase naikaḥ kaccinna bahubhissaha| kaccitte mantrito mantro rāṣṭraṃ na paridhāvati

I hope you neither decide alone nor discuss with many. I trust a decision once made by you is not leaked in the kingdom.

कच्चिदर्थं विनिश्चित्य लघुमूलं महोदयम्। क्षिप्रमारभसे कर्तुं न दीर्घयसि राघव।।2.100.19।।

kaccidarthaṃ viniścitya laghumūlaṃ mahodayam| kṣipramārabhase kartuṃ na dīrghayasi rāghava

O Bharata, having determined on an endeavour involving a little effort and yielding great results, I trust you commence to execute it quickly without procrastination?

कच्चित्तु सुकृतान्येव कृतरूपाणि वा पुनः। विदुस्ते सर्वकार्याणि न कर्तव्यानि पार्थिवाः।।2.100.20।।

kaccittu sukṛtānyeva kṛtarūpāṇi vā punaḥ| viduste sarvakāryāṇi na kartavyāni pārthivāḥ

I trust, other kings come to know of your endeavours only when your endeavours suceed or about to succeed. I hope, efforts intended to be made in future are not revealed to them beforehand.

कच्चिन्नतर्कैर्युक्त्या वा ये चाप्यपरिकीर्तिताः। त्वया वा तवामात्यैर्बुध्यते तात मन्त्रितम्।।2.100.21।।

kaccinnatarkairyuktyā vā ye cāpyaparikīrtitāḥ| tvayā vā tavāmātyairbudhyate tāta mantritam

Dear brother, I hope others are not able to understand your determination or those of your ministers, either by conjecture or by inference or through other means without being revealed either by you or by your ministers.

कच्चित्सहस्रान्मूर्खाणामेकमिच्छसि पण्डितम्। पण्डितो ह्यर्थकृच्छ्रेषु कुर्यान्निश्रेयसं महत्।।2.100.22।।

kaccitsahasrānmūrkhāṇāmekamicchasi paṇḍitam| paṇḍito hyarthakṛcchreṣu kuryānniśreyasaṃ mahat

I hope by setting aside a thousand fools, you prefer a single wise man. A wise man will be of immense help in difficult situations.

सहस्राण्यपि मूर्खाणां युद्युपास्ते महीपतिः। अथवाप्ययुतान्येव नास्ति तेषु सहायता।।2.100.23।।

sahasrāṇyapi mūrkhāṇāṃ yudyupāste mahīpatiḥ| athavāpyayutānyeva nāsti teṣu sahāyatā

Even if the king seeks the assistance from thousands or tens of thousands of fools, they cannot render any help to him.

एकोऽप्यमात्यो मेधावी शूरो दक्षो विचक्षणः। राजानं राजपुत्रं वा प्रापयेन्महतीं श्रियम्।।2.100.24।।

eko'pyamātyo medhāvī śūro dakṣo vicakṣaṇaḥ| rājānaṃ rājaputraṃ vā prāpayenmahatīṃ śriyam

A single clearsighted minister who is prudent, brave and skilful can bring about great prosperity to a king or a prince.

कच्चिन्मुख्या महात्स्वेव मध्यमेषु च मध्यमाः। जघन्याश्च जघन्येषु भृत्याः कर्मसु योजिताः।।2.100.25।।

kaccinmukhyā mahātsveva madhyameṣu ca madhyamāḥ| jaghanyāśca jaghanyeṣu bhṛtyāḥ karmasu yojitāḥ

I hope you have employed highly competent servants for important tasks, mediocre servants in mediocre tasks and low people in inferior tasks.

अमात्यानुपधातीतान्पितृपैतामहाञ्छुचीन्। श्रेष्ठांछ्रेष्ठेषुकच्चित्वं नियोजयसि कर्मसु।।2.100.26।।

amātyānupadhātītānpitṛpaitāmahāñchucīn| śreṣṭhāṃchreṣṭheṣukaccitvaṃ niyojayasi karmasu

I hope you are assigning ministers, who are unyielding to bribery and other temptations, holding positions hereditarily and who are full of integrity and eminence, with superior tasks.

कच्चिन्नोग्रेण दण्डेन भृशमुद्वेजितप्रजम्। राष्ट्रं तवानुजानन्ति मन्त्रिणः कैकयीसुत।।2.100.27।।

kaccinnogreṇa daṇḍena bhṛśamudvejitaprajam| rāṣṭraṃ tavānujānanti mantriṇaḥ kaikayīsuta

Are not the citizens of your kingdom agitated at severe punishment meted out to them reproaching your ministers?

कच्चित्त्वां नावजानन्ति याजकाः पतितं यथा। उग्रप्रतिग्रहीतारं कामयानमिव स्त्रियः।।2.100.28।।

kaccittvāṃ nāvajānanti yājakāḥ patitaṃ yathā| ugrapratigrahītāraṃ kāmayānamiva striyaḥ

Just like a performer of sacrifice scorns at an outcaste or a woman scorns at a lustful lover, do the subjects not scorn you for collecting taxes more than what is due?

उपायकुशलं वैद्यं भृत्यसंदूषणे रतम्। शूरमैश्वर्यकामं च यो न हन्ति स हन्यते।।2.100.29।।

upāyakuśalaṃ vaidyaṃ bhṛtyasaṃdūṣaṇe ratam| śūramaiśvaryakāmaṃ ca yo na hanti sa hanyate

A learned person but skilled in contrivances, a warrior with passion for wealth and a man ever engaged in corrupting the minds of servants must be slain. A king who does not kill them is himself killed in due course.

कच्चिद्धृष्टश्च शूरश्च मतिमान् धृतिमान् शुचिः। कुलीनश्चानुरक्तश्च दक्षस्सेनापतिः कृतः।।2.100.30।।

kacciddhṛṣṭaśca śūraśca matimān dhṛtimān śuciḥ| kulīnaścānuraktaśca dakṣassenāpatiḥ kṛtaḥ

I trust you have appointed a man who is cheerful, brave, sagacious, steadfast, honest, of a good family, loyal and efficient as the army chief.

बलवन्तश्च कच्चित्ते मुख्या युध्दविशारदाः। दृष्टापदाना विक्रान्तास्त्वया सत्कृत्यमानिताः।।2.100.31।।

balavantaśca kaccitte mukhyā yudhdaviśāradāḥ| dṛṣṭāpadānā vikrāntāstvayā satkṛtyamānitāḥ

I trust you honour and respect those prominent soldiers who are courageous, powerful, skilled in war and who have proven heroic exploits.

कच्चिद्बलस्य भक्तं च वेतनं च यथोचितम्। सम्प्राप्तकालं दातव्यं ददासि न विलम्बसे।।2.100.32।।

kaccidbalasya bhaktaṃ ca vetanaṃ ca yathocitam| samprāptakālaṃ dātavyaṃ dadāsi na vilambase

I trust you distribute rations and wages to your army in due time without making delay.

कालातिक्रमणाच्चैव भक्तवेतनयोर्भृताः। भर्तुः कुप्यन्ति दुष्यन्ति सोऽनर्थ स्सुमहान् स्मृतः।।2.100.33।।

kālātikramaṇāccaiva bhaktavetanayorbhṛtāḥ| bhartuḥ kupyanti duṣyanti so'nartha ssumahān smṛtaḥ

It has been mentioned in the scriptures that if provisions and wages are not paid in stipulated time, the dependent attendants will be incensed with their masters and will turn hostile and become corrupt, leading to great calamity.

कच्चित्सर्वेऽनुरक्तास्त्वां कुलपुत्राः प्रधानतः। कच्चित्प्राणां स्तवार्थेषु सन्त्यजन्ति समाहिताः।।2.100.34।।

kaccitsarve'nuraktāstvāṃ kulaputrāḥ pradhānataḥ| kaccitprāṇāṃ stavārtheṣu santyajanti samāhitāḥ

I hope all men of a good family, especially those who belong to our race, are loyal to you and are ready to sacrifice their lives for your cause.

कच्चिज्जानपदो विद्वान्दक्षिणः प्रतिभानवान्। यथोक्तवादी दूतस्ते कृतो भरत पण्डितः।।2.100.35।।

kaccijjānapado vidvāndakṣiṇaḥ pratibhānavān| yathoktavādī dūtaste kṛto bharata paṇḍitaḥ

O Bharata, I hope you have chosen as your envoy an expert born in your own country, wellinformed, skilful and quick to understand one who repeats and reports (exactly) what has been told.

कच्चिदष्टादशान्येषु स्वपक्षे दश पञ्च च। त्रिभिस्त्रिभिरविज्ञातैर्वेत्सि तीर्थानि चारकैः।।2.100.36।।

kaccidaṣṭādaśānyeṣu svapakṣe daśa pañca ca| tribhistribhiravijñātairvetsi tīrthāni cārakaiḥ

I hope you collect information (of their secret efforts) intelligently through unrecognisable spies with three of them closely watching each of the eighteen officials (there are eighteen categories of officials in a kingdom) of the enemy's side and fifteen (officials) on your side.

कच्चिद्व्यपास्तानहितान्प्रतियातांश्च सर्वदा। दुर्बलाननवज्ञाय वर्तसे रिपुसूदन।।2.100.37।।

kaccidvyapāstānahitānpratiyātāṃśca sarvadā| durbalānanavajñāya vartase ripusūdana

O slayer of foes, I hope you are always alert about your foes who were defeated by you and have come back. You should not ignore your enemies thinking they are weak.

कच्चिन्न लौकायतिकान्ब्राह्मणांस्तात सेवसे।। अनर्थकुशला ह्येते बालाः पण्डितमानिनः।।2.100.38।।

kaccinna laukāyatikānbrāhmaṇāṃstāta sevase|| anarthakuśalā hyete bālāḥ paṇḍitamāninaḥ

Dear brother, I hope you do not serve those brahmins who are atheists, who foolishly think of this world alone and fancy themselves as learned. They only bring disasters.

धर्मशास्त्रेषु मुख्येषु विद्यमानेषु दुर्बुधाः। बुद्धिमान्वीक्षिकीं प्राप्य निरर्थं प्रवदन्ति ते।।2.100.39।।

dharmaśāstreṣu mukhyeṣu vidyamāneṣu durbudhāḥ| buddhimānvīkṣikīṃ prāpya nirarthaṃ pravadanti te

While principal scriptures do exist, these superficial fellows take resort to the science of logic based on abstract reasoning, and indulge in futile talks.

वीरैरध्युषितां पूर्वमस्माकं तात पूर्वकैः। सत्यनामां दृढ द्वारां हस्त्यश्वरथसङ्कुलाम्।।2.100.40।। ब्राह्मणैः क्षत्रियैर्वैश्यै स्स्वकर्मनिरतैस्सदा। जितेन्द्रियैर्महोत्साहैर्वृतामार्यै स्सहस्रशः।।2.100.41।। प्रासादैर्विविधाकारैर्वृतां वैद्यजनाकुलाम्। कच्चित्सुमुदितां स्फीतामयोध्यां परिरक्षसि।।2.100.42।।

vīrairadhyuṣitāṃ pūrvamasmākaṃ tāta pūrvakaiḥ| satyanāmāṃ dṛḍha dvārāṃ hastyaśvarathasaṅkulām brāhmaṇaiḥ kṣatriyairvaiśyai ssvakarmanirataissadā| jitendriyairmahotsāhairvṛtāmāryai ssahasraśaḥ prāsādairvividhākārairvṛtāṃ vaidyajanākulām| kaccitsumuditāṃ sphītāmayodhyāṃ parirakṣasi

My dear brother I trust you are protecting the (impregnable) city of Ayodhya worthy of its name, formerly defended by our heroic ancestors, with its sturdy gates, its elephants, horses and chariots, its thousands of venerable, selfcontrolled and highly energetic brahmins, kshatriyas and vaisyas engaged in their respective professions, filled with palaces of various kinds, abounding in learned people and a prosperous city where everything is available in abundance.

वीरैरध्युषितां पूर्वमस्माकं तात पूर्वकैः। सत्यनामां दृढ द्वारां हस्त्यश्वरथसङ्कुलाम्।।2.100.40।। ब्राह्मणैः क्षत्रियैर्वैश्यै स्स्वकर्मनिरतैस्सदा। जितेन्द्रियैर्महोत्साहैर्वृतामार्यै स्सहस्रशः।।2.100.41।। प्रासादैर्विविधाकारैर्वृतां वैद्यजनाकुलाम्। कच्चित्सुमुदितां स्फीतामयोध्यां परिरक्षसि।।2.100.42।।

vīrairadhyuṣitāṃ pūrvamasmākaṃ tāta pūrvakaiḥ| satyanāmāṃ dṛḍha dvārāṃ hastyaśvarathasaṅkulām brāhmaṇaiḥ kṣatriyairvaiśyai ssvakarmanirataissadā| jitendriyairmahotsāhairvṛtāmāryai ssahasraśaḥ prāsādairvividhākārairvṛtāṃ vaidyajanākulām| kaccitsumuditāṃ sphītāmayodhyāṃ parirakṣasi

My dear brother I trust you are protecting the (impregnable) city of Ayodhya worthy of its name, formerly defended by our heroic ancestors, with its sturdy gates, its elephants, horses and chariots, its thousands of venerable, selfcontrolled and highly energetic brahmins, kshatriyas and vaisyas engaged in their respective professions, filled with palaces of various kinds, abounding in learned people and a prosperous city where everything is available in abundance.

वीरैरध्युषितां पूर्वमस्माकं तात पूर्वकैः। सत्यनामां दृढ द्वारां हस्त्यश्वरथसङ्कुलाम्।।2.100.40।। ब्राह्मणैः क्षत्रियैर्वैश्यै स्स्वकर्मनिरतैस्सदा। जितेन्द्रियैर्महोत्साहैर्वृतामार्यै स्सहस्रशः।।2.100.41।। प्रासादैर्विविधाकारैर्वृतां वैद्यजनाकुलाम्। कच्चित्सुमुदितां स्फीतामयोध्यां परिरक्षसि।।2.100.42।।

vīrairadhyuṣitāṃ pūrvamasmākaṃ tāta pūrvakaiḥ| satyanāmāṃ dṛḍha dvārāṃ hastyaśvarathasaṅkulām brāhmaṇaiḥ kṣatriyairvaiśyai ssvakarmanirataissadā| jitendriyairmahotsāhairvṛtāmāryai ssahasraśaḥ prāsādairvividhākārairvṛtāṃ vaidyajanākulām| kaccitsumuditāṃ sphītāmayodhyāṃ parirakṣasi

My dear brother I trust you are protecting the (impregnable) city of Ayodhya worthy of its name, formerly defended by our heroic ancestors, with its sturdy gates, its elephants, horses and chariots, its thousands of venerable, selfcontrolled and highly energetic brahmins, kshatriyas and vaisyas engaged in their respective professions, filled with palaces of various kinds, abounding in learned people and a prosperous city where everything is available in abundance.

कच्चिच्चैत्यशतैर्जुष्ट स्सुनिविष्टजनाकुलः। देवस्थानैः प्रपाभिश्च तटाकैश्चोपशोभितः।।2.100.43।। प्रहृष्टनरनारीकस्समाजोत्सवशोभितः। सुकृष्टसीमा पशुमान्हिंसाभिः परिवर्जितः।।2.100.44।। अदेवमातृको रम्य श्श्वापदैः परिवर्जितः। परित्यक्तो भयैस्सर्वैः खनिभिश्चोपशोभितः।।2.100.45।। विवर्जितो नरैः पापैर्मम पूर्वै स्सुरक्षितः। कच्चिज्जनपदस्स्फीतः सुखं वसति राघव।।2.100.46।।

kacciccaityaśatairjuṣṭa ssuniviṣṭajanākulaḥ| devasthānaiḥ prapābhiśca taṭākaiścopaśobhitaḥ prahṛṣṭanaranārīkassamājotsavaśobhitaḥ| sukṛṣṭasīmā paśumānhiṃsābhiḥ parivarjitaḥ adevamātṛko ramya śśvāpadaiḥ parivarjitaḥ| parityakto bhayaissarvaiḥ khanibhiścopaśobhitaḥ vivarjito naraiḥ pāpairmama pūrvai ssurakṣitaḥ| kaccijjanapadassphītaḥ sukhaṃ vasati rāghava

O Bharata, my country which is marked with hundreds of sanctuaries near villages where life of the people is made comfortable, where there are shrines, water distribution facilities and tanks, which is wellploughed and rich in cattlewealth, free from violence and independent of rain. It is enchanting. It is safe from wild animals. With fears expelled, free from sinful people, adorned with mines and wellprotected by my ancestors, it is prosperous and I hope people are living comfortably.

कच्चिच्चैत्यशतैर्जुष्ट स्सुनिविष्टजनाकुलः। देवस्थानैः प्रपाभिश्च तटाकैश्चोपशोभितः।।2.100.43।। प्रहृष्टनरनारीकस्समाजोत्सवशोभितः। सुकृष्टसीमा पशुमान्हिंसाभिः परिवर्जितः।।2.100.44।। अदेवमातृको रम्य श्श्वापदैः परिवर्जितः। परित्यक्तो भयैस्सर्वैः खनिभिश्चोपशोभितः।।2.100.45।। विवर्जितो नरैः पापैर्मम पूर्वै स्सुरक्षितः। कच्चिज्जनपदस्स्फीतः सुखं वसति राघव।।2.100.46।।

kacciccaityaśatairjuṣṭa ssuniviṣṭajanākulaḥ| devasthānaiḥ prapābhiśca taṭākaiścopaśobhitaḥ prahṛṣṭanaranārīkassamājotsavaśobhitaḥ| sukṛṣṭasīmā paśumānhiṃsābhiḥ parivarjitaḥ adevamātṛko ramya śśvāpadaiḥ parivarjitaḥ| parityakto bhayaissarvaiḥ khanibhiścopaśobhitaḥ vivarjito naraiḥ pāpairmama pūrvai ssurakṣitaḥ| kaccijjanapadassphītaḥ sukhaṃ vasati rāghava

O Bharata, my country which is marked with hundreds of sanctuaries near villages where life of the people is made comfortable, where there are shrines, water distribution facilities and tanks, which is wellploughed and rich in cattlewealth, free from violence and independent of rain. It is enchanting. It is safe from wild animals. With fears expelled, free from sinful people, adorned with mines and wellprotected by my ancestors, it is prosperous and I hope people are living comfortably.

कच्चिच्चैत्यशतैर्जुष्ट स्सुनिविष्टजनाकुलः। देवस्थानैः प्रपाभिश्च तटाकैश्चोपशोभितः।।2.100.43।। प्रहृष्टनरनारीकस्समाजोत्सवशोभितः। सुकृष्टसीमा पशुमान्हिंसाभिः परिवर्जितः।।2.100.44।। अदेवमातृको रम्य श्श्वापदैः परिवर्जितः। परित्यक्तो भयैस्सर्वैः खनिभिश्चोपशोभितः।।2.100.45।। विवर्जितो नरैः पापैर्मम पूर्वै स्सुरक्षितः। कच्चिज्जनपदस्स्फीतः सुखं वसति राघव।।2.100.46।।

kacciccaityaśatairjuṣṭa ssuniviṣṭajanākulaḥ| devasthānaiḥ prapābhiśca taṭākaiścopaśobhitaḥ prahṛṣṭanaranārīkassamājotsavaśobhitaḥ| sukṛṣṭasīmā paśumānhiṃsābhiḥ parivarjitaḥ adevamātṛko ramya śśvāpadaiḥ parivarjitaḥ| parityakto bhayaissarvaiḥ khanibhiścopaśobhitaḥ vivarjito naraiḥ pāpairmama pūrvai ssurakṣitaḥ| kaccijjanapadassphītaḥ sukhaṃ vasati rāghava

O Bharata, my country which is marked with hundreds of sanctuaries near villages where life of the people is made comfortable, where there are shrines, water distribution facilities and tanks, which is wellploughed and rich in cattlewealth, free from violence and independent of rain. It is enchanting. It is safe from wild animals. With fears expelled, free from sinful people, adorned with mines and wellprotected by my ancestors, it is prosperous and I hope people are living comfortably.

कच्चिच्चैत्यशतैर्जुष्ट स्सुनिविष्टजनाकुलः। देवस्थानैः प्रपाभिश्च तटाकैश्चोपशोभितः।।2.100.43।। प्रहृष्टनरनारीकस्समाजोत्सवशोभितः। सुकृष्टसीमा पशुमान्हिंसाभिः परिवर्जितः।।2.100.44।। अदेवमातृको रम्य श्श्वापदैः परिवर्जितः। परित्यक्तो भयैस्सर्वैः खनिभिश्चोपशोभितः।।2.100.45।। विवर्जितो नरैः पापैर्मम पूर्वै स्सुरक्षितः। कच्चिज्जनपदस्स्फीतः सुखं वसति राघव।।2.100.46।।

kacciccaityaśatairjuṣṭa ssuniviṣṭajanākulaḥ| devasthānaiḥ prapābhiśca taṭākaiścopaśobhitaḥ prahṛṣṭanaranārīkassamājotsavaśobhitaḥ| sukṛṣṭasīmā paśumānhiṃsābhiḥ parivarjitaḥ adevamātṛko ramya śśvāpadaiḥ parivarjitaḥ| parityakto bhayaissarvaiḥ khanibhiścopaśobhitaḥ vivarjito naraiḥ pāpairmama pūrvai ssurakṣitaḥ| kaccijjanapadassphītaḥ sukhaṃ vasati rāghava

O Bharata, my country which is marked with hundreds of sanctuaries near villages where life of the people is made comfortable, where there are shrines, water distribution facilities and tanks, which is wellploughed and rich in cattlewealth, free from violence and independent of rain. It is enchanting. It is safe from wild animals. With fears expelled, free from sinful people, adorned with mines and wellprotected by my ancestors, it is prosperous and I hope people are living comfortably.

कच्चित्ते दयितास्सर्वे कृषिगोरक्षजीविनः। वार्तायां संश्रितस्तात लोको हि सुखमेधते।।2.100.47।।

kaccitte dayitāssarve kṛṣigorakṣajīvinaḥ| vārtāyāṃ saṃśritastāta loko hi sukhamedhate

I trust all those men who live on agriculture and cattlerearing are favourable to you. The world's prosperity, dear brother, grows on the profession of cattle rearing.

तेषां गुप्तिपरीहारैः कच्चित्ते भरणं कृतम्। रक्ष्या हि राज्ञा धर्मेण सर्वे विषयवासिनः।।2.100.48।।

teṣāṃ guptiparīhāraiḥ kaccitte bharaṇaṃ kṛtam| rakṣyā hi rājñā dharmeṇa sarve viṣayavāsinaḥ

I trust you nourish them and also afford portection and prevent adversities. A king must protect all those people living in his country in accordanc with righteousness.

कच्चिस्त्रिय स्सान्त्वयसि कच्चित्ताश्च सुरक्षिताः। कच्चिन्न श्रद्धास्यासां कच्चिद्गुह्यं न भाषसे।।2.100.49।।

kaccistriya ssāntvayasi kaccittāśca surakṣitāḥ| kaccinna śraddhāsyāsāṃ kaccidguhyaṃ na bhāṣase

I trust, you keep the women pacified and wellprotected, you do not believe their words and do not divulge any secrets to them.

कच्चिन्नागवनं गुप्तं कच्चित्ते सन्ति धेनुकाः। कच्चिन्न गणिकाश्वानां कुञ्जराणां च तृप्यसि।।2.100.50।।

kaccinnāgavanaṃ guptaṃ kaccitte santi dhenukāḥ| kaccinna gaṇikāśvānāṃ kuñjarāṇāṃ ca tṛpyasi

I trust, you protect the habitat of elephants and you have a large number of milch cows. I trust you are not contented with the existing number of female and male elephants and horses.

कच्चिद्दर्शयसे नित्यं मनुष्याणां विभूषितम्। उत्थायोत्थाय पूर्वाह्णे राजपुत्र महापथे।।2.100.51।।

kacciddarśayase nityaṃ manuṣyāṇāṃ vibhūṣitam| utthāyotthāya pūrvāhṇe rājaputra mahāpathe

O prince, I trust, you rise early daily and present yourself welladomed to the people on the thoroughfare.

कच्चिन्न सर्वे कर्मान्ताः प्रत्यक्षास्तेऽविशङ्कया। सर्वे वा पुनरुत्सृष्टा मध्यमेवात्र कारणम्।।2.100.52।।

kaccinna sarve karmāntāḥ pratyakṣāste'viśaṅkayā| sarve vā punarutsṛṣṭā madhyamevātra kāraṇam

All the servants, I trust, do not present themselves to you directly. At the same time they do not remain out of sight with fear at a distance. The middle course is the best way for the welfare of every one.

कच्चित्सर्वाणि दुर्गाणि धनधान्यायुधोदकैः। यन्त्रैश्च परिपूर्णानि तथा शिल्पिधनुर्धरैः।।2.100.53।।

kaccitsarvāṇi durgāṇi dhanadhānyāyudhodakaiḥ| yantraiśca paripūrṇāni tathā śilpidhanurdharaiḥ

Hope all the forts are adequately provided with wealth, foodgrains, weapons and water, with machines of war and craftsmen and archers.

आयस्ते विपुलः कच्चित्कच्चिदल्पतरो व्ययः। अपात्रेषु न ते कच्चित्कोशो गच्छति राघव।।2.100.54।।

āyaste vipulaḥ kaccitkaccidalpataro vyayaḥ| apātreṣu na te kaccitkośo gacchati rāghava

O Bharata, I trust, your revenues are abundant and expenditure much less. I trust you do not give away your treasure to undeserving persons.

देवतार्थे च पित्रर्थेब्राह्मणाभ्यागतेषु च। योधेषु मित्रवर्गेषु कच्चिद्गच्छति ते व्ययः।।2.100.55।।

devatārthe ca pitrarthebrāhmaṇābhyāgateṣu ca| yodheṣu mitravargeṣu kaccidgacchati te vyayaḥ

I trust, you are spending only on gods, ancestors, brahmins, guests, warriors and hosts of friends.

कच्चिदार्यो विशुद्धात्मा क्षारित श्चापरकर्मणा। अपृष्ट श्शास्त्रकुशलैर्न लोभाद्वध्यते शुचिः।।2.100.56।।

kaccidāryo viśuddhātmā kṣārita ścāparakarmaṇā| apṛṣṭa śśāstrakuśalairna lobhādvadhyate śuciḥ

I trust a man who is honest, purehearted and venerable, falsely accused of adultery is not slain out of avarice without consulting experts in scriptures.

गृहीतश्चैव पृष्टश्च काले दृष्टस्सकारणः। कच्चिन्न मुच्यते चोरो धनलोभान्नरर्षभ।।2.100.57।।

gṛhītaścaiva pṛṣṭaśca kāle dṛṣṭassakāraṇaḥ| kaccinna mucyate coro dhanalobhānnararṣabha

O best among men I trust that a thief, caught redhanded and interrogated and has sufficient proof is not set free, out of greed for money.

व्यसने कच्चिदाढ्यस्य दुर्गतस्य च राघव। अर्थं विरागाः पश्यन्ति तवामात्या बहुश्रुताः।।2.100.58।।

vyasane kaccidāḍhyasya durgatasya ca rāghava| arthaṃ virāgāḥ paśyanti tavāmātyā bahuśrutāḥ

O Bharata, I trust that your ministers are wellinformed and look into all matters in times of hardship pertaining to whether a man is rich or poor without any bias to either.

यानि मिथ्याभिशस्तानां पतन्त्यश्रूणि राघव। तानि पुत्रान्पशून्घ्नन्ति प्रीत्यर्थमनुशासतः।।2.100.59।।

yāni mithyābhiśastānāṃ patantyaśrūṇi rāghava| tāni putrānpaśūnghnanti prītyarthamanuśāsataḥ

O Bharata, the tears falling from the eyes of persons, who are falsely accused and punished for the pleasure of the king will destroy his progeny and cattle as well.

कच्चिद्वृद्धांश्च बालांश्च वैद्यामुख्यांश्च राघव। दानेन मनसा वाचा त्रिभिरेतैर्बुभूषसे।।2.100.60।।

kaccidvṛddhāṃśca bālāṃśca vaidyāmukhyāṃśca rāghava| dānena manasā vācā tribhiretairbubhūṣase

O Bharata, I trust you wish to thrive by treating the old, children and foremost of learned people with the three expedients namely gifts, affection and kind words.

कच्चिद्गुरूंश्च वृद्धांश्च तापसान् देवतातिथीन्। चैत्यांश्च सर्वान्सिध्दार्थान्ब्राह्मणांश्च नमस्यसि।।2.100.61।।

kaccidgurūṃśca vṛddhāṃśca tāpasān devatātithīn| caityāṃśca sarvānsidhdārthānbrāhmaṇāṃśca namasyasi

I trust you pay homage to the preceptors, the aged ones, ascetics, gods and guests, to shrines and to accomplished brahmins.

कच्चिदर्थेन वा धर्ममर्थं धर्मेण वा पुनः। उभौ वा प्रीतिलोभेन कामेन च न बाधसे।।2.100.62।।

kaccidarthena vā dharmamarthaṃ dharmeṇa vā punaḥ| ubhau vā prītilobhena kāmena ca na bādhase

I trust, righteousness for the sake of prosperity or prosperity for the sake of righteousness or both for the sake of sensual pleasure are not thwarted by you.

कच्चिदर्थं च धर्मं च कामं च जयतां वर। विभज्य काले कालज्ञ सर्वान्वरद सेवसे।।2.100.63।।

kaccidarthaṃ ca dharmaṃ ca kāmaṃ ca jayatāṃ vara| vibhajya kāle kālajña sarvānvarada sevase

O Bharata, the best among the victorious, conversant with timely actions and a bestower of boons you are the best of men. I trust, you allocate adequate time for attending to all the three expedients of life like dharma, artha and kama.

कच्चित्ते ब्राह्मणा श्शर्म सर्वशास्त्रार्थकोविदाः। आशंसन्ते महाप्राज्ञ पौरजानपदैस्सह।।2.100.64।।

kaccitte brāhmaṇā śśarma sarvaśāstrārthakovidāḥ| āśaṃsante mahāprājña paurajānapadaissaha

O highly sagacious Bharata, those brahmins who can comprehend the meaning of all scriptures along with the inhabitants of the city and country, I trust, are seeking your happiness.

नास्तिक्यमनृतं क्रोधं प्रमादं दीर्घसूत्रताम्। अदर्शनं ज्ञानवतामालस्यं पञ्चवृत्तिताम्।।2.100.65।। एकचिन्तनमर्थानामनर्थज्ञैश्च मन्त्रणम्। निश्चितानामनारम्भं मन्त्रस्यापरिरक्षणम्।।2.100.66।। मङ्गलाद्यप्रयोगं च प्रत्युत्थानं च सर्वतः। कच्चित्वं वर्जयस्येतान्राजदोषांश्चतुर्दश।।2.100.67।।

nāstikyamanṛtaṃ krodhaṃ pramādaṃ dīrghasūtratām| adarśanaṃ jñānavatāmālasyaṃ pañcavṛttitām ekacintanamarthānāmanarthajñaiśca mantraṇam| niścitānāmanārambhaṃ mantrasyāparirakṣaṇam maṅgalādyaprayogaṃ ca pratyutthānaṃ ca sarvataḥ| kaccitvaṃ varjayasyetānrājadoṣāṃścaturdaśa

I trust you eschew the fourteen faults of kings, like atheism, falsehood, anger, inattention, procrastination, evading the wise, indolence, gratification of all five senses, planning alone in the affairs of the kingdom, consultation with people who are proficient in worthless acts, failure to implement decisious, inability to keep the counsel secret and omission of auspicious practices and setting out against all the enemies at a time.

नास्तिक्यमनृतं क्रोधं प्रमादं दीर्घसूत्रताम्। अदर्शनं ज्ञानवतामालस्यं पञ्चवृत्तिताम्।।2.100.65।। एकचिन्तनमर्थानामनर्थज्ञैश्च मन्त्रणम्। निश्चितानामनारम्भं मन्त्रस्यापरिरक्षणम्।।2.100.66।। मङ्गलाद्यप्रयोगं च प्रत्युत्थानं च सर्वतः। कच्चित्वं वर्जयस्येतान्राजदोषांश्चतुर्दश।।2.100.67।।

nāstikyamanṛtaṃ krodhaṃ pramādaṃ dīrghasūtratām| adarśanaṃ jñānavatāmālasyaṃ pañcavṛttitām ekacintanamarthānāmanarthajñaiśca mantraṇam| niścitānāmanārambhaṃ mantrasyāparirakṣaṇam maṅgalādyaprayogaṃ ca pratyutthānaṃ ca sarvataḥ| kaccitvaṃ varjayasyetānrājadoṣāṃścaturdaśa

I trust you eschew the fourteen faults of kings, like atheism, falsehood, anger, inattention, procrastination, evading the wise, indolence, gratification of all five senses, planning alone in the affairs of the kingdom, consultation with people who are proficient in worthless acts, failure to implement decisious, inability to keep the counsel secret and omission of auspicious practices and setting out against all the enemies at a time.

नास्तिक्यमनृतं क्रोधं प्रमादं दीर्घसूत्रताम्। अदर्शनं ज्ञानवतामालस्यं पञ्चवृत्तिताम्।।2.100.65।। एकचिन्तनमर्थानामनर्थज्ञैश्च मन्त्रणम्। निश्चितानामनारम्भं मन्त्रस्यापरिरक्षणम्।।2.100.66।। मङ्गलाद्यप्रयोगं च प्रत्युत्थानं च सर्वतः। कच्चित्वं वर्जयस्येतान्राजदोषांश्चतुर्दश।।2.100.67।।

nāstikyamanṛtaṃ krodhaṃ pramādaṃ dīrghasūtratām| adarśanaṃ jñānavatāmālasyaṃ pañcavṛttitām ekacintanamarthānāmanarthajñaiśca mantraṇam| niścitānāmanārambhaṃ mantrasyāparirakṣaṇam maṅgalādyaprayogaṃ ca pratyutthānaṃ ca sarvataḥ| kaccitvaṃ varjayasyetānrājadoṣāṃścaturdaśa

I trust you eschew the fourteen faults of kings, like atheism, falsehood, anger, inattention, procrastination, evading the wise, indolence, gratification of all five senses, planning alone in the affairs of the kingdom, consultation with people who are proficient in worthless acts, failure to implement decisious, inability to keep the counsel secret and omission of auspicious practices and setting out against all the enemies at a time.

दशपञ्चचतुर्वर्गान्सप्तवर्गं च तत्त्वतः। अष्टवर्गं त्रिवर्गं च विद्यास्तिस्रश्च राघव।।2.100.68।। इन्द्रियाणां जयं बुद्ध्या षाड्गुण्यं दैवमानुषम्। कृत्यं विंशतिवर्गं च तथा प्रकृतिमण्डलम्।।2.100.69।। यात्रादण्डविधानं च द्वियोनी सन्धिविग्रहौ। कच्चिदेतान्महाप्राज्ञ यथावदनुमन्यसे।।2.100.70।।

daśapañcacaturvargānsaptavargaṃ ca tattvataḥ| aṣṭavargaṃ trivargaṃ ca vidyāstisraśca rāghava indriyāṇāṃ jayaṃ buddhyā ṣāḍguṇyaṃ daivamānuṣam| kṛtyaṃ viṃśativargaṃ ca tathā prakṛtimaṇḍalam yātrādaṇḍavidhānaṃ ca dviyonī sandhivigrahau| kaccidetānmahāprājña yathāvadanumanyase

O highly sagacious Bharata, I trust, having understood their true nature you are appropriately following the ten, five and four divisions, the seven divisions, the eight divisions, the three divisions, three kinds of knowledge, victory over the senses, the six qualities, evils arising from destiny and human agency, kritya, division of twenty, similarly Prakriti and Mandalas and two sources of Yatra and chastisement and of peace and war.

दशपञ्चचतुर्वर्गान्सप्तवर्गं च तत्त्वतः। अष्टवर्गं त्रिवर्गं च विद्यास्तिस्रश्च राघव।।2.100.68।। इन्द्रियाणां जयं बुद्ध्या षाड्गुण्यं दैवमानुषम्। कृत्यं विंशतिवर्गं च तथा प्रकृतिमण्डलम्।।2.100.69।। यात्रादण्डविधानं च द्वियोनी सन्धिविग्रहौ। कच्चिदेतान्महाप्राज्ञ यथावदनुमन्यसे।।2.100.70।।

daśapañcacaturvargānsaptavargaṃ ca tattvataḥ| aṣṭavargaṃ trivargaṃ ca vidyāstisraśca rāghava indriyāṇāṃ jayaṃ buddhyā ṣāḍguṇyaṃ daivamānuṣam| kṛtyaṃ viṃśativargaṃ ca tathā prakṛtimaṇḍalam yātrādaṇḍavidhānaṃ ca dviyonī sandhivigrahau| kaccidetānmahāprājña yathāvadanumanyase

O highly sagacious Bharata, I trust, having understood their true nature you are appropriately following the ten, five and four divisions, the seven divisions, the eight divisions, the three divisions, three kinds of knowledge, victory over the senses, the six qualities, evils arising from destiny and human agency, kritya, division of twenty, similarly Prakriti and Mandalas and two sources of Yatra and chastisement and of peace and war.

दशपञ्चचतुर्वर्गान्सप्तवर्गं च तत्त्वतः। अष्टवर्गं त्रिवर्गं च विद्यास्तिस्रश्च राघव।।2.100.68।। इन्द्रियाणां जयं बुद्ध्या षाड्गुण्यं दैवमानुषम्। कृत्यं विंशतिवर्गं च तथा प्रकृतिमण्डलम्।।2.100.69।। यात्रादण्डविधानं च द्वियोनी सन्धिविग्रहौ। कच्चिदेतान्महाप्राज्ञ यथावदनुमन्यसे।।2.100.70।।

daśapañcacaturvargānsaptavargaṃ ca tattvataḥ| aṣṭavargaṃ trivargaṃ ca vidyāstisraśca rāghava indriyāṇāṃ jayaṃ buddhyā ṣāḍguṇyaṃ daivamānuṣam| kṛtyaṃ viṃśativargaṃ ca tathā prakṛtimaṇḍalam yātrādaṇḍavidhānaṃ ca dviyonī sandhivigrahau| kaccidetānmahāprājña yathāvadanumanyase

O highly sagacious Bharata, I trust, having understood their true nature you are appropriately following the ten, five and four divisions, the seven divisions, the eight divisions, the three divisions, three kinds of knowledge, victory over the senses, the six qualities, evils arising from destiny and human agency, kritya, division of twenty, similarly Prakriti and Mandalas and two sources of Yatra and chastisement and of peace and war.

मन्त्रिभिस्त्वं यथोद्दिष्टैश्चतुर्भिस्त्रिभिरेव वा। कच्चित्समस्तैर्व्यस्तैश्च मन्त्रं मन्त्रयसे मिथः।।2.100.71।।

mantribhistvaṃ yathoddiṣṭaiścaturbhistribhireva vā| kaccitsamastairvyastaiśca mantraṃ mantrayase mithaḥ

I trust you deliberate in secrecy on your counsel with three or four counsellors, together and separately with each one, as laid down in sacred texts.

कच्चित्ते सफला वेदाः कच्चित्ते सफलाः क्रियाः। कच्चित्ते सफला दाराः कच्चित्ते सफलं श्रुतम्।।2.100.72।।

kaccitte saphalā vedāḥ kaccitte saphalāḥ kriyāḥ| kaccitte saphalā dārāḥ kaccitte saphalaṃ śrutam

I trust, the Vedas you have studied are fruitful, the acts which you commenced are productive, your wife is fruitful (blessed with a son) and the scriptures you studied are useful.

कच्चिदेषैव ते बुद्धिर्यथोक्ता मम राघव। आयुष्या च यशस्या च धर्मकामार्थ संहिता।।2.100.73।।

kaccideṣaiva te buddhiryathoktā mama rāghava| āyuṣyā ca yaśasyā ca dharmakāmārtha saṃhitā

O Bharata, I trust your intellect is in conformity with what I said conducive to long life, and fame in accordance with righteousness, (legitimate) pleasure and prosperity.

यां वृत्तिं वर्तते तातो यां च नः प्रपितामहाः। तां वृत्तिं वर्तसे कच्चिद्याच सत्पथगा शुभा।।2.100.74।।

yāṃ vṛttiṃ vartate tāto yāṃ ca naḥ prapitāmahāḥ| tāṃ vṛttiṃ vartase kaccidyāca satpathagā śubhā

I trust, you walk the auspicious path of truth (virtue) followed by our father and forefathers.

कच्चित्स्वादु कृतं भोज्यमेको नाश्नासि राघव। कच्चिदाशंसमानेभ्यो मित्रेभ्य स्सम्प्रयच्छसि।।2.100.75।।

kaccitsvādu kṛtaṃ bhojyameko nāśnāsi rāghava| kaccidāśaṃsamānebhyo mitrebhya ssamprayacchasi

O Bharata, I trust you do not partake delicious food all by yourself, and you share it with your friends when they want it.

राजा तु धर्मेण हि पालयित्वा महामतिर्दण्डधरः प्रजानाम्। अवाप्य कृत्स्नां वसुधां यथावदितश्च्युत स्स्वर्गमुपैति विद्वान्।।2.100.76।।

rājā tu dharmeṇa hi pālayitvā mahāmatirdaṇḍadharaḥ prajānām| avāpya kṛtsnāṃ vasudhāṃ yathāvaditaścyuta ssvargamupaiti vidvān

The highly sagacious and learned king, having acquired the entire earth and punishing the people in accordance with tradition and righteously ruling the kingdom, will ascend the his release (from this world). इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे शततमस्सर्गः।। Thus ends the hundredth sarga in Ayodhyakanda of the holy Ramayana, the first epic composed by sage Valmiki.